¹ Oi ikodou vokiliga, na yalewa, dou vamalumalumutaki ikodou vi ira na wajimudou; me rawai ira na wajidra o ira na yalewa e na nodra i valavala, ka reva e na vunau, keva sa so sa reva ni talairawarawa ki na vunau; ² ni ra sa raicia na nomudou i valavala savasava ki na nomudou rere. ³ Ia me kakua ni nomudou nai ukuuku e taudaku, na tali drau ni ulu, ki nai ukuuku koula, ki na sulumaka nai sulu; ⁴ caka na ka vayalo liga sa vuni, e na ka sa reva ni vuca rawa, na yalomalumalumu ki na yalomalua, gona sa ka talei sara liga e na mata ni Kalou. ⁵ Ni ra sa va kinia o ira vokiliga na yalewa yalosavasava e na gauna eliu, era sa vararavi vua na Kalou, ni ra sa vaiukuukutaki ira, ni ra sa dautalairawarawa vi ira na wajidra: ⁶ me va sa talairawarawa o Sera vi Eparaama, ka vatokai koya me turaga; ia dou sa luvena, ni dou sa caka vinaka jiko, ka reva ni rerevakia e dua na ka dauvivarerei. ⁷ Oi ikodou vokiliga na tagane, dou jiko vata ki na wajimudou me va na jiko vavuku, mo dou doka na yalewa, me va sa ka malumalumu, ni dou sai taukei vata e na loloma ni bula; me kakua ni tarovi na nomudrau masu ⁸ Ia meu tinia, dou lomavata keceliga, dou caka na loloma vai ikodou, dou vilomani me va na vitacini, dou yalololoma, dou lokomi: ⁹ kakua ni visausaumitakia na ca, se caka voki na vivasewasewani; ia dou dua tani, dou vosavakalougatatakia liga: ni dou sa kacivi me vakinia, mo dou rawajia na ka e vivakalougatataki, ¹⁰ Ia o koya sa vinakajia na bula, Ka sa via raicia na gauna vinaka, Me tarovia na yamena mai na ca, Ki na tebenigusuna me kakua ni vosatakia na ka lasu: ¹¹ Me lesu tani mai na ca o koya, ka caka na ka vinaka; Me vasaqara na vacegu, ka muria sara. ¹² Ni sa wanonovi ira na tamata yalododonu na mata ni Turaga, Ka sa qara tu na daligana ki na nodra masu; Ia sa dua tani na mata ni Turaga vi ira sai valavala ca. ¹³ Ia o cei ena vacacani ikodou, keva dou gumatua e na ka vinaka? ¹⁴ Ia kevaka dou sa vararawataki e na vuku ni valavala dodonu, dou sa kalougata kinia; ia dou kakua ni rerevakia na nodra dauvivarerei, se reucala kinia: ¹⁵ ia dou varokorokotakia na Turaga na Kalou e na yalomudou: ka mo dou varau jiko mo dou tukunia vua na tamata yadua sa tarogi ikodou, na vu ni nuinui sa tu e na lomamudou e na yalomalumalumu ki na rere: ¹⁶ me vinaka liga na nomudou lewa-eloma; me yaco kinia, ni ra sa vosavacacataki ikodou, me va dou sa tamata caka ca, me ra kana madua o ira era sa beitakia vailasu na nomudou i valavala vinaka vi Karisito. ¹⁷ Ni sa vinaka, keva sa loma ni Kalou me vakinia, mo dou vararawataki ena vuku ni caka vinaka, ka me reva ena vuku ni caka ca. ¹⁸ Ni sa vararawataki vadua na Karisito vokiliga e na vuku ni valavala ca, o koya na caka dodonu e na vukudra na caka cala, me yadji kita kinia vua na Kalou, ni sa vamatei na yagona, a sa vabulai na yalona. ¹⁹ Ka qai vokiliga kinia o koya ka vunau vi ira na yalo era sa jiko e na vale ni vivesu; ²⁰ o ira era a talaidredre eliu, ni sa vosojia vadede na Kalou, ka sa dauwawa e na gauna i Noa, ni sa varautakia jiko na waqa, a ra le vica liga, io e lewe walu waleliga, sa vabulai kinia e loma ni wai. ²¹ Gona liga nai vatakarakara ni sa vabulai kita vakinia e na gauna ke na papitaiso e reva ni sa dai waleliga na dukadukali ni yago, ka ni sa tukunia rawa liga ni sa vinaka vua na Kalou na noda lewa-eloma, e na vuku ni sa tu cake vokiliga mai na mate o Jisu Karisito: ²² o koya sa qai cake i lomalagi, a sa jiko e na liga i matau ni Kalou; ia sa vamalumalumutaki tu vi koya o ira na agilose, ki ira era sa lewa, ki ira era sa kaukauwa.