¹ Oi ikodou na viwekani, keva sa vakidacalataki e dua na tamata mei valavala ca, mo dou vavinakataki koya ena yalo malumalumu, oi ikodou sa vayalo; ka mo varaici iko, de o sa dauveretaki vokiliga. ² Dou vivuke ni colajia na nomudou i colacola, ka mo dou vayacoria kinia na vunau i Karisito. ³ Keva e dua sa nanumi koya me ka levu, ia sa ka waleliga, sa qai vaisini koya vai koya. ⁴ Ia me lewa deivakia na nona cakacaka na tamata yadua, ena qai rekitaki koya ena vuku i koya liga ka reva ena vukunia na tani: ⁵ ni na colajia na nonai colacola na tamata yadua. ⁶ Ia o koya sa vatavulici ena Vosa, me solia nai votavota ni ka keceliga e vinaka vi koya sa vatavulica. ⁷ Mo dou kakua ni vaisini ikodou; a Kalou ena reva ni valialiai; na ka keceliga sa kaburakia na tamata ena tamusukia vokiliga ko ya. ⁸ O koya sa kaburakia na ka ni nonai tovo vayago, ena tamusukia na rusa mai nai tovo vayago; ia o koya sa kaburakia na ka ni Yalo Tabu, ena tamusukia na bula reva ni mudu mai na Yalo Tabu. ⁹ Ia me da kakua ni ceguoca ena caka vinaka, ni da na tamusukia ena kena yabaki, keva eda sa reva ni oca. ¹⁰ O koya ke, ni sa rawa, me da caka vinaka vi ira na tamata keceliga, ka valevu vi ira era vitokani e na vabaujia. ¹¹ Dou raicia na mata ni vola lelevu kau sa volavola kinia vi ikodou ena ligaqu dina. ¹² O ira era sa via rairai vinaka vayago, era sa vasaurarataki ikodou mo dou cilivi; me ra kakua liga ni vacacani ena vuku ni kauveilatai nei Karisito. ¹³ Ia o ira era sa cilivi era sa reva ni talairawarawa ki na vunau; era gadrevia liga mo dou cilivi me ra rekitakia na lewemudou. ¹⁴ Ia oi au, me kakua sara na ka tani meu rekitakia, na kauveilatai liga ni noda Turaga o Jisu Karisito, o koya sa lauvako kinia vi au ena kauveilatai na vika vavuravura, oi au vokiliga ki na vika vavuravura. ¹⁵ Ni sa reva ni yaga me cili, se me reva ni cili, sa yaga liga me tamata yalovou. ¹⁶ Ia me yaco na vacegu ki na loloma, kivi ira keceliga era sai valavala tiko me vaka nai varau ke, vi ira vokiliga na Isireli ni Kalou. ¹⁷ Me kakua e dua me vararawataki au ena gauna emuri: ni sa tu liga ena yagoqu na we ni noqu mavoa ena vuku i Jisu. ¹⁸ Me tiko ki na yalomudou, na viwekani, na loloma ni noda Turaga o Jisu Karisito. Emeni.