¹ O koya ke ni dou sa dainiaa tani kinia na lomaca keceliga, ki na daulawaki keceliga, ki na dauvivaisini ki na dauvuvu, ki na dauvivosavacacataki keceliga, ² mo dou va na gone sa qai sucu, mo dou vinakajia nai vavuvuli sa va na wai-ni-sucu djina, mo dou tubu cake kinia: ³ keva e djina ni dou sa tovola oji ni sa yalololoma na Turaga. ⁴ Ni dou sa qai mai kivi koya, me va ki na vatu bulabula, ko ya sa dainia o ira na tamata, ia na Kalou sa djigitakia, a sa talei: ⁵ oi ikodou vokiliga, me va dou sa vivatu bulabula, dou sa tara cake mo dou vale vayalo, me matabete yalosavasava, mo dou caboria kinia nai madrali vayalo, sa vinaka vua na Kalou ena vuku i Jisu Karisito. ⁶ O koya sa tu vokiliga e nai Vola Tabu, Raicia, au sa viritakia mai Saioni na vatu ni yavu ena tutu-ni-vale, sa djigitaki, ka talei; Ia o koya sa vabauji koya ena reva ni vamaduataki: ⁷ a sa nomudou kinia na kena talei, oi ikodou sa vabaujia; ia kivi ira sa dautalaidredre, Na vatu era a dainia o ira na matai-ni-vale, Sa yaco me kenai vadei ena tutu-ni-vale, ⁸ ki na vatu era sa tarabe kinia, ki na vatu era sa bale kinia; ni ra sa tarabe ena vosa, ni ra sa talaidredre: era a lesi vokiliga me ra vakinia. ⁹ Ia oi ikodou nai tabatamata djigitaki, a matabete vaturaga, a matanitu yalosavasava, a tamata sa taukena na Kalou, mo dou varaitakia kinia na nona vinaka sara o koya ka kacivi ikodou mai na butobuto ki nona rarama e vivakurabuitaki: ¹⁰ oi ikodou ka reva ni tamata taukeni eliu, ia dou sa qai tamata ni Kalou: dou a reva ni lomani eliu, ia dou sa qai lomani. ¹¹ Oi ikodou sa lomani, au sa vamasuti ikodou, ni dou sa vataki ira na vulagi ki ira era dauviqaiyaki, mo dou tarovi ikodou mai na gagadre ca ni yago, sa vivala ki na yalo; ¹² me dodonu na nomudou i valavala ena kedra maliwa era a reva ni lotu: me ka gona era varokorokotakia kinia na Kalou e na siga ni viqaivi, e na vuku ni valavala vinaka era a raicia, o ira era sa dauvosavacacataki ikodou me va ni dou sa tamata caka ca. ¹³ Dou talairawarawa ki nai lesilesi keceliga ni tamata e na vuku ni Turaga: se vua na tui, ni sa liu sara; ¹⁴ se vi ira na turaga ni lewa, me va vi ira era sa talai mai vua me cudruvia kinia o ira era sa caka ca, ka me dokai o ira sa caka vinaka. ¹⁵ Ni sai koya na loma ni Kalou, mo dou vagaluya e nai valavala vinaka na nodra sesewa na tamata lialia: ¹⁶ mo dou vataki ira era lalaga, ia dou kakua ni caka na nomudou lalaga me vuni kinia na lomaca, ia dou va liga na tamata ni Kalou. ¹⁷ Doka na tamata keceliga. Lomani ira na viwekani. Rerevakia na Kalou. Varokorokotakia na tui. ¹⁸ Oi ikodou na tamata, dou talairawarawa vi ira na nomudou turaga e na rere keceliga; kakua vi ira duadualiga era sa yalovinaka ka yalomalua, vi ira vokiliga era sa yalovatani. ¹⁹ Ni sa ka ni vavinavinaka ke, kevaka e dua sa vosojia na rarawa ni sa vararawataki ma reva ni dodonu, ka ni sa via vinaka vua na Kalou. ²⁰ Ia dou na dokai vacava, keva dou na vosojia, ni dou sa caka ca ka sa vaculakia kinia? ia keva dou sa caka vinaka, ka sa vararawataki kinia, ka dou vosojia liga, ke sa ka vinaka vua na Kalou. ²¹ Ni dou ma kacivi me vakinia: ni sa vosojia vokiliga na Karisito na rarawa e na vukumudou, a sa dainia vi ikodou nai varau, mo dou muria na we ni yavana: ²² o koya sa reva ni caka e dua na ka ca, a sa reva ni raici e na gusuna na dauvivaisini; ²³ ni sa vasewasewani o koya, sa reva voki ni caka na vivasewasewani; ni sa vararawataki jiko, sa reva ni vosavacudrucudruya; sa laivi koya liga vua sa lewa vadodonu: ²⁴ o koya liga vai koya liga ka colajia na nodai valavala ca e na yagona e na kauveilatai, me da mate tu ki nai valavala ca, ka caka nai valavala dodonu e na noda bula: ia na we ni kena kuita dou sa vabulai kinia. ²⁵ Ni dou a vataki ira na sipi sa sese: ia dou sa qai vuki lesu voki vua nai vatawa o koya sa varaica na yalomudou.