Sa vavulici ira na nona tisapeli ko Jisu me ra kakua ni viavia levu, 1 - 6. Me ra biuta na ka ca kece lia e dauvacalai ira, me ra lomani ira era gone lalai lia e na lotu, 7 - 14. Sa qai vatakila ko koya nai valavala e dodonu ni da sa vacacani, 15 - 20. Me da kakua ni saumia vei ira era sa vacacani keda vavuqa, 21 - 35. 20
1
Na matanitu valomalagi sa tautauvata ki na tamata sa taukenia e dua na vale, a sa qai ko koya e na savulaci caca me voli ira eso na tamata me mai cakacaka e nona were-ni-vaini.
2
Ia ni sa vivosaki ki ira na tamata cakacaka me ra tauyadua na pene e na dua na siga me kedrai voli, sa qai talai ira ki na nona were-ni-vaini.
3
A sa qai ko koya e nai katolu ni aua, a sa raici ira eso voki era sa tu wale lia e na rara ni vivoli,
4
a sa tukunia vi ira, Dou qai voki lia ki na were-ni-vaini, ia na ka e dodonu, kau na solia vi ikodou. A ra sa qai.
5
Sa qai voki ko koya enai kaono ki nai kaciwa ni aua, a sa caka vakinia.
6
Sa qai qai ko koya enai katinikadua ni aua, a sa raici ira eso voki era sa tu wale lia, a sa tukunia vi ira, Dou sa tu wale lia vacava gona e na siga ka bogivakia?
7
Era sa tukunia vua, Ni sa yali e dua sa lavakia vi kitou. Sa tukunia vi ira ko koya, Dou qai voki lia ki na were-ni-vaini
8
Ia ni sa raiyavii mai, sa tukunia na turaga ni were-ni-vaini vua na nona tamata, Kacivi ira mai na tamata cakacaka, ka solia vi ira na kedrai voli, mo vatekivu vi ira sa muri, mo tinia vi ira sa liu.
9
Ia ni ra sa qai mai ko ira na tamata ni kenai katinikadua ni aua, era sa tauyadua, na pene.
10
Ia ni sa qai mai ko ira era sa liu, era sa nanumia era na rawatia valevu cake; ia ka ra sa tauyadua lia na pene.
11
Ia ni ra sa tauria, era sa qai didi vua nai taukei ni vale,
12
ka tukunia, O ira koya era sa muri, sa dua loa lia na aua era sa cakacaka kina, ia ko sa vatautauvatataki kimamu ki ira, ia kimamu sa colatia na kena bibi ki na todra ni siga.
13
A sa vosa ko koya vua e dua vi ira, ka tukunia, Noqui tau, au sa yali ni vacacani iko: edaru sa yali li ni vivosaki me dua lia na nomu pene?
14
mo yadia oqori sa nomu, ka qai; sa lomaqu meu solia vua koya ka muri, me vaka vi iko;
15
sa yali beka ni tara meu vitaliatakia na noqu ka? se sa ca beka na matamu niu sa yalovinaka?
16
Ena sa vakinia, ena liu ko ira ka muri, ka na muri ko ira ka liu.
17
Ia ko Jisu sa qai cake ki Jerusalemi ko, ka sa yadi ira vatikitiki tani na tisaipeli e le tinikarua mai na salatu, ka tukunia vi ira.
18
Raicia, eda sa qai cake ki Jerusalemi; ka na soli yani na Luve ni tamata vi ira na bete levu, ki ira na vunivola; ia era na lewai koya me mate,
19
era na qai solia vi ira na matanitu tani me ra valialia, ka vakanakuitatakia, ka vakotia ki na kauveilatai; ena qai tu cake voki mai ko koya e nai katolu ni siga.
20
Sa qai qai mai vua na tinadrau na luve i Sepete, ki rau na luvena-tagane, ka cuva, ka kerea vua e dua na ka.
21
A sa tukunia vua ko koya, A cava ko sa vinakatia? Sa tukunia vua ko koya, Mo ni lewa me rau tiko na luvequ koya, e dua e na ligamu i matau, ka dua e na ligamu i mawi, e na nomuni matanitu.
22
A sa vosa ko Jisu, ka tukunia, Dou sa yali ni kila na ka dou kerea: drau sa rawatia beka mo drau somicia na bilo kau na somica kinia? Erau sa tukunia vua, Kirau sa rawatia.
23
A sa tukunia ko koya vi rau, Drau na somicia dina na mequ bilo: ia me tiko e na ligaqu i matau, ki na ligaqu i mawi, sa yali ni noqu meu solia vailoa, vi ira ga sa varautakia ko Tamaqu me nodra.
24
Ia ni ra sa rogocia ko ira na lewe tini, era sa cudru sara vi rau na vitacini.
25
A sa kacivi ira mai ko Jisu, ka tukunia, Dou sa kila, ni ra sa lewai ira na vimatanitu na nodra turaga, ka sa vitalia vi ira ko ira sa qaqa.
26
Ia ena yali ni vakinia vi ikodou; ia me nomudou tamata lia ko koya yadua vi ikodou sa viavialevu:
27
ka me nomudou tamata ko koya yadua vi ikodou sa viaviaturaga:
28
me vaka sa yali ni qai mai na Luve ni tamata me qaravi, ka me dauviqaravi lia, ka me solia na nona bula me kedrai voli e lewe vuqa.
29
A ra sa qai tani mai Jeriko, a sa lewe levu sara sa muri koya.
30
Ka raicia, e lewe rua na tamata mataboko sa tiko e na bati ni sala, ia ni rau sa rogocia sa qai voli yani ko Jisu, erau sa kacikaci, ka tukunia, Mo ni lomani kirau mai, na Turaga, na Luve i Tevita.
31
A sa vunauci rau ko ira na lewe levu me rau tiko lo: a rau sa qai kaci valevu kinia, ka tukunia, Mo ni lomani kirau mai, na Turaga, na Luve i Tevita.
32
A sa qai tu vadua ko Jisu, ka kacivi rau, ka tukunia, A cava drau sa vinakatia meu cakava vi kodrau?
33
Erau sa tukunia vua, Na Turaga, me rai rawa na mata i kirau.
34
A sa qai yalololoma ko Jisu, a sa tara na matadrau: a sa rai vinaka vasauri na matadrau, a rau sa muri koya.