Sa vavulici ira na nona tisapeli ko Jisu me ra kakua ni viavia levu, 1 - 6. Me ra biuta na ka ca kece lia e dauvacalai ira, me ra lomani ira era gone lalai lia e na lotu, 7 - 14. Sa qai vatakila ko koya nai valavala e dodonu ni da sa vacacani, 15 - 20. Me da kakua ni saumia vei ira era sa vacacani keda vavuqa, 21 - 35. 19

1 Ni sa vaotia ko Jisu na vosa koya, sa qai qai tani e Kalili, ka yaco ki na yasayasa va-Jutia ena tai kadua ni Joritani; 2 a ra sa lewe levu sara era sa muri koya a sa vabulai ira mai gona ko koya. 3 A sa qai mai vi koya ko ira na Farisi, ka vatovolei koya, ka tukunia vua, Sa tara vua na tagane me dainia na watina e na vuku ni ka kece lia, se yali? 4 A sa vosa ko koya, ka tukunia vi ira, Dou a yali beka ni wilikia, ko koya sa buli rau e nai vatekivu sa bulia lia na tagane kei na yalewa, 5 a sa tukunia, E na vuku ni ka koya ena daini tamana ki na tinana na tagane, ka kabitia na watina: a rau na lewe dua? 6 O koya koya erau sa yali kinia ni lewe rua tiko, erau sa lewe dua lia: ia na ka sa vauca vata na Kalou, me kakua ni tawasea rua na tamata. 7 7Era sa tukunia vua, A cava sa varotia kinia ko Mosese me solia vua nai vola ni vibiu, ka qai dainia tani? 8 Sa tukunia vi ira ko koya, E na vuku ni nomudou lomakaukauwa sa vosoti ikodou kinia ko Mosese mo dou dainia tani na watimudou: ia ka yali ni vakoya mai nai vatekivu. 9 Ia kau sa tukunia vi ikodou, O koya ena dainia tani na watina, ke sa yali ni dautagane, ka laki vawati ki na dua tani, sa dauyalewa; ko koya voki lia erau laki viwatini kaya sa dai, sa dauyalewa. 10 Sa tukunia vua ko ira na nona tisaipeli, Ke sa vakoya na lewa vua na tagane ki na watina, ke sa vinaka me kakua ni ia na vawati. 11 A sa tukunia vi ira ko koya, Sa yali ni rawatia na ka koya na tamata kece lia, ko ira lia sa soli vei ira. 12 Eso sa kua ni vawati, ni ra sa sucu vakinia mai na kete i tinadra: ka so sa kua ni vawati, ni sa selevi ira ko ira na tamata: ka so sa kua ni vawati, ni ra sa lewa me ra vakina e na vuku ni matanitu valomalagi. O koya sa rawatia me vabautia, me vabautia. 13 A sa qai yadi mai vua eso na gone lalai, me tabaki ira ko koya e na ligana, ka masulakia: a sa vunauci ira ko ira na 14 tisaipeli. A sa tukunia ko Jisu, Daini ira na gone lalai, ka kakua ni tarovi ira, ni ra sa qai mai vi au; ni sa vataki ira na lewe ni matanitu valomalagi. 15 A sa tabaki ira e na ligana ko koya, ka qai qai tani mai gona. 16 A sa raicia, sa qai mai e dua, ka tukunia vua, Vavuvuli vinaka, a cava na ka vinaka meu caka, meu rawatia kinia na bula yali ni mudu? 17 A sa tukunia vua ko koya, A cava ko sa tarogi au kinia e na vuku ni ka vinaka? Sa dua loa lia sa vinaka; ia kevaka ko sa via curu ki na bula, mo muria na vunau. 18 Sa tukunia vua ko koya, A vunau cava? A sa tukunia ko Jisu, Mo kakua ni laba, Mo kakua ni ia na vibutakoci, Mo kakua ni butako, Mo kakua ni vibeitaki vailasu, 19 Varokoroko vi rau na tamamu ki na tinamu: ka, Mo lomania na kai nomu me vaka ko lomani iko. 20 Sa tuknia vi koya na cauravou, A ka kece lia koya kau a vabautia lia ni kau sa gone ka yacovia na siga koya; a cava voki sa vo vi au? 21 Sa tukunia vua ko Jisu, Kevaka ko sa vinakatia mo vinaka sara, mo qai, mo volitakia na nomui yau, ka solia vi ira sa dravudravua, ko na qai vaiyau mai lomalagi: ia mo qai mai, mo muri au. 22 Ia ni sa rogocia na vosa koya na cauravou, sa qai tani a sa rarawa na lomana: ni sa levu na nonai yau. 23 A sa qai tukunia vi ira na nona tisaipeli ko Jisu, Au sa tukunia vaidina vi ikodou, Ena dredre vua na tamata vutuniyau me curu ki na matanitu valomalagi: 24 ia kau sa tukunia voki vi ikodou, sa rawarawa me curuma na mata ni cula na kameli, ia ka dredre vua na tamata vutuniyau me curu ki na matanitu ni Kalou. 25 Ia ni ra sa rogocia na nona tisaipeli, era sa kidacala sara, ka tukunia, O cei ena qai vabulai rawa? 26 A sa varaici ira ko Jisu, ka tukunia, vi ira, Koya sa dredre sara vi ira na tamata; ia sa rawarawa vua na Kalou na ka kece lia.

27 Sa qai vosa ko Pita, ka tukunia vua, Raicia, kitou sa dainia na ka kece, ka muri ikoni: a cava ena qai nitou? 28 A sa tukunia vi ira ko Jisu, Au sa tukunia vaidina vei ikodou, Oi ikodou sa muri au, ni na yaco na vivadodonutaki, ni na tiko na Luve ni tamata e nai tikotiko vaturaga ni nonai ukuuku, dou na qai tiko voki lia kinia e nai tikotiko vaturaga e tinikarua, me lewai ira na mataqali ni Isireli e tinikarua. 29 Ia ko koya yadua sa dainia na vale, se na vitacini, se na ganena, se na tamana, se na tinana, se na luvena, se na vanua, e na vuku ni yacaqu, ena yadrau ena rawatia; ena taukenia voki lia na bula yali ni mudu. 30 Ia era lewe levu sa liu era na muri; ki ira voki lia sa muri era na liu.