¹ Kitou ma sa varaitakia vi ikodou na viwekani nai tovo ni bula sa vinaka vua na Kalou; sa djina ni dou sa caka jiko, ia kitou kerea ka vamasuji ikodou mo dou caka vavinaka cake sara. ² Me va ikodou sa kila tu na vivaro kitou ma varojia vii kodou ina vuku ni Turaga o Jisu. ³ Ni sa vinakatakia na Kalou mo dou savasava vayalo; ka mo dou kua ni dau vibutakoci: ⁴ mo dou dui kila yadua na sala savasava ka dokai me maroroi kinia na yagomudou. ⁵ Me kua na garogaro ca me vataki ira na reva ni lotu era reva ni kila na Kalou. ⁶ Ena vuku ni ka ke, me kua ni dua na tagane me caka cala kinia se via qai siovia na ka e nona na wekana, ni sa dauvivatotogitaki na Turaga ina vika ke, kitou ma sa tukunia oji na ka ke ka varoji ikodou kinia vabibi iliu. ⁷ Ni sa reva ni kacivi kita na Kalou me da vayacoria nai varau dukadukali eso, ia me da yalosavasava liga. ⁸ Ia o koya sa cajia ke, sa reva ni cajia laliga na Kalou, o koya sa solia mai vi kita na nona Yalo Tabu. ⁹ Ia ina vuku ni vilomani vavitacini, sa reva ni yaga me dua e vola voki yani vi ikodou; ni dou sa vavulici mai vua na Kalou mo dou dauvilomani. ¹⁰ Sa djina ni ikodou sa daulomani ira kece na viwekani mai Masitonia raraba, ia kitou sa vamasuji ikodou na viwekani, mo dou caka valevu cake sara; ¹¹ me nomudou i naki dei mo dou jiko vinaka vata ki ira na tani, mo dou dui qaravia liga na ka e nomudou yadua ka cakcaka ina ligamudou mo dou rawajia kinia na nomudou bula me va kitou ma varojia vi ikodou; ¹² na sala ke, ra na varokorokotaki ikodou kinia o ira na reva ni lotu, ka ikodou na reva voki ni vararavi kinia vua e dua voki na tamata me balejia na vika mo bula kinia. ¹³ Ikodou na viwekani, kitou sa reva ni vinakajia mo dou reva tu ni kila na vi ka sa baleji ira na mate, ka mo dou kua ni rarawa, me vataki ira sa reva na nodra i nuinui. ¹⁴ Ia ke da sa vabaujia ni sa mate o Jisu ka sa tucake voki mai na mate, ena vavokiliga kinia o ira sa moce ni ra tu vata ki Jisu, ena yadji ira vata ki koya na Kalou. ¹⁵ Kitou sa tukunia vi ikodou me vaka na Vosa ni Turaga, ni da sa reva ni liu vi ira ra sa moce tu o kita da sa bula jiko me yacovia na nona lesu voki mai na Turaga ¹⁶ Ni na rogovaki taumada na domo ni kaila, a domo ni agilosi ni Turaga, vata na domo ni davui ni Kalou, ni na qai sobu mai lomalagi na Turaga, na qai tucake taumada o ira na mate ra sa tu vata ki Karisito: ¹⁷ I muri o kita, da sa bula donumakia na gauna gona, eda na yadji cake vata ki ira ina vi o, me sota vata na Turaga ina maliwa lala: da na qai jiko vata kaya na Turaga ka reva ni mudu. ¹⁸ O koya mo dou qai ia na vivayaloqaqataki vataki ikodou ina vivosa ke.