¹ O koya ni douu qai vadamurimuria na Kalou, me vataki ira na gone ni toko. ² Mo dou qai voli ina loloma, me va sa lomani kita vokiliga na Karisito ka soli koya ina vukuda, mei soro boi vinaka ka vacaboria vua na Kalou. ³ Ia na dauyalewa vata na ka keceliga sa velavela vata na daukocokoco me reva ni cavuji maliwai ikodou, me va sa kilikili vata ki ira ra sa lotu. ⁴ Me reva vokiliga na ka vasisila, se na vivosaki lialia, se na viwali, na ka gona sa reva ni kilikili. Me caka liga na vavinavinaka. ⁵ Ni dou sa kila na ka ke na reva sara na nonai votavota ina matanitu ni Karisito vata na Kalou, e dua sa daudara, se dua sa velavela, se dua sa daukocokoco, ni sa qaravia na Kalou seseni o koya ke. ⁶ Me kua ni vacalai ikodou e dua i na vosa laliga, ni sa vika ke sa yaco kinia na cudru ni Kalou vi ira sa talaimama. ⁷ O koya, mo dou qai kua ni malele vata ki ira. ⁸ Ni dou ma butobuto iliu, ia dou sa qai rarama i na Turaga. Mo dou caka jiko nai valavala ni gone ni rarama ⁹ (ni sa vua ni rarama nai valavala sa vinaka keceliga vata nai valavala dodonu vata na ka djina), ¹⁰ ni dou vatovolei na ka sa vinaka vua na Turaga. ¹¹ Ia dou kua ni malele vata ki ira sa dauia nai valavala butobuto sa reva ni yaga ka dou vunaucia liga. ¹² Ni sa ka e vivamaduataki me vosataki na vika ra sa daucaka vuni. ¹³ Ia na ka keceliga gona ni sa vunauci sa vavotui i na rarama. ¹⁴ Ni sa rarama na ka keceliga sa vavotui. O koya ke sa tukunia kinia o koya, "O iko sa moce mo yadra mai, ka tucake mai na mate, ena qai vararamataki ikodou na Karisito." ¹⁵ O koya mo dou qai raici ikodou vinaka - mo dou i valavala vayalomatua ia mo dou kua ni vataki ira na lialia, mo dou vataki ira na vuku. ¹⁶ Mo dou volia me nomudou na gauna ni sa ca na visiga ke. ¹⁷ O koya mo dou qai kua ni lialia, mo dou kila liga na loma ni Turaga. ¹⁸ Ia dou kua ni mateni i na waini, ni sa caka kinia na ka vasisilia. Douu vasinaiji liga i na Yalo Tabu, ¹⁹ ka dou vivosaki vataki ikodou i na same vata na sere vata na meke vayalo, ka dou seretakia na sere e laga vinaka i na yalomudou vua na Turaga, ²⁰ ka dou vavinavinaka jiko i na vuku ni ka keceliga vua na Kalou vata ki na Tamada i na yaca ni noda Turaga o Jisu Karisito, ²¹ ka dou dui vamalumalumutaki ikodou vataki ikodou i na rere vi Karisito. ²² Ikodou na yalewa vawaji, mo dou dui vamalumalumutaki ikodou vua na wajimudou, me va vi koya na Turaga. ²³ Ni sa ulu ni wajina na tagane me va sa ulu ni soqosoqo le ni lotu na Karisito, ia nai Vabula vokiliga ni yago o koya. ²⁴ Ia me va sa malumalumu nai soqosoqo le ni lotu vi Karisito, me ra va vokiliga kinia na yalewa vi ira na wajidra i na ka keceliga. ²⁵ Ikodou na tagane vawaji, lomani ira na wajimudou, me va sa lomania nai soqosoqo le ni lotu na Karisito vata sa soli koya i na vukuna ka ²⁶ me vasavasavataki ka borea ni sa savuya i na wai vata na vosa, ²⁷ me varairaitakia kinia vi koya mei soqosoqo le ni lotu e serau sara, me kua ni tauviduka se sasalukiluki se dua na ka e vakinia, me savasava ka reva na jikina e ca. ²⁸ E kilikili vata ki ira na tagane me ra lomani ira vakinia na wajidra me vaka na yagodra djina. O koya sa lomania na wajina sa lomani koya vataki koya. ²⁹ Ni sa reva ni dua e cajia na yagona djina, ia sa vakania ka maroroya me va sa caka vokiliga o Karisito i nai soqosoqo le ni lotu, ³⁰ ni ta sa jiki ni yagona. ³¹ "Na ka ke ena dainia kinia na tagane na tamana vata na jinana ka rau na duavata ki na wajina, ka rau na le dua bauliga." ³² Sa ka levu na ka vuni ke, ia au sa vosataki Karisito vata nai soqosoqo le ni lotu. ³³ Ia mo dou dui lomania yadua na wajina me vataki koya ia na yalewa me varokorokotakia na wajina.