¹ O koya ke, na luvequ, mo qai vakaukauwataki iko i na loloma sa tu vi Karisito Jisu. ² Ia na vika o ma rogocia maivi au i na kodra maliwa na lewe levu ra dauvadjinadjina, mo solia vi ira na tamata yalodina, ra na rawajia me vavulici ira na tani. ³ O koya ke mo qai vosojia na ca, me va na sojia vinaka i Jisu Karisito. ⁴ Sa reva na tamata sa dau caka nai valu me sa vaogai koya vokiliga i na cakacaka ni bula ke; me vinaka kinia vua sa djigitakia me sotia. ⁵ Ia o koya sa gumatua i na viqito, sa reva ni vaisalatakia vaturaga, ke sa reva ni caka me va na kenai varau. ⁶ Nai vatau-ni-were sa cakacaka, me sa kania taumada na vuana. ⁷ Vananumia na ka au sa tukunia; ia me solia vi iko na Turaga na yalo e kila rawa na ka keceliga. ⁸ Vananumi koya sa vu mai na kawa i Tevita, o Jisu Karisito, o koya sa vaturi cake mai na mate, me va na noqu i tukutuku vinaka: ⁹ o koya au sa vosojia kinia na ca, me va na tamata caka ca, ia au sa vesuki kinia; ia na vosa ni Kalou sa reva ni vesuki. ¹⁰ O koya ke au sa vosojia kinia na ka keceliga i na vukudra na djigitaki, me ra rawajia vokiliga na bula sa yaco i na vuku i Karisito Jisu, vata ki na vivakalougatataki sa reva ni mudu. ¹¹ Sa djina na vosa: Ke kita sa mate kaya, kita na bula vata vokiliga: ¹² ke kita sa vosojia na ca, kita na lewa vata kaya: ke kita sa cakitaki koya, ena cakitaki kita vokiliga o koya: ¹³ ke kita sa reva ni vadjinajia, sa yalodina jikoliga o koya: sa reva ni cakitaki koya rawa vai koya. ¹⁴ Mo vananumi ira i na vika ke, ia mo varoji ira matua i na mata ni Turaga me ra kua ni vilejitakia na vosa, ka sa reva ni yaga ka sa vacalai ira ra sa rogocia. ¹⁵ Gumatua sara mo varaitaki iko mo vinaka i na mata ni Kalou, a tamata daucakacaka sa reva e dua na ka me madua kinia, mo wasea vadodonu nai vavuvuli djina. ¹⁶ Ia na dautalanoa vasisila ka reva ni yaga, mo drotakia: ni na tubu cake kinia nai valavala sa reva ni valotu: ¹⁷ ia na nodra vosa ena kakana jiko me va na vidikoso ca: sa vakinia o Imeneo vata ki Filito: ¹⁸ rau sa sese mai nai vavuvuli djina; ni rau sa tukunia sa oji na tu cake voki mai na mate; rau sa vukicia sara liga kinia na nodra vabaujia eso. ¹⁹ Ia na yavu dei ni Kalou sa tu liga, ia sa vake na vosa sa volai kinia, "Sa kilai ira na nona tamata na Turaga:" ka, "Me ra qai tani mai nai valavala ca o ira yadua ra sa cavujia na yaca i Karisito." ²⁰ Ia i na vale levu sa reva laliga ni tu na vibilo koula vata ki na vibilo siliva, eso vokiliga na bilo kau vata ki na bilo qele; ia eso sa talei, eso sa reva ni talei. ²¹ Ia ke dua na tamata sa vasavasavataki koya mai na vika ke, ena yaco kinia me bilo talei, sa vasavasavataki, ka yaga sara liga vua na Turaga, ni sa varau tu ki na cakacaka vinaka keceliga. ²² Ia mo dro tani mai na gagadre ca vacauravou; ia mo muria na yalododonu, na vabaujia, na loloma, na vivinakaji vata ki ira ra sa masujia na Turaga i na yalosavasava. ²³ Ia mo dro tani mai na vileji lialia kita reva ni vatavulici kinia, ni o sa kila ra sa vavunia liga na vileji. ²⁴ Ia sa tabu ni vileji nai talatala ni Turaga; ia me yalomalumalumu vi ira keceliga na tamata, me vavuvuli vavuku, me dauvosojia, ²⁵ me vatavulici ira i na yalomalumalumu ra sa dauvivoraji; de solia beka vi ira na Kalou na vivutuni me ra kila kinia na ka djina, ²⁶ ka me ra bula vokiliga mai nai cori ni tevoro, ni sa vabobulataki ira o koya me va na nona lewa.