¹ Oi ikodou sa lomani, kakua ni vakadjinajia na yalo keceliga, ia dou vatovolei ira na yalo se ra yalo mai vua na Kalou, se reva: ni ra sa lewe levu na parofita va seseni era sa qai voli yani e vuravura. ² O koya ke dou sa kila kinia na yalo sa mai vua na Kalou: a yalo keceliga sa vatusa ni sa liatamata mai o Jisu Karisito, sa mai vua na Kalou: ³ ia na yalo keceliga sa reva ni vatusa ni sa liatamata mai o Jisu Karisito, sa reva ni mai vua na Kalou: ia keva sai koya na meca i Karisito, gona dou a rogocia ni na qai mai, a sa tu e vuravura ni kua. ⁴ Oi ikodou na luvequ lomani, dou sa mai vua na Kalou, ia dou sa rawai ira: ni sa levu o koya sa jiko ena lomamudou, ka lailai o koya sa jiko e vuravura. ⁵ O ira era sa tamata vavuravura: a ra sa vosatakia kinia na ka vavuravura, a sa varogoci ira o ira na kai vuravura. ⁶ Oi kita, eda sa tamata ni Kalou: sa varogoci kita o koya sa kila na Kalou: sa reva ni varogoci kita o koya sa reva ni tamata ni Kalou. Ena ka ke eda sa kila kinia na yalo sa dina, ki na yalo sa dauvivacalai. ⁷ Oi ikodou sa lomani, me da vilomani; ni sa mai vua na Kalou na loloma; ia o koya yadua sa dauloloma, sa vasucumi koya na Kalou, a sa kila na Kalou o koya. ⁸ O koya sa reva ni dauloloma sa reva ni kila na Kalou; ni sa loloma na Kalou. ⁹ Ena ka ke sa varaitaki kinia na loloma ni Kalou vi kita, ni sa tala i vuravura na Luvena e dua bau liga na Kalou, o koya ka vatubuya o koya, me da bula ena vukuna. ¹⁰ E na ka ke sa rairai kinia na loloma, sa reva ni da a lomani koya na Kalou, ia ni sa lomani kita o koya, a sa tala na Luvena mei bulubulu ni nodai valavala ca. ¹¹ Oi ikodou sa lomani, keva sa lomani kita va ke na Kalou, sa dodonu me da vilomani vai kita. ¹² Sa reva na tamata sa raicia na Kalou ena dua na gauna. Keva eda sa vilomani, sa jiko ena lomada na Kalou, a sa levu sara na loloma vua ena lomada. ¹³ Ena ka liga ke eda sa kila ni da sa jiko sara vua, ia sa jiko o koya i na lomada, ena vuku ni sa solia vi kita o koya mai vua na Yalona. ¹⁴ Ia eda sa raicia ka tukunia jiko ni sa tala na Luvena o Tamada mei Vabula ki vuravura. ¹⁵ O koya yadua ena vatusa ni sa Luve ni Kalou o Jisu, sa jiko sara na Kalou vi koya, ia sa jiko o koya vua na Kalou. ¹⁶ Ia eda sa kila ka vadinajia na loloma ni Kalou vi kita. Sa loloma na Kalou; ia o koya sa daujiko vata na loloma sa daujiko vata ki na Kalou, a sa jiko na Kalou e lomana. ¹⁷ Ena ka ke sa yaco kinia me levu sara na loloma vi kita, ni da sa tautauvata kaya, ni da sa jiko e vuravura ke, me da doudou kinia ena siga ni lewa. ¹⁸ Sa reva ni tu vata na rere ki na loloma; ia sa dainia tani na rere na loloma levu sara; ni sa jiko vata na rere vata na yaluma. Ia o koya sa rere, sa reva ni levu sara na nona loloma. ¹⁹ Eda sa lomani koya, ena vuku ni sa taumada na nona loloma vi kita. ²⁰ Keva sa tukunia e dua, Au sa lomania na Kalou, a sa cajia na wekana, sa seseni o koya: keva sa reva ni lomania na wekana sa raicia jiko o koya, ena lomania vacava na Kalou ni sa reva ni raicia? ²¹ Ia na vunau ke, eda sa rawa maivi koya, Me lomania voki liga na wekana o koya sa lomania na Kalou.