¹ Ikodou na gone, dou talairawarawa vi ira na nomudou matua i na ka sa vinaka vua na Turaga, ni sa dodonu ke. ² "Mo varokoroko vi rau na tamamu vata na jinamu" (Ke na vunau taumada sa dua kinia na vosa ni yalayala.), ³ "mo vinaka kinia ka mo bula vadede vokiliga i vuravura." ⁴ Ikodou vokiliga na matua, dou kua ni vacudrui ira na nomudou gone. Ia dou vavulici ira i na vunau vata nai vavuvuli ni Turaga. ⁵ Ikodou na tamata, dou talairawarawa vi ira na nomudou turaga vayago i na rere vata na sautanini. Me sa djina na yalomudou me va vi Karisito. ⁶ Mo dou kua ni makutu i matadra liga na turaga, mo dou vinakaji kinia vatamata. Ia me vaka dou sa tamata ni Karisito, mo dou caka na loma ni Kalou mai na vu ni yalomud0u. ⁷ Ni sa vinakatakia jiko na lomamudou ka me va vi koya na Turaga ka reva vi ira na tamata, koya dou sa makutu kinia, ⁸ ni dou sa kila na ka sa vinaka keceliga ena caka na tamata yadua se bobula se taukei, ni na saumi vakinia mai vua na Turaga ⁹ Ikodou vokiliga na turaga, dou caka vakini vi ira na nomudou tamata. Kua ni vosa vacudrucudru vi ira. Ni sa kila sa jiko mai lomalagi na nomudou Turaga o koya sa nodra vokiliga, sa reva ni vinakatakia e dua vailoa o koya. ¹⁰ Meu jinia, ikodou na wekaqu mo dou kaukauwa jiko i na Turaga vata na kena levu ni nona kaukauwa. ¹¹ Dou vaiyaragi i nai yaragi keceliga ni Kalou, mo dou tudei rawa ka vorajia nai lawaki ni tevoro. ¹² Ni da sa reva ni vivala laliga vata ki ira na tamata, da vivala vokiliga vata ki ira ra sa liu, vata ki ira sa kaukauwa, vata ki ira sa vitaliatakia na butobuto ki vuravura ke, vata ki ira na vivavakoso yalo ca i na viyasana valomalagi. ¹³ O koya mo dou vaiyaragi i nai yaragi keceliga ni Kalou, mo dou vorajia rawa kinia i na siga ca, ia ni dou sa vayacora kece, dou tu dei. ¹⁴ O koya mo dou qai tu dei ni sa vauci tu na tolomunu i na lomadjina, ka sa tu i na lomaseremunu nai sasabai ni valavala dodonu, ¹⁵ ka sa vaivava na yavamunu i na cakacaka ni tukutuku vinaka ni vivinakaji. ¹⁶ Ia me kenai kuri mo dou yadjia na vabaujia mei sasabai, dou na bokocia rawa kinia na gasau vidji keceliga ni tevoro ¹⁷ Ka mo dou tauria na i yaragi ni vivabulai vata nai seleiwau ni Yalo Tabu, na vosa ni Kalou. ¹⁸ Dou masu jikoliga i na masumasu keceliga vata na daukerekere i na Yalo Tabu. Me yacovia ke, dou yadravia jiko kinia i na gumatua kece vata ki na daukerekere i na vukudra keceliga na tamata lotu. ¹⁹ Masulaki au vokiliga, me soli vi au meu vosa rawa, ka vadoudou niu tukunia na ka vuni ni tukutuku vinaka. ²⁰ O koya au sa talai meu vunautakia, au sa vesu tu, meu vosatakia vadoudou me va sa kilikili vi au meu vosa. ²¹ Ia mo dou kila vokiliga na noqu toko vata na noqu i valavala ena tukunia na ka keceliga vi ikodou, o Tikiko na wekaqu daulomani vata nai talatala yalodjina ni Turaga. ²² O koya au sa tala vi ikodou i na vuku n i ka ke, mo dou kila kinia na nitou jiko, me vaceguya vokiliga na yalomudou o koya. ²³ Me nodra na viwekani na vacegu vata na loloma vata na vabaujia mai vua na Kalou na Tamada vata na Turaga o Jisu Karisito. ²⁴ Me tu na loloma vi ira keceliga ra sa lomania na noda Turaga o Jisu Karisito i na lomadjina. Emeni