¹ Ia ni sa vararawataki na Karisito e na yagona ena vukuda, dou vaiyaragi mada ena yalo e vakinia: ni sa mudu ni valavala ca o koya sa vararawataki ena yagona; ² me kakua kinia ni va na gagadre ca ni tamata na nona bula ena yagona ena gauna sa vo, me va liga na loma ni Kalou. ³ Ia me kena levu vi kita na gauna ni bula sa oji ni da caka kinia na ka era vinakajia o ira era sa reva ni lotu, ni da sa muria voli na gagadre ca, na dodomo ca, na daugunu waini, nai soqosoqo lialia, na daumateni, ki na kena ca ni dausoro ki na vimatakau: ⁴ a ra sa kurabui ni dou sa reva ni gu vata ki ira ki nai valavala sa velavela uasivi era sa vosavacacataki ikodou kinia, ⁵ ia era na tukuni ira vua sa varau me lewai ira era sa bula ki ira vokiliga na mate. ⁶ Ena vuku ni ka ke sa vunautakia kinia nai tukutuku-vinaka vi ira vokiliga era sa mate tu, me ra lewai me va na tamata me mate na yagodra, ia me ra bula liga vua na Kalou e na yalodra. ⁷ Ia ka sa volekajia nai vataotioti ni ka keceliga: dou yalomatua kinia, ka dauyadravia na masumasu. ⁸ Ia na ka me liu ke mo dou dauvilomani valevu vai ikodou; ni na ubia nai valavala ca e levu na loloma. ⁹ Dou dui caka na vivuke oi ikodou ni dou vulagi voli, ia dou kakua ni vosa kudrukudru kinia. ¹⁰ Me va dou sa dui rawajia nai solisoli, mo dou dui solia vakinia vai ikodou, me va na dauniyau vayalo ena loloma e levu ni Kalou. ¹¹ Kevaka e dua sa vosa, me caka me va na vosa ni Kalou: keva e dua sa caka na cakacaka, me caka liga me va na kaukauwa sa solia na Kalou: me varokorokotaki kinia na Kalou ena ka keceliga ena vuku i Jisu Karisito, o koya sa nona na varokoroko ki na lewa e na gauna keceliga ka reva ni mudu. Emeni. ¹² Oi ikodou sa lomani, kakua ni reucala e na vuku ni rarawa katakata sa yaco me vatovolei ikodou, me va sa yacovi ikodou na ka tani: ¹³ ia dou reki liga, ni dou sa vaivotavota vokiliga ena vivararawataki i Karisito; mo dou reki vokiliga kinia, ena reki vaidina, ni na varaitaki o koya e nai ukuuku. ¹⁴ Keva dou sa vasewasewani ena vuku ni yaca i Karisito, dou sa kalougata kinia; ni sa qai tu vi ikodou na Yalo sa varokorokotaki ki na Yalo ni Kalou: sa vosavacacataki koya o ira gona, a sa varokorokotakia oi ikodou. ¹⁵ Ia me kakua e dua vi ikodou me vararawataki ni sa daulaba, se ni daubutako, se ni caka ca, se ni dauvavuca: ¹⁶ ia kevaka sa vararawataki ni sai tokani i Karisito, me kakua ni madua kinia; me varokorokotakia liga na Kalou ena vuku ni ka ke. ¹⁷ Ni sa yaco na gauna me vatekivu na vicudruvi vi ira na mataqali ni Kalou: ia keva ena vatekivu vi kita, a cava ena kenai vataotioti vi ira era sa reva ni talairawarawa ki nai tukutuku-vinaka ni Kalou? ¹⁸ Ia keva sa bula vadredre o koya sa yalododonu, ena rairai evei o koya sa reva ni lotu ki koya na tamatai valavala ca? ¹⁹ O koya ke me ra solia na yalodra e nai valavala vinaka o ira era sa vararawataki me va na loma ni Kalou, vua na Vu ni ka keceliga, ka sa djina vokiliga.