¹ Me kua ni levu vi ikodou me i vavuvuli, Ikodou na wekaqu, dou sa kila ta sa cudruvi valevu kinia. Ni sa cala keceliga i na levu na ka. ² Ke sa reva ni cala e dua i na vosa, sa tamata vinaka sara o koya, sa rawarawa vua me tarovia na yagona taucoko. ³ Raicia ke da sa vaciqia na kedra i tarovi na ose i gusudra me ra talairawarawa kinia vi kita, ta sa qai rawa ni tosoya na yagodra taucoko. ⁴ Raicia vokiliga na waqa, ni sa ka levu vaidjina, sa savu kalia i na cagi kaukauwa, sa tosoya liga i na uli lailai sara i na yasana sa vinakatakia o koya sa tauria na uli. ⁵ Sa va vokiliga kinia, na yameda ni sa jikida lailai liga, sa vosa vaviavialevu. Raicia, sa vawaqa na buka levu na bukawaqa lailai. ⁶ Sa bukawaqa na yameda, ina ka taucoko ni ca. Na yameda i na vijiki ni yagoda taucoko, sa vawaqa nai valavala keceliga ni yagoda, sa vawaqa qori o eli. ⁷ Ni sa vamanoataki na manumanu keceliga sa yava i va, vata na manumanu vatabana, vata na ka sa qasi vata na ka ni waitui sa vamanoataki ira tu o ira na tamata. ⁸ Ia sa reva na tamata sa vamanoatakia rawa na yame. Na ka ca sa reva ni tarovi rawa sa sinai i na ka-gaga sa dauvivamatei. ⁹ Ta sa vavinavinaka kinia vua na Turaga o Tamada, ta sa rulaki ira vokiliga kinia na tamata, a ra sa buli me ra tautauvata na Kalou. ¹⁰ Sa vu mai na gusu sa dua liga, na vavinavinaka vata na virulaki. Ikodou na wekaqu, sa reva ni dodonu me vakinia na vika ke. ¹¹ Sa dua beka na mataniwai sa vadavea ruarua mai na wai dranu vata na wai gaga vokiliga? ¹² Ikodou na wekaqu, sa dua beka na vuni lolo sa na vuatakia rawa na olive? Se dua na vaini, na lolo? Sa reva ni dua na mataniwai me tovure mai kinia na waitui vata na wai dranu vokiliga. ¹³ O cei vi ikodou sa vuku ka yalomatua? Me varaitakia mai i nai valavala vinaka na nona cakacaka i na vuku sa yalomalua. ¹⁴ Ke sa tu i na lomamudou na dauvuvu sa gaga, vata na dauviba, dou kua ni valevulevui ikodou se senitakia nai vavuvuli djina. ¹⁵ Na vuku va gona sa reva ni qai sobu mai colo. sa vavuravura liga, sa vayalo makawa, sa vatevoro. ¹⁶ Ke sa tu na vuvu vata na viba, sa tu kinia na visei vata na cakacaka keceliga sa ca. ¹⁷ Na vuku mai colo, sa savasava mada, sa dauvivacegui, sa yalomalua, sa vamasuji varawarawa, sa sinai i na loloma vata na vua vinaka, sa reva ni djigitaki ira vatani na tamata se dauvivakaisini. ¹⁸ Na vua ni valavala dodonu sa kaburaki vata ki na vivacegui vi ira ra sa caka jiko na vivacegui.