Sa vavulici ira na nona tisapeli ko Jisu me ra kakua ni viavia levu, 1 - 6. Me ra biuta na ka ca kece lia e dauvacalai ira, me ra lomani ira era gone lalai lia e na lotu, 7 - 14. Sa qai vatakila ko koya nai valavala e dodonu ni da sa vacacani, 15 - 20. Me da kakua ni saumia vei ira era sa vacacani keda vavuqa, 21 - 35.
1
E na gauna ko ya sa qai mai vei Jisu ko ira na tisapeli, ka tarogia, Ko cei sa levu cake e na matanitu vakalomalagi?
2
A sa kacivia mai e dua na gone lailai ko Jisu, ka vatura e ba kedra maliwa,
3
ka sa tukunia, Au sa tukunia vaidina vei kodou, Kevaka dou sa yali ni saumaki mai, ka yaco me vaka na gone lalai, dou na yali sara ni curu ki na matanitu valomalagi.
4
ia ko koya sa vamalumalumutaki koya me vaka na gone lailai koya, ko koya lia sa levu cake e na matanitu valomalagi.
5
Ia ko koya yadua sa vinakatia e dua na gone lailai va koya ena vuku ni yacaqu, sa vinakati au.
6
ia ko koya sa vacala e dua vei ira na lalai koya era sa vabauti au, sa vinaka vua kevaka ka varubeci e domona e dua na vatu i qaqi levu, ka vadromutaki e na wasaliwa titobu.
7
Sa ca ko vuravura e na vuku ni vivacalai! ni sa dredre me yali ni yaco mai na vivacalai; ia sa ca vua na tamata sa vayacora na vivacalai!.
8
Ia kevaka sa vacalai konu na ligamu se na yavamu, muduka tani, ka dainia tani vi ikonu: sa vinaka vi ikonu mo curu ki na bula ka yava dua se liga dua, a sa ca me rua na ligamu se rua na yavamu ka mo dai ki na bukawaqa sa yali ni mudu.
9
Ia kevaka sa vacalai ikonu na matamu, vecuka tani, ka dainia tani vei ikonu; sa vinaka vei konu mo curu ki na bula ka dua lia na matamu, ka sa ca me rua na matamu ka mo dai ki na eli sa waqa kinia na buka.
10
Lewai kodou vinaka mo dou kakua ni beca e dua vei ira na lalai koya; niu sa tukunia vi kodou, A nodra agilosi mai lomalagi era sa raicia tiko lia na mata i Tamaqu sa tiko mai lomalagi.
11
Ni sa qai mai na Luve ni tamata me vabulai koya sa yali
12
Dou lewa vaevei? kevaka e dua na tamata sa dua na drau na nona sipi, a sa yali e dua, ena yali beka ni dainia laivi tu e ciwasagavulu ka ciwa, ka qai ki na veiulu-ni-vanua me vasaqarai koya ka yali?
13
Ia kevaka sa kunea, au sa tukunia vaidina vi kodou, ena reki valevu e na vuku ni sipi koya, ka valailai lia e na vuku ni ciwasagavulu ka ciwa sa yali.
14
Sa vaka voki lia koya na Tamamudou sa tiko mai lomalagi, ni sa yali ni vinakatia me yali e dua vi ira na lalai koya.
15
Ia kevaka sai valavala ca vei ikonu na wekamu, qai ka vunauca ni drau sa tiko vai kemudrau lia: kevaka ena rogoci ikonu, ko sa qai rawai koya na wekamu.
16
Ia kevaka ena yali ni rogocia, me qai lewe dua se lewe rua tale mo yadia vata kei konu, me vaidinadinatakia na vosa kece lia ena gusu ni dautukutuku e le rua se le tolu.
17
Ia kevaka e bese ni rogoci iratou, tukunia vei ira nai soqosoq lewe ni lotu; ia kevaka e bese ko koya ni rogoci ira nai soqosoqo lewe ni lotu, me qai vaka na tawa lotu kei koya sa kumunia nai vacavacava vi konu ko koya.
18
Au sa tukunia vaidina vi kodou, A ka kece lia dou na vauca e vuravura ena vauci mai lomalagi; ia na ka kece lia dou na serekia e vuravura, ena sereki mai lomalagi.
19
Au sa tukunia tale vi kodou. Kevaka e lewe rua vi kodou sa lomavata e vuravura, me kerea e dua na ka, ena vayacoria vi rau na Tamaqu sa tiko mai lomalagi.
20
Ia e na tikina sa soqoni vata kinia e lewe rua, se lewe tolu, e na yacaqu, au sa tiko kinia e na kedratou maliwa.
21
Sa qai qai mai vua ko Pita, ka tukunia, Noqu Turaga, mei valavala ca vavica mada vei au na wekaqu, kau kakua lia ni cudruvia? me vavitu?
22
Sa tukunia vua ko Jisu, Au sa yali ni tukunia vei ikonu, me vavitu wale lia: me vavitusagavulu na vitu.
23
O koya lia koya sa vatauvatani kina na matanitu valomalagi kei na dua na tui, sa via tarogi ira na nona tamata.
24
Ia ni sa vatekivu ko koya me vatarogia, sa qai yadi mai vua e dua, sa tini na udolu na nona taledi sa yali ni saumia.
25
Ia ni sa yali vua na ka me saumia kinia, sa tukunia na nona turaga me volitaki ko koya, kei ira na watina, kei iratou na luvena, kei na ka kece lia sa tu vua, me saumia kinia.
26
Sa qai cuva sobu na tamata, ka masuti koya, ka tukunia, kemuni na Turaga, ni vosoti au mada lia, kau nsa saumia kece lia vi kemunu.
27
Sa qai yalovinaka mai na turaga ni tamata ko ya, ka sa sereka, ka dainia me kakua ni saumia.
28
A sa qai kitautuba na tamata ko ya, ka sa kunea e dua na nonai tokani, sa yali ni saumia vua e dua na drau na pene: a sa tauria ka kidomokia , ka tukunia, saumia mada vei au na nomu dinau.
29
Sa qai cuva sobu na nonai tokani ki na yavana, a sa vamasutia, ka tukunia, Mo vosoti au mada lia, kau na saumia kece lia vei konu.
30
31
A sa bese ko koya: a sa qai ka dainia ki na vale ni veivesu, me saumia mada na nona dinau. Ia ko ira na nonai tokani ni ra sa raicia na ka sa caka era sa rarawa valevu, a ra sa laki tukunia vua na nodra turaga na ka kece lia sa caka.
32
Ia na nona turaga, ni sa kacivi koya mai, sa tukunia vua, Tamata ca, au a sereki iko mai na dinau levu o koya, ni ko sa masuti au:
33
e yali beka ni kilikili vei konu mo yalovinaka vua na nomui tokani, me vaka kau a yalovinaka vei ikonu?
34
A sa cudru na nona Turaga. a sa soli koya vei ira nai vakatawa ni vale ni veivesu, me saumia kece mada na nona dinau.
35
Ena kitaka vaka voki lia kinia vei kodou ko Tamaqu valomalagi, kevaka dou sa yali ni dui sereki ira na wekamudou, mai na vu ni yalomudou, mai nai sau ni nodra caka ca.