¹ O koya mo dou qai tu dei ena lalaga sa valalagataki kita kinia na Karisito, ka mo dou kakua ni vataotaki voki enai vua mo dou bobula kinia. ² Raicia, oi au o Paula au sa tukunia vi ikodou, Keva dou sa caka tiko na vicilivi, ena vatawayagataki kinia vi ikodou na Karisito. ³ Niu sa vadjinadjina voki vi ira na tamata yadua sa cilivi, ni ra sa vauci tu me muria na vunau taucoko. ⁴ Dou sa tawase tu maivi Karisito, oi ikodou keceliga sa va mo dou vadonui ena vunau; dou sa qai bale mai na loloma. ⁵ Sa vabaujia eda sa warakia ka vanuinui kinia, ena vivuke ni Yalo Tabu, me da vadonui. ⁶ Ni da sa tu vata ki Karisito Jisu, sa reva ni yaga me cili, se me reva ni cili; sa yaga liga na vabaujia sa daucakacaka yaco ena loloma. ⁷ Dou a cici vinaka eliu; o cei beka sa tarovi ikodou mo dou kakua ni talairawarawa kinia ki nai vavuvuli dina.? ⁸ A vadinajia ke sa reva ni vu maivi koya sa kacivi ikodou. ⁹ E dua na jiki ni leveni lailai sa valevenitakia nai buli taucoko. ¹⁰ Au sa vararavi liga vi ikodou ena vuku ni Turaga, ni dou na yali ni lomavatani; ia o koya liga sa vayavalati ikodou, ena rawajia na kenai sau, io o koya yadua. ¹¹ Ia oi au, na viwekani, keva kau sa vunautakia tiko na vicili, a cava kau sa vacacani tiko kinia? sa qai mudu na vivatarabetaki ena vuku ni kauveilatai. ¹² 12Au sa vinakajia me ra muduki ira tani o ira era sa vayavalati ikodou. ¹³ Ni dou sa kacivi, na viwekani, mo dou lalaga; ia dou kakua ni ia na lalaga me tubu kinia na ka vayago, ka dou caka tikoliga na vivuke ni vilomani vai ikodou. ¹⁴ Ni sa caka sara na vunau taucoko ena vosa e dua bau, ke liga: Mo lomania na kai nomu me vataki iko. ¹⁵ Ia kevaka dou sa vikata ka vikani vai ikodou, dou raicia vinaka de dou vivarusai vai ikodou. ¹⁶ Ia au sa tukunia, Dou qai voli ena Yalo Tabu, ka dou na reva ni caka kinia na gagadre ca ni tovo vayago. ¹⁷ Ni sa vivala na gagadre ni tovo vayago ki na Yalo Tabu, a sa vivala na Yalo Tabu ki nai tovo vayago: ia sa vimecaki oi rau ke; dou sa reva kinia ni caka na vika dou sa vinakajia. ¹⁸ Ia keva sa tuberi ikodou na Yalo Tabu, dou na reva ni lewai ena vunau. ¹⁹ Ia sa votu na cakacaka ni tovo vayago, ka sa vake: A dauvibutakoci, na daudara, nai valavala reva ni savasava, na daugarogaro, ²⁰ na dausoro ki na vimatakau, na daucakaisausau, na dauvicati, na dauvileti, na viqati, na daucudrucudru, na dauviba, na visei vavuravura, na visei ni lotu, ²¹ na dauvuvu, na daumateni, na daumarau valialia, ki na vika sa vakinia: a vika ke au sa tukunia vi ikodou, me va au a tukunia makawa vokiliga ni na reva ni rawajia na matanitu ni Kalou ko ira era sa caka na vika vake. ²² Ia na vua ni Yalo Tabu na loloma, na reki, na vacegu, na vosojia vadede, na yalomalua, na yalololoma, na vabaujia, ²³ na yalomalumalumu, nai valavala malua: sa reva na vunau sa cudruvi kinia na vika ke. ²⁴ Ia ko ira era nei Karisito era sa vakojia ki na kauveilatai nai tovo vayago ki na kena dodomo ca ki na kena gagadre ca. ²⁵ Keva eda sa bula ena Yalo Tabu, tou qai voli vokiliga ena Yalo Tabu. ²⁶ Me da kakua ni gadrevia me da dokai waleliga, se vicudruvi, se vivuvutaki.