¹ Oi ikodou na kai Kalatia dou sa sesewa, o cei beka sa lari ikodou, ni sa varaitakia oti ena matamudou o Jisu Karisito me va ni sa vakoti ki na kauveilatai? ² A ka liga ke kau sa via kila vi ikodou, Dou sa rawajia na Yalo Tabu ena cakacaka ni vunau, se ni dou rogocia na vabaujia? ³ Dou sa sesewa vake, ne? ni dou sa vatekivunia ena Yalo Tabu, dou sa qai tinia beka ena ka vayago? ⁴ Dou a vosojia vake e levu na ka me reva ni yaga, se reva? kevaka sa dina liga ni reva ni yaga. ⁵ Io, o koya sa dausolia vi ikodou na Yalo Tabu a sa daucaka-mana ena ikodou maliwa, sa rawajia li o koya ena cakacaka ni vunau, se ena rogocia na vabaujia? ⁶ Me va sa vadjinajia na Kalou o Eparaama, a sa okaji vua mei valavala dodonu. ⁷ O koya mo dou kila, o ira era sa muria na vabaujia, sai ira liga era sa luve i Eparaama. ⁸ Ia nai Vola Tabu vokiliga, ni sa kila makawa sa vabaujia sa dauvadonui ira kinia na vimatanitu tani na Kalou, sa vunautakia mada eliu vi Eparaama nai tukutuku-vinaka, Ena vakalougatataki na vivanua keceliga ena vukumu. ⁹ O koya ke era sa vakalougatataki vata ki Eparaama na dauvabaujia o ira sa muria na vabaujia. ¹⁰ Ni sa lewai me cudruvi, o ira keceliga era sa muria na cakacaka ni vunau; ni sa volai, Ena cudruvia ko ira yadua sa reva ni tu dei ena ka keceliga sa volai enai vola ni vunau me ra caka. ¹¹ Ia sa macala sara sa reva ni vadonui ena vunau e dua ena mata ni Kalou; ni sa volai, Ena bula na tamata dodonu ena vuku ni vabaujia. ¹² Ia sa reva ni ka ni vabaujia na vunau; ia Ko koya liga sa caka na vika ke ena bula kinia. ¹³ Sa voli kita na Karisito mai na vicudruvi ni vunau, ni sa cudruvi liga o koya ena vukuda, ni sa volai, Sa cudruvi o ira yadua sa rube ena kau: ¹⁴ me yaco kinia na ka ni vivakalougatataki ni Eparaama vi ira na vimatanitu tani ena vuku i Jisu Karisito: me da rawajia kinia na Yalo ka yalatakia, ni da sa vabaujia. ¹⁵ Oi ikodou na viwekani, au sa vosa vatamata liga: Keva sa tamata liga sa caka na viyalayalati, ka sa vadjinadjinatakia, sa qai reva e dua sa vatawayagatakia se vaikuritakia. ¹⁶ Ia sa vosataki vi Eparaama na viyalayalati, vi ira vokiliga na nona kawa. Sa reva ni tukunia o koya. Vi ira na vikawa, me va sa levu na kawa; ia me va ni sa dua la liga, Vi ira vokiliga na nomu kawa, o koya na Karisito. ¹⁷ Ia ke kau sa tukunia, a viyalayalati ka vadjinadjinatakia eliu na Kalou, a reva ni vatawayagatakia na vunau sa yaco ni sa oti mada e va na drau ka tolusagavulu na yabaki, me reva kinia ni mana na vosa ni yalayala. ¹⁸ Io, keva sa yaco nai votavota ena vuku ni vunau, sa qai reva ena vuku ni yalayala: ia na vosa ni yalayala liga sa solia kinia vi Eparaama na Kalou. ¹⁹ Sa qai mei cavai beka na vunau? Sa vaikuritakia ke ena vuku ni talaidredre, me yaco mada na kawa sa vosa kinia na yalayala; a ra sa tukunia ko ira na agilose ena gusu ni dua na dautataro. ²⁰ Ia na dautataro sa reva ni yaga ni sa dua la liga; ia na Kalou sa dua la liga. ²¹ Erau sa qai dua tani sara beka na vunau ki na vosa ni yalayala ni Kalou? E reva sara: ia kevaka sa soli e dua na vunau sa rawa kinia na vivabulai, sa qai djina ena yaco na vivadonui ena vuku ni vunau. ²² Ia nai Vola Tabu sa sogolatia keceliga, ka beitakia ena cala, me soli kinia na ka sa yalatakia, e na vuku ni vabauti Jisu Karisito vi ira era sa vabaujia. ²³ Ia ni sa reva ni yaco na vabaujia, eda sa vatawai me caka tiko na vunau, ni da sogolajia tiko me yaco mada na gauna ni vabaujia ena varaitakia emuri. ²⁴ Sa qai yaco kinia na vunau mei vavuvuli me tuberi kita vi Karisito, me da vadonui kinia ena vuku ni vabaujia. ²⁵ Ia ni sa yaco na vabaujia, sa qai reva ni vitaliatakia kita tiko nai vavuvuli. ²⁶ Ni dou sa luve ni Kalou oi ikodou keceliga ni dou sa vabauti Karisito Jisu. ²⁷ Ni sai Karisito dou sa vasulumi Ikodou kinia, oi ikodou yadua sa papitaisotaki vi Karisito. ²⁸ Sa qai reva na Jiu se na kai matanitu tani, sa reva na bobula se nai taukei, sa reva na tagane se na yalewa: ni dou sa dua la liga oi ikodou keceliga ena vuku i Karisito Jisu. ²⁹ Ia kevaka dou sa ni Karisito, dou sa qai kawa i Eparaama, ki nai taukei me vaka na vosa ni yalayala.