¹ Mo kila vokiliga na ka ke, ni na yaco eso na gauna ni vivararawataki i na visiga maimuri: ² ni ra na daulomani ira laliga na tamata, ra na dauvinakajia nai lavo, ra na daubole, ra na viavialevu, ra na dauvosavacaca, ra na talaimama kivi ira na nodra qase, ra na reva ni vavinavinaka, ra na reva ni yalosavasava, ³ ra na caca viwekani, ra na dauyalayala ka seseni vokiliga, ra na dauvibitaki vaseseni, ra na reva ni daurawa na yalodra, ra na daucudrucudru, ra na daucaji ira na tamata vinaka, ⁴ ra na dauvisoliyaki me mate, ra na qaqa sodrosodro, ra na yalolevu, ra na lomania valevu na marau, ka ra na lomani koya na Kalou valailai; ⁵ sa nodra liga na lotu varairai, ka reva vi ira na kena djina: ia mo qai tani maivi ira era sa vake. ⁶ Ni sa vakinia o ira ra sa curu vailawaki ki na vivale eso, a ra sa daurawai ira na yalewa sesewa sa bini tu vi ira nai valavala ca, ra sa kau vatani i na gagadre ca e levu, ⁷ ra sa dauvatavulici jiko, ka reva ni rawajia me ra kila na ka djina. ⁸ Ia sa vataki Jani vata ki Jabri o ira ke ni rau sa qjti Mosese, ra sa qajia vakinia na ka djina: a tamata lomaqeleqelewa, a sa reva ni vinakajia na nodra vabaujia. ⁹ Ia ra na reva ni tubu cake me levu: ena vavotui vi ira keceliga na tamata na nodra sesewa, me va na nodrau gona. ¹⁰ Ia o iko, ko sa daumuria na noqu i vavuvuli, na noqu i valavala, na noqu i naki, na noqu vabaujia, na noqu vosojia vadede, na noqu loloma, na noqu vosojia na ca, ¹¹ na vivacacani, na vivararawataki; na ka sa yaco vi au mai Anitioki, mai Ikoniona, mai Lisitira; na kena levu ni vivacacani au ma vosojia; ia ka sa vabulai au na Turaga mai na ka keceliga ke, ¹² Io, o ira keceliga ra na via lotu djina vi Karisito Jisu, ra na vacacataki. ¹³ Ia o ira na tamata ca vata ki ira na dauvitemaki, ra na tubu cake me ra ca sara, ni ra sa caka na dauvivacalai, ka ra sa vacalai vokiliga o ira. ¹⁴ Ia o iko, mo tu dei i na ka o a vatavulici kinia, a ka sa vadjinadjinatakia vi iko, ni o sa kila se o cei sa vatavulici iko; ¹⁵ ni o sa kila nai Vola tabu, ni o ma gone, gona sa vavukui iko rawa mo bula ni o sa vabauji Karisito Jisu. ¹⁶ Sai koya na Kalou sa vavunia nai Vola Tabu keceliga, a sa yaga ke mei vavuvuli, me vunaucia na ca, me caka kinia na vivadodonutaki, me caka kinia na vatavuvuli i na ka e dodonu: ¹⁷ me yaco kinia na tamata ni Kalou me varau tu, ni sa varautaki ki nai valavala vinaka keceliga.