¹ O ikodou na wekaqu, dou kua ni tauria vata na djigitaki ira na tamata vata na vabauji Jisu Karisito, na noda Turaga sa varokorokotaki. ² Ke sa curu i na nomudou valenilotu dua na tamata sa vamama koula, sa vaicurucuru i nai curucuru vaiukuuku, sa curu vokiliga yani kinia na tamata dravudravua, sa vaicurucuru ca. ³ Dou sa varokorokotaki koya sa vaicurucuru i nai curucuru vaiukuuku, sa tukunia vua, "Mo dabe i vanua ke i na yasana vinaka," dou sa tukunia vua na tamata dravudravua, "Tu cake tu i vanua gona," se "Mai dabe i ruku ni yavaqu." ⁴ dou sa qai reva beka ni djigidjigi, sa yaco kinia mo dou daulelewa i na vakasama ca? ⁵ Dou rogocia, o ikodou na wekaqu lomani, sa reva beka ni djigitakia na Kalou o ira sa dravudravua i na ka vavuravura me ra vutuniyau i na vabaujia me ra taukenia vokiliga na matanitu sa yalatakia o koya vi ira sa lomani koya? ⁶ Dou sa becia na tamata dravudravua! Ra sa reva beka ni vasaurarataki o ira na vutuniyau? Ra yarataki ikodou ina vale ni vilewai?

⁷ Ara sa reva beka ni vosavacacatakia na yaca varokoroko dou sa vatokai kinia? ⁸ Ke dou na muria sara na vunau vaturaga me va nai Vola Tabu, "Mo lomania na kai nomu me vataki iko," dou na qai caka vinaka. ⁹ Ke dou sa djigitaki ira na tamata, dou sa qai valavala ca, sa beitaki vi ikodou na vunau nai valavala ca. ¹⁰ O koya na muria na vunau taucoko, qai cala liga i na dua liga na jikina, sa na beitaki me va sa talaimama i na vunau keceliga. ¹¹ Ni sai koya liga sa tukunia, "Kua ni dauyalewa," sa tukunia vokiliga, "Kua ni laba." Ke o sa reva ni dauyalewa ia o sa laba liga, o sa qai talaimama i na vunau. ¹² Dou vosa ka i valavala va kinia me vataki ira ra na lewai me va na vunau ni visereki. ¹³ Ni na lewai qai reva ni lomani o koya sa reva ni varaitakia na loloma. Na dauloloma sa rawa na vilewai. ¹⁴ Na yaga vacava, vi ikodou na wekaqu, ke dua sa tukunia ni sa tu vua na vabaujia, ke sa reva vua na cakacaka? Na vabulai koya beka na vabaujia? ¹⁵ Ke sa dua na viwekani se yalewa se tagane sa reva na nonai curucuru, sa reva na kena i na visiga. ¹⁶ Sa dua vi ikodou sa tukunia vi ira, "Dou qai i na vacegu, dou tatalai, dou vakuvaitaki." Dou sa reva ni solia na vika e yaga i na yagodra, na cava na betena? ¹⁷ Sa va vokiliga kinia na vabaujia, ke sa reva ni tu vata i na cakacaka, sa mate liga ni sa tu duadua liga. ¹⁸ Na tukunia beka e dua, "Sa tu liga vi iko na vabaujia, sa tu liga vi au na cakacaka." Mo varaitakia mai vi au na nomu vabaujia ni sa reva liga na nomu cakacaka. Au na varaitakia vi ikodou na noqu vabaujia i na noqu cakacaka. ¹⁹ Ikodou sa vabaujia ni sa dua na Kalou; ikodou sa vavinavinakataki ira. O ira vokiliga na tevoro ra sa vabaujia, a ra sa sautanini vokiliga. ²⁰ O sa via kila beka, o iko na tamata lialia, ni sa mate liga na vabaujia ni sa reva na cakacaka. ²¹ A reva beka ni vadonui o Eparaama na tamada i na vuku ni cakacaka ni sa vacaboya na luvena o Aisake i dela ni cabocabo ni soro? ²² Ikodou sa raicia ni sa vivuke na vabaujia vata na nona cakacaka, sa taucoko sara mai na vabaujia i na vuku ni cakacaka. ²³ Sa vayacori kinia nai Vola Tabu o koya sa tukunia, "Sa vabaujia na Kalou o Eparaama, sa wili vua mei valavala dodonu," sa vatokai me Weka ni Kalou. ²⁴ Dou sa raicia sa vadonui na tamata i na vuku ni cakacaka, sa reva liga i na vuku ni vabaujia duadua liga. ²⁵ Sa va vokiliga kinia, o Reapi na yalewa dautagane sa reva beka ni vadonui i na vuku ni cakacaka ni sa vacegui rau na yamata, sa vatalai rau i na sala tani? ²⁶ Me va sa mate na yago ni sa takali na yalo, sa mate vakinia na vabaujia ni yali kinia na cakacaka.