¹ Dou qai mai, ikodou na tamata vutuniyau, dou tagi, dou qoqolou i na vuku ni nomudou rarawa ni na yaco mai. ² Sa vuca na nomudou iyau, sa kania na nomudou i sulu na sarasara. ³ Sa veveka na nomudou koula vata na siliva, sa na tukuni ikodou na kena veveka. Na kania na lewemudou me va na bukawaqa. Dou sa kumunia vata nai yau me yacovia na gauna mai muri sara. ⁵ Raicia, sa tagi na kedrai voli na tamata cakacaka ra sa musukia na nomudou viwere koya dou ma vusekatakia. Sa curu i na daligana na Turaga ni lewe levu na nodra tagi na dautatamusuki. ⁴ Dou ma marau jikoliga i vuravura, dou ma daukana jiko. Dou ma dauvakania na lomamudou i na siga sa ia kinia na vivamatei. ⁶ Dou lewai koya sa yalododonu. Sa reva ni voraji ikodou o koya. ⁷ O koya liga gona, na wekaqu, mo dou qai vosojia me yaco mada na nona qai mai na Turaga. Raicia nai vatawa ni teitei sa warakia na vua ni qele e talei, sa wawa vadede, me rawa mada na uca sa liu vata na uca sa muri. ⁸ Ikodou vokiliga, dou wawa. Vataudeitakia na yalomudou ni sa roro mai na nona qai mai na Turaga. ⁹ Dou kua ni vosakudrukudru, na viwekani, vataki ikodou, de dou cudruvi. Raicia, sa tu i na mata ni darava na Turaga ni lewa. ¹⁰ Ikodou na wekaqu, vamurimuri ira na parofita, i na vosojia na ka rarawa vata na dauvosojia, ra ma vosa i na yaca ni Turaga. ¹¹ Raicia, ta sa dauvatokai ira ra sa vosojia me ra kalougata. Dou ma rogocia na dauvosojia ni Jope, dou sa raicia vokiliga ni sa jinia vacava na Turaga, ni sa yalovinaka sara na Turaga; sa dauloloma. ¹² Na ka levu sara ke, ikodou na wekaqu, mo dou kua sara ni bubului, kua i lomalagi se i vuravura, se i na dua tani na ka. Me "Io" liga na nomudou "Io" me "Reva" liga na "Reva," de dou cudruvi kinia. ¹³ Ke dua vi ikodou sa vararawataki ? Me masu jiko. Ke dua sa marau? Me sere jiko. ¹⁴ Ke dua vi ikodou sa tauvimate? Me kacivi ira na matua ni soqosoqo lewe ni lotu, me ra masulaki koya. Me ra lumujia i na waiwai i na yaca ni Turaga. ¹⁵ Na masu ni vabaujia na vabulai koya sa tauvi-mate, na vabulai koya na Turaga. Ke sa caka jiko nai valavala ca, na reva ni cudruvi kinia. ¹⁷ Dou dui vatusa na nomudou i valavala ca ka vimasulaki mo dou vabulai kinia. Sa yaga valevu na nona masu vagumatua na tamata yalododonu. ¹⁶ Ma tamata vataki kita liga o Ilaija. Sa daumasu vagumatua sara me kua ni tau na uca, sa reva kinia ni tau na uca i vuravura me raujia e yabaki tolu ka vula ono. ¹⁸ Sa qai masu voki o Ilaija. Sa qai tau na uca mai lomalagi, sa vuatakia na vuana na qele. ¹⁹ Ikodou na viwekani, ke dua vi ikodou sa qai sese mai nai vavuvuli djina, sa valesui koya voki mai e dua,

²⁰ me kila o koya ke, ni o koya sa valesuya voki na tamata caka cala mai na nonai valavala sa cala kinia sa vabula na yalo mai na mate, sa bulujia vokiliga e levu nai valavala ca.