¹ O koya yadua sa vadjinatia ni sa Karisito o Jisu, sa vasucumi koya na Kalou: ia o koya yadua sa lomani koya sa vatubuya, sa lomani koya voki liga sa vatuburi. ² Ena ka ke eda sa kila ni da sa lomani ira na luve ni Kalou, kevaka eda sa lomania na Kalou, ka muria na nona vunau. ³ Ni sai koya ke na loloma vua na Kalou, me da muria na nona vunau: a sa reva ni ka bibi na nona vunau ⁴ Ni sa rawai vuravura o koya yadua sa vasucumi koya na Kalou; ia ke na qaqa eda sa rawai vuravura kinia, a noda vabautia. ⁵ O cei sa rawai vuravura, o koya duadua liga sa vadjinajia ni sa Luve ni Kalou o Jisu? ⁶ O koya ke a qai mai vata na wai vata na dra, o Jisu Karisito; sa reva vata na wai vokiliga, ia, na wai vata na dra vokiliga. Ia sai koya na Yalo Tabu sa vadjinadjina, ni sa vu ni djina na Yalo Tabu. ⁷ Ni ratou sa lewe tolu sa tukutuku mai lomalagi, a Tamada, ki koya na Vosa, ki koya na Yalo Tabu; ia sa dua la liga na lewe tolu ke. ⁸ A ratou sa lewe tolu sa tukutuku i vuravura, a yalo, vata na wai, vata na dra; a ratou sa tukutuku vata na lewe tolu ke. ⁹ Keva eda sa vabaujia na nodra i tukutuku na tamata, sa uasivi cake kinia nai tukutuku ni Kalou; ni sai koya ke nai tukutuku ni Kalou sa tukunia kinia na Luvena o koya. ¹⁰ O koya sa vabautia na Luve ni Kalou sa rawa e lomana nai tukutuku: o koya sa reva ni vadjinatia na Kalou sa va seseni taki koya liga; ni sa reva ni vadjinatia nai tukutuku ni Kalou ni sa tukunia na Luvena. ¹¹ Ke liga nai tukutuku, ni sa solia vi kita na Kalou na bula reva ni mudu, ia na bula ke sa tu vua na Luvena. ¹² O koya sa tu vua na Luvena, sa tu vi koya na bula; o koya sa reva ni tu vua na Luve ni Kalou, sa reva ni tu vua na bula. ¹³ A vika ke au sa vola vi ikodou mo dou kila kinia ni dou sa rawa na bula tawa mudu, io, vi ikodou sa vabaujia na yaca ni Luve ni Kalou. ¹⁴ Ia na ka ke eda sa vararavi kinia vua, kevaka eda sa kerea e dua na ka me va na lomana, sa rogoci kita o koya: ¹⁵ ia keva eda sa kila ni sa rogoci kita o koya, ena ka keceliga eda sa kerea, eda sa kila ni da sa rawajia na kerekere eda sa kerea vua. ¹⁶ Keva e dua na tamata sa raicia na wekana ni sa ia nai valavala ca sa reva ni yaco kinia na mate, ena masulakia, ia na Kalou ena solia vua na bula me nodra era sa reva ni caka nai valavala ca sa yaco kinia na mate. Sa tu nai valavala ca sa yaco kinia na mate; au sa reva ni tukunia me masu ena vuku ni ka ona. ¹⁷ Sai valavala ca na ka keceliga e reva ni dodonu; ka sa dua nai valavala ca sa reva ni yaco kinia na mate. ¹⁸ Eda sa kila, ni sa reva ni valavala ca o koya yadua sa vasucumi koya na Kalou; ia o koya sa vatuburi koya na Kalou sa maroroi koya, a sa reva ni tarai koya na vu-ni-ca ona. ¹⁹ Eda sa kila ni da sa luve ni Kalou, a sa toka liga vua na vu-ni-ca o ira keceliga na kai vuravura. ²⁰ Eda sa kila vokiliga ni sa yaco mai na Luve ni Kalou, a sa solia mai vi kita na vuku, me da kilai koya kinia sa djina, ia eda sa tu vata ki koya sa djina, vi Jisu Karisito na Luvena. Sai koya ke na Kalou djina, kei na vu-ni-bula reva ni mudu. ²¹ Oi kodou na gone lomani, maroroi ikodou mai na vimatakau. Emeni.