¹ I na vuku ni ka ke o au, o Paula, sa ni Karisito Jisu sa vesu tu i na vukumudou sa matanitu tani - ² ni dou ma rogocia beka se sa vacava na loloma ni Kalou sa soli mai vi au i na vukumudou. ³ Ni sai vavuvuli mana sa vatakila kinia o koya vi au, na ka ka vuni tu, me vaka au ma vola valailai iliu. ⁴ Ka dou na kila rawa kinia ni dou sa wilikia na noqu vuku i na ka vuni baleji Karisito. ⁵ Ke sa reva ni vatakilai vi ira na tamata i na gauna sa oji. Me sa qai vatakilai i na Yalo Tabu vi ira na nonai apositolo yalosavasava vata ki ira na nona parofita. ⁶ Na ka djina sai koya ni ra sai taukei vata na vimatanitu tani vata ki ira na mataviwekani, ka ra sa rawajia vata vokiliga na ka sa yalatakia o Jisu Karisito i na vuku ni tukutuku vinaka. ⁷ O koya au ma lesi kinia meu kenai talatala me va nai solisoli ni loloma ni Kalou sa solia mai vi au ena cakacaka yaco ni nona kaukauwa. ⁸ Vi au, io vi au sa uasivi sobu sara vi ira keceliga ra sa lotu - sa soli kinia na loloma ke, me vunautaki vi ira na vimatanitu nai yau ni Karisito sa reva ni kilai rawa vata ⁹ ka me varairaitaki vi ira na tamata keceliga - se sa vacava na ka ka vuni tu sa vunia mai nai vatekivu ki vuravura na Kalou, o koya sa bulia na ka keceliga. ¹⁰ Me yaco kinia i na gauna ke nai soqosoqo le ni lotu me vatakilakilataki vi ira na turaga vata ki ira sa kaukauwa i na vivanua valomalagi me ra na mai kila na ituvaki ni bula e levu i na vuku ni Kalou. ¹¹ Me va nai naki sa tu oji vua i na vuku i Karisito JIsu na noda Turaga. ¹² Ni sa tu vi kita na yalodoudou vata na noda rawajia na yalodei i na vuku ni noda vabauji koya. ¹³ O koya gona au sa kerea mo nu kua ni yalolailai i na vuku ni noqu rarawa i na vukumudou, gona na nomudou dokai. ¹⁴ I na vuku ni ka ke au sa tekiduru kinia vi koya na Tamada, ¹⁵ o koya ra sa vayacani kinia na mataqali keceliga mai lomalagi vata ki ¹⁶ vuravura. Me solia vi ikodou o koya me va na kena levu ni nona vinaka me vakaukauwataki ikodou i na Yalona mo dou kaukauwa i loma. ¹⁷ Me jiko liga i na lomamudou na Karisito i na vabaujia ka mo dou vawakana ka tauyavutaki i na loloma, ¹⁸ ka rawajia kinia mo dou kila vata ki ira keceliga ra sa lotu, se cava na kena raraba, vata na kena balavu, vata na kena jitobu, vata na kena cecere, ¹⁹ ka mo dou kila na loloma i Karisito, o koya sa uasivi cake i na ka e kilai rawa, mo dpu sinai i na ka keceliga sa sinai kinia na Kalou. ²⁰ Ia vi koya sa rawajia me caka na ka sa uasivi cake valevu sara i na ka keceliga eda sa kerea se vakasama kinia, me va na kaukauwa sa cakacaka yaco i na lomada, ²¹ me ia vi koya na varokoroko i nai soqosoqo le ni lotu i na vuku i Karisito Jisu me yacovia na vitabatamata keceliga ka reva ni mudu. Emeni.