¹ Ia au sa tukunia, Ni sa gone tiko nai taukei emuri, sa tauvata ki na tamata waleliga, ia ka sa nona liga na ka keceliga; ² a sa lewai koya ko ira nai vavuvuli ki ira na qase, me yaco mada na gauna ka lokucia eliu ko tamana. ³ Sa vakinia oi kita eliu, ni da a gone tiko, sa lewai kita na vivu ni ka sa vavuravura me va eda bobula: ⁴ ia ni sa yaco dina sara na kena gauna, sa qai tala yani na Luvena na Kalou, o koya sa sucu mai na yalewa, sa sucu me lewai koya na vunau, ⁵ me voli ira kinia sa lewai ira na vunau, me da vabauti kinia me da luvena bau. ⁶ Ia ni dou sa qai luvena, sa tala na Kalou na Yalo ni Luvena ki na lomada, o koya sa daukaci, Apa, Tama i kimamu. ⁷ O koya ke o sa qai reva kinia ni tamata waleliga, a luvena liga; ia keva o sa luvena, o sa qai taukei ena vuku ni Kalou. ⁸ Ia eliu, ni dou a reva ni kila na Kalou, dou a dauqaravi ira a reva ni nodra i tovo me kalou. ⁹ Ia ni kua, ni dou sa qai kila na Kalou, se djina liga ni sa qai kilai ikodou na Kalou, dou sa qai lesu voki vacava ki na vivu ni ka, sa malumalumu ka ka wale, ka dou sa vinakajia mo dou qaravia voki? ¹⁰ Dou sa vatabuya na siga eso, ki na vula eso, ki na gauna eso, ki na yabaki eso. ¹¹ Au sa yalolailai ena vukumudou, de reva ni yaga na noqu cakacaka vi ikodou. ¹² Oi ikodou na viwekani, au sa masuti ikodou, mo dou vataki au; niu sa vataki ikodou: dou sa reva ni vacacani au valailai. ¹³ Ia dou sa kila, niu a vunautakia vi ikodou eliu nai tukutuku-vinaka, sa malumalumu na yagoqu. ¹⁴ Ia ena vuku ni ka ni yagoqu sa vatovolei ikodou, dou sa reva ni beci au se vasisilatakia; ia dou a vacegui au me va au sa agilose ni Kalou, me vataki Karisito Jisu. ¹⁵ Sa qai tu evei na nomudou marau eliu? niu sa vadjinadjina vi ikodou, keva sa rawarawa, dou a leujia tani na matamudou, mo dou solia mai vi au. ¹⁶ Au sa qai yaco beka meu nomudou meca, niu sa vosa djina vi ikodou? ¹⁷ Era sa gumatua ni lomani ikodou, e reva e nai valavala vinaka, io era sa via tawasei ki ikodou tani, mo dou gumatua ni lomani ira. ¹⁸ Ia sa ka vinaka na gumatua tikoliga ena cakacaka vinaka, me kakua ni caka waleliga niu sa tiko vata ki ikodou. ¹⁹ Na luvequ lalai, oi ikodou kau sa taratara voki kinia, me buli mada na Karisito ena lomamudou! ²⁰ Ia kau sa via tiko vi ikodou ni kus ka me dua tani na domoqu; niu sa nuinuica ena vukumudou. ²¹ Dou tukunia mai vi au, ikodou sa via vauci e na vunau, dou sa reva beka ni rogocia na vunau? ²² Ni sa volai, sa lewe rua na luve i Eparaama ka tagane, a tinana e dua na vada, a tinana kadua na marama: ²³ ia o koya sa luve ni vada, sa sucu vatamata; ia o koya sa luve ni marama, sa sucu ena vosa ni yalayala. ²⁴ Ia na ka ke sa vaibalebale: ni sa viyalayalaji e rua koi rau na yalewa ke; e dua mai na ulu-ni-vanua o Saineai, o koya sa vasucu gone me ra bobula, gona o Eka. ²⁵ Ia o Eka ke na ulu-ni-vanua o Saineai mai Arepea, a sa tautauvata ki Jerusalemi ka tu ni kua, a sa bobula jiko ki ira na luvena. ²⁶ Ia o Jerusalemi mai colo sai taukei, o koya na jinada keceliga. ²⁷ Ni sa volai, Mo reki, o iko na yava sa reva ni valuveni; Mo tabalakia na kaci, o iko sa reva ni taratara: Ni sa qai lewe levu na luvena o koya ka biu, ka lewe lailai vua sa vawaji. ²⁸ Ia oi kita, na viwekani, eda sa vataki Aisake, ni da sa gone ni vosa ni yalayala. ²⁹ Ia na ka sa caka eliu sa caka vokiliga ni kua, sa vacacani koya sa vayalo o koya sa sucu vatamata. ³⁰ Ia ka cava sa tukunia nai Vola Tabu! Vaseva tani na vada ki na luvena; ni rau na reva ni taukei vata na luve ni vada ki na luve ni marama. ³¹ Sa vake, ikodou na viwekani, eda sa reva ni luve ni vada, eda sa luve ni marama.