¹ Sa vabulai Ikodou, Ikodou sa mate tu i na caka cala vata i nai valavala ca, ² dou ma muria jiko iliu me va nai valavala ni vuravura ke. Ni dou ma muria jiko na nodra turaga ra sa kaukauwa i macawa, na yalo sa cakacaka jiko i lomadra ra sa dautalaimama. ³ O ira ta sai valavala vata kaya, o kita kece i na gauna iliu, i na gagadre ca ni yagoda, ni ta sa muria jiko na dodomo ni yagoda vata na yaloda. O kita sa luve ni cudrucudru, me vataki ira na vo ni tamata. ⁴ Ia na Kalou sa vutuniyau i na loloma balejia na nona loloma levu sa lomani kita kinia. ⁵ Me va ni ta ma mate tu i na caka cala, sa vabulai kita vata ki Karisito - na loloma laliga dou sa vabulai tu kinia. ⁶ Na Kalou sa vaturi kita cake vata ki Karisito , i na viyasana valomalagi ni Jisu Karisito, ⁷ me vatakila kinia i na gauna na muri mai na nona loloma levu sa uasivi sara ni sa lomavinaka vi kita i na vuku i Karisito Jisu. ⁸ Ni sa loloma laliga dou sa vabulai kinia i na vuku ni vabaujia, ia sa reva ni vuna o ikodou, sai solisoli liga ni Kalou, ⁹ sa reva i na vuku ni cakacaka, me kua kinia e dua me dokai koya. ¹⁰ Ni da sa nona cakacaka, sa caka me da tu vata ki Karisito me ia nai valavala vinaka o koya sa vatautakia iliu na Kalou, me da vayacoya vakinia. ¹¹ O koya mo dou nanumia ni dou ma reva ni lotu iliu ni dou sa sucu vakinia. Ni ma vatokai na "reva ni cili" vi ira sa vatokai na "cili" sa caka na liga i na yago. ¹² Ni sa reva vi ikodou na Karisito i na gauna gona, dou sa reva ni matanitu vata ki ira na Isireli, e reva ni nomudou na ka sa yalataki i na viyalayalaji, e reva vi ikodou nai nuinui vata e reva ni nomudou na Kalou i vuravura. ¹³ Ia i na gauna ke ni dou sa tu vata ki Karisito, ikodou ma yawa iliu, ia dou sa qai voleka liga mai i na vuku ni dra i Karisito. ¹⁴ Ni sai koya na vu ni noda vivinakaji voki, o koya sa qisia na rua me dua bau. Sa basukia na bai sa caka kinia na vitawasei. ¹⁵ Ni sa vaojia i na yagona na ka ta ma vicaji kinia, o koya na vunau sa varojia nai valavala ni lotu me caka kinia na vivinakaji ka qisi rau me rau tamata vou e dua bauliga ni rau tu vata kaya. ¹⁶ Na Karisito sa vavivinakataki rau ruarua na tamata vata vokiliga kinia na Kalou me va ni sa dua bau na tamata i na vuku ni kauveilatai, ni sa vamatea kinia na vicaji. ¹⁷ Sa qai mai o Jisu ka vunautakia na vivinakaji vi ikodou sa yawa vata vi ira vokiliga ra sa voleka. ¹⁸ Ni sai Jisu liga sa torovia rawa kinia na Tamada o kita ruarua i na Yalo e dua bau liga. ¹⁹ O koya ke dou sa qai reva ni jiko vulagi kinia se kai tani. Dou sa koro vata liga ki ira ra sa lotu, ka dou sa le ni vale ni Kalou. ²⁰ Dou sa tara cake i na nodra yavu nai apositolo vata ki ira na parofita, ia sai koya o Jisu Karisito sa kenai vadei i na tutu-ni-vale. ²¹ O koya sa sema vata kinia na vale taucoko ka sa tubu cake kinia me vale tabu ni sa tu vata ki na Turaga. ²² O koya dou sa vakatataki kinia me vale ni Kalou ni sa jiko kinia na Yalo Tabu.