¹ Raicia na kena levu ni loloma sa caka vi kita na Tamada, me da vatokai kinia me da luve ni Kalou: ia eda sa vakinia. O koya ke sa reva kinia ni kilai kita o ira na kai vuravura, ka ni ra a reva ni kilai koya. ² Oi ikodou sa lomani, eda sa qai luve ni Kalou, ia sa reva ni rairai se da na vaevei maimuri: ke liga eda sa kila, ni na rairai mai o koya, eda na tautauvata kaya; ni da na raicia na matana dina. ³ Ia na tamata yadua sa tu vua nai nuinui ke vi Koya, sa vasavasavataki koya, me va sa savasava o koya. ⁴ O koya yadua sai valavala ca sa talaimama i na vunau: ni sai valavala ca ke na talaimama i na vunau. ⁵ Ia dou sa kila ni sa varaitakia o koya me yadjia tani na nodai valavala ca; a sa reva na nonai valavala ca. ⁶ O koya sa tu dei vata kaya sa reva ni valavala ca; o koya sai valavala ca jiko sa reva ni raici koya, se kilai koya. ⁷ Oi ikodou na luvequ lomani, me kua ni vacalai ikodou e dua: o koya sai valavala dodonu sa dodonu liga, me vaka sa dodonu o koya. ⁸ A luve ni tevoro o koya sai valavala ca jiko; ni sai valavala ca na tevoro mai nai vatekivu. E na vuku ni ka ke sa vakaraitaki kinia na Luve ni Kalou, me vaqeavutakia na cakacaka ni tevoro. ⁹ Sa reva ni valavala ca o koya yadua sa vasucumi koya na Kalou; ni sa tu e lomana na sorena: a sa reva ni caka rawa nai valavala ca o koya, e na vuku ni sa vasucumi koya na Kalou. ¹⁰ E na ka ke sa rairai kinia o ira na luve ni Kalou, ki ira na luve ni tevoro: sa reva ni luve ni Kalou o koya yadua sa reva ni caka jiko nai valavala dodonu, se o koya sa reva ni lomania na wekana. ¹² Ni sai koya liga ke nai varo dou a rogocia mai nai vatekivu, me da vilomani: ¹¹ me kua ni vataki Keni, a luve ni vu-ni-ca, o koya sa vamatea na tacina. A sa vamatei koya e na vuku ni cava? Ni sa ca na nonai valavala, ia sa dodonu nai valavala nei tacina. ¹³ kua ni reucala, oi ikodou na wekaqu, kevaka sa caji ikodou ko ira na kai vuravura. ¹⁴ Eda sa kila ni da sa qai tani mai na mate i na bula, ni da sa lomani ira na viwekani. O koya sa reva ni lomania na wekana sa jikoliga ena mate. ¹⁵ Na daulaba o koya yadua sa cajia na wekana: ia dou sa kila ni sa reva sara ni jiko e lomania na daulaba na bula reva ni mudu. ¹⁶ Ena ka ke eda sa raicia kinia na loloma, ni sa solia o koya na nona bula ena vukuda: e dodonu me da solia na noda bula oi kita vokiliga ena vukudra na viwekani. ¹⁷ Ia o koya sa tu vua nai yau ni vuravura ke, a sa raicia na wekana ni sa dravudravua, a sa sogotia na lomana vua, sa tiko vacava ena lomana na loloma vua na Kalou? ¹⁸ Oi ikodou na luvequ lomani, me da kua ni loloma e na vosa liga, se e na yameda; ena cakacaka liga vata na lomadjina. ¹⁹ Ia na ka ke eda sa kila kinia ni da sa djina; eda na vadjinadjinatakia vokiliga kinia na yaloda vua. ²⁰ Ia keva sa beitaki kita na yaloda ni da sa ca sa uasivi cake i na yaloda na Kalou, a sa kila na ka keceliga. ²¹ Oi ikodou dou sa lomani, keva sa reva ni beitaki kita na yaloda ni da sa ca, eda sa qai doudou rawa vua na Kalou. ²² Ia na ka keceliga eda sa kerea, eda sa rawajia maivi koya, ni da sa muria na nona vunau, ka caka na vika sa vinaka vua. ²³ Ia ke na nona vunau, Me da vabautia na yaca ni Luvena ko Jisu Karisito, ka vilomani, me va sa varotia vi kita o koya. ²⁴ Ia sa tu dei vi koya o koya sa muria na nona vunau, a sa tu sara vua o koya. Ia na ka ke eda sa kila kinia ni sa jiko ena lomada o koya, ena vuku liga ni Yalo Tabu sa solia mai vi kita o koya.