¹ Na luvequ lomani, au sa vola yani vi ikodou na vika ke, mo dou kua kinia ni valavala ca. Ia keva sai valavala ca e dua, sa dua na noda Dautataro vi Tamada, ko Jisu Karisito, na yalododonu: ² ia sai bulubulu ni nodai valavala ca o koya; a sa reva i na vuku ni noda la liga, ena vuku vokiliga ni nodra na kai vuravura keceliga. ³ Ia na ka ke eda sa kila kinia ni da sa kilai koya, kevaka eda sa muria na nona vunau. ⁴ O koya sa tukunia, Au sa kilai koya, ia ka reva ni muria na nona vunau, sa vosa seni, a sa reva ni tu vi koya na djina. ⁵ Ia ko koya yadua sa muria na nona vosa, sa djina sa qai levu sara na nona loloma vua na Kalou: i na ka ke eda sa kila ni da sa tu vata kaya. ⁶ O koya sa tukunia erau sa tu vata kaya, e kilikili kaya me caka nai valavala sa va na nonai valavala. ⁷ Oi ikodou na viwekani, sa reva ni dua na vunau vou au sa vola vi ikodou, na vunau makawa liga ka tu vi ikodou mai nai vatekivu. A vunau makawa na vosa dou a rogocia mai nai vatekivu. ⁸ E dua voki, na vunau vou au sa vola vi ikodou, ia na ka ke sa djina vua, vi ikodou vokiliga: ni sa qai takali na butobuto, a sa cila mai na rarama djina. ⁹ O koya sa tukunia sa tu ena rarama, ka sa cajia liga na wekana, sa tu liga ena butobuto ka yacovia na siga ke. ¹⁰ Sa tu ena rarama o koya sa lomania na wekana, a sa reva vua na ka me tarabe kinia. ¹¹ Ia sa tu ena butobuto o koya sa cajia na wekana, a sa caka nai valavala ni butobuto, a sa reva ni kila na vanua sa qai kinia, ni sa vabutobutotakia na matana na butobuto. ¹² Au sa vola vi ikodou, na luvequ lomani, ni sa bokocia na nomudou i valavala ca i na vuku ni yacana. ¹³ Au sa vola vi ikodou, na matua, ni dou sa kilai koya sa bula mai nai vatekivu. Au sa vola vi ikodou, na cauravou, ni dou a rawai koya na vu-ni-ca. Au sa volavola vi ikodou, na gone lomani, ni dou sa kilai koya na Tamada. ¹⁴ Au a volavola vi ikodou, na matua, ni dou a kilai koya sa bula mai nai vatekivu. Au a volavola vi ikodou, na cauravou, ni dou sa kaukauwa, a sa tu vi ikodou na Vosa ni Kalou, ia dou a rawai koya na vu-ni-ca. ¹⁵ Dou kua ni lomani vuravura, se na vika sa vavuravura. Keva sa lomani vuravura e dua, sa reva ena lomania na loloma vua na Tamada. ¹⁶ Na ka keceliga sa tu e vuravura, na gagadre ca ni yago, na gagadre ca ni mata, ki na dokadokai kita ena ka ni bula ke, sa reva ni tubu maivi Tamada, mai vuravura liga. ¹⁷ Ia o vuravura sa qai tani yani, ki na kena gagadre vokiliga; ia ko koya sa caka na ka sa vinakatia na Kalou, sa tu dei liga ka reva ni mudu. ¹⁸ Oi ikodou na luvequ lomani, sa gauna emuri sara ke: ia me va dou a rogocia ni na qai mai o koya na meca i Karisito sa qai lewe levu na meca i Karisito ni kua; sai koya eda sa kila kinia ni sa gauna emuri sara ke. ¹⁹ Era a qai tani vi kita o ira gona, ia era a reva liga ni nodai tokani; ke ra sa nodai tokani, ke ra sa jikoliga ki kita: ia era sa qai tani me ra varaitaki ni ra a reva ni nodai tokani o ira kece liga gona. ²⁰ Ia sa tu vi ikodou nai lumu mai vua na Yalosavasava, ia dou sa kila kinia na ka keceliga. ²¹ Au sa reva ni volavola vi ikodou ni dou sa lecavia nai vavuvuli djina, o koya liga ni dou sa kila, ia ka sa reva sara ni tubu mai nai vavuvuli djina na seseni. ²² cei na dauseni, o koya liga sa cakitakia ni sa Karisito o Jisu? Sai koya na meca i Karisito, o koya sa cakitakia na Tamada ki na Luvena. ²³ O koya yadua sa cakitakia na Luvena, sa reva ni tu vua o Tamada; o koya sa vatusa na Luvena sa tu vokiliga vua o Tamana. ²⁴ O koya ona me qai tu dei, e na lomamudou, na ka dou a rogocia mai nai vatekivu. Keva sa tu liga vi ikodou na ka dou a rogocia mai nai vatekivu, dou na tu liga vua na Luvena, vua vokiliga na Tamada. ²⁵ Ia ona na ka ni yalayala sa yalatakia vi kita o koya, na bula reva ni mudu. ²⁶ A vika ke au sa volavola kinia vi ikodou ena vukudra era sa vacalai ikodou. ²⁷ Ia sa tu vi ikodou nai lumu dou a rawatia maivi koya, a sa reva ni yaga me vavulici ikodou e dua: ia me va sa vavulici ikodou ena ka keceliga na nona lumuti ikodou, a sa djina liga, ka sa reva ni seni, io me va sa vatavulici ikodou, dou tu dei vakinia vi koya. ²⁸ Ia ona, na luvequ lomani, mo dou tu dei vua; me da doudou kinia, ni na rairai mai o koya, ka me da kakua ni madua vua ena nona qai mai. ²⁹ Kevaka dou sa kila sa yalododonu o koya, dou sa kila sa sucu vi koya o koya yadua sa caka dodonu.