¹ Ikodou na viwekani, sa reva ni yaga meu vola yani vi ikodou na ka me balejia na vigauna vata na visiga eso na vayacori kinia na vika ke. ² Ni dou sa kila vinaka tu ni na yaco na siga ni Turaga me va na nona qai voli e dua na daubutako ina bogi. ³ Ina gauna ra na tukunia kinia na tamata, "Da sa qai vacegu ka jiko vinaka," na qai yaco vareucala vi ira na rusa me va na kena yaco na mosi ni kete vua e dua na yalewa bukete sa taratara, ka na reva ni dua ena tuba tani rawa. ⁴ Ia, vi ikodou na viwekani, dou sa reva ni jiko i na butobuto, ka sa reva kinia ni dodonu me na yaco yani vareucala vi ikodou me va na daubutako ina siga gona. ⁵ Ikodou keceliga na gone ni rarama vata na gone ni siga, da sa reva ni gone ni bogi se gone ni butobuto. ⁶ O koya me da kua ni moce jiko me vataki ira na kena vo; ia me da yadra jiko liga ka yalomatua. ⁷ Ni o ira na daumoce ra sa moce i na bogi, vata ki ira na daumateni ra mateni i na bogi. ⁸ Ia me va ni da sa gone ni siga, sa dodonu kinia me da yalomatua, e dodonu me da vaucia na vabaujia vata na loloma mei sasabai ni lomasereda, vata na noda nuitakia na vivabulai me i varuru ni uluda. ⁹ Ni sa reva ni lesi kita na Kalou me da rusa ia me da rawa liga na bula ina vuku i Jisu Karisito na noda Turaga; ¹⁰ o koya ka mate ina vukuda me rawa ni da bula vata kaya ina gauna na lesu voki mai kinia, se da bula jiko se da sa mate ina gauna gona. ¹¹ O koya gona mo dou vivacegui ka vivayaloqaqataki kinia vai ikodou, me va dou sa vayacoria jiko. ¹² Ia kitou sa vamasuji ikodou na viwekani, mo dou dokai ira sa viqaravi jiko vi ikodou, o ira sa djigitakia na Turaga me ra liutaki ikodou ka vatavulici ikodou; ¹³ ka mo dou varokorokotaki ira, ka lomani ira valevu sara, ina .vuku ni cakacaka ra sa dauvayacoria. Mo dou vilomani jiko vai ikodou. ¹⁴ Kitou sa vamasuji ikodou na viwekani; mo dou vunauci ira na vucesa, dou vayaloqaqataki ira sa yalolailai, dou vukei ira sa malumalumu. ¹⁵ Raicia me kua ni dua e visausaumitakia na cava vua e dua voki, ia mo dou nakijia jiko lilga mo dou caka vinaka vi ikodou ka vakinia vi ira na tamata keceliga. ¹⁶ Dou reki jikoliga. ¹⁷ Dou masu jikoliga ka kua ni cava. ¹⁸ Dou vavinavinaka ina vuku ni ka keceliga ina vigauna keceliga, ni sai koya ke na loma ni Kalou vi ikodou ina vuku i Karisito Jisu. ¹⁹ Dou kua ni tarovia na cakacaka ni Yalo Tabu. ²⁰ Dou kua ni becia na nodrai tukutuku na parofita. ²¹ Dou vatovolea na ka keceliga; tauria matua liga na ka e vinaka. ²² Dou tarovi ikodou mai na ka keceliga e ca. ²³ Me qai vasasavataki ikodou sara na Kalou dauvivacegui ka me maroroi vinaka me taucoko sara vaoji na yalomudou vata na lomamudou vata na yagomudou me yacovia na siga na qai mai kinia na Turaga o Jisu Karisito. ²⁴ Sa yalodina o koya sa kacivi ikodou, ka na vayacoria na vika ke. ²⁵ Ikodou na viwekani, dou masulaki kitou vokiliga. ²⁶ Dou kidavaki ira na viwekani keceliga ina i regu savasava. ²⁷ Au sa varojia vi ikodou ina yaca ni Turaga, me qai wiliki nai vola ke vi ira kece sara na viwekani. ²⁸ Me jiko vata liga ki ikodou na loloma savu ni noda Turaga o Jisu Karisito.