¹ At Harun aburi pere arat watlagukhasikmo, nen wene esahagat lagikhe eta it Harun aburi eta it at Tuhan Allah erekma elokhoma horok at lagukhasikmo, at Tuhan Allah nen at Musa jogokhikhe. ² At Tuhan Allah nen jogokhikhe, "Hat nen at Harun jogosin, hat hol, at ukigiluk halok jugunat ukusak at Tuhan Allah welagama kudus tegelekma opalrike o alilukedelekma etomala, elokhomake akhuni dapulinakharek meke sewalek werek iti o tabut at Tuhan Allah nen wene wagarogo bilikkhe meke akla ukhalrek werekma upuwaga itilah buak itila bigidek halok at Harun watlarek werekma upuwaga dogogin o akhuni dapulogo bisegarek meke owa sewelek werekma itila. ³ Kudus tegelekma itila at Harun ukigiluk halok at ukusak jigi sogo, nen agikhe wam lembu sapi apakiat kulok kogoriogo meke warogo nen akhuni dosa weak meke hagariogi etoma inowa horogo bisasak nen wam domba kulok opakiat meke warogo nen hetumo werago busak. ⁴ At Harun su upuwaga meke keja lenan kudus tegelek meke etnogo ikholo nen at akulsu celana lena etnogo wago upuwaga dakulogo nen sewelogo buak nen at nen owakhawaga helre jo lenan etnogo waga warogo buak; iti su kudus tegelek etnogo ugu dogosak meke, itigisogon hagarogo biluk nen at ewe waga ima mago nen dogoak. ⁵ It akhuni umat Israel meke nen wam kambing kuluk pere meke waganiluk nen warogo dosa weak meke etoma horogo buak nen domba kulok opakiat meke waganiluk nen warogo hetumo werogo buak. ⁶ Itigisogon hagarogo biluk nen at Harun ekagarek owahasik wam lembu kulok meke waganiluk nen warogo dosa weak meke owa horogo bakhoak nen ekgarek nen owa dapulogo bakhigik nen at aburi inom dapulogo hagarogo bigik hagasuak. ⁷ At Harun nen wam kambing pere kuloktek meke waganiluk nen persembahan hagarogo nen at Tuhan Allah elokhoma biluk nen at Tuhan Allah etaga kogodegrekma holaga pema sukham etoma busak. ⁸ Nen Harun wam kambing ya at Tuhan Hasik hagatlagasigin kikeluk hat nen undi hagatno, undi hat nen hagasigin iti at Tuhan Allah hasik nen agikhe at Azazel hasik. ⁹ At Harun nen wam kambing kulok meke mepersembahkan hagarogo buak wam kambing yi undi at Tuhan Allah at owa hagat lasigin a, dek a? Iluk hagarogo buak nen wam kambing iti warogo nen isago dosa weak meke etoma horogo buak. ¹⁰ Meke kambing bulok iti undi awa at Azazel owa hagat laga halok wam kambing iti iluk keke wolok at Tuhan Allah elokhoma wolok bino at inom dapulik dogoak nen dapulogo bisano, itigisogon hagarogo biluk nen at Azazel hasik o limo etomala hagarogo bino. ¹¹ At Harun nen wam lembu kulok iti warogo nen dosa weak meke at ekagarek hasik owa horogo bakhoak nen at ekagarek owasik inom lembu kulok iti warogo nen palogo buak. ¹² At Harun nen hetu waganikhesik nen sabokhogon waganikhesik open hesokhogon ukhalrogo hetu mokalekma akla ukhalrogo bisikke upuwga O mesbah pelrogoma hetu mokalharekma emenogola bisikhe at Tuhan Allah elokhoma, doalekha ikimo wganiluk hetumo werago nen owasi hano meke hagarogo buak helekit owa sagalogo nen, wolok opolrike hetu mokalekma etomala wolok loak. ¹³ Itigisogon hagarogo biluk nen o hetumo mokologo bergarek meke pelrago itila akla hetu mokalogo buak at Tuhan Allah elokhoma bino, nen o sode o hetum mokalharek meke pelrao iti waga nen hetu akla mokalogo bumo nen sode dukhiriogo etoma wene etoma dapulogo biluk nen sode etoma waga sewelogo buak at Tuhan Allah nen hukum hagarogo bisikhe waga, at Harun watlasunogo iluk. ¹⁴ Harun nen wam lembu kulok iti ameep hemubruk at agikhe iki ekaka waga waga niluk nen o wene dapulogo bilukhama iti owa sewelogo buak elkhomake etomala, nen o owa dapulogo buak elokhomake buak, nen o dapulogo bisukhama iti elokmake sewelogo biluk nen at Harun nen wam meep etoma hemulruk at iki ekaka waga dawulogo tujuh kali waganuak. ¹⁵ At Harun nen wam domba kulok meke warogo nen palogo dosa weak meke etoma it akhuni Israel meke inowa horogo bisikhe nen meep emenogo wolok o palrike emenogo owa hagarogo buak isikhe talak wam lembu kulok iti hagarogo buak itisogon meep wam lembu kulok iti, at nen meep hagikhe waganiluk nen o wene dapulogo begep iti owa meep iti owa dawulogo biluk nen o wene dapulik iti meep iti upuwaga ke nen sewelogo buak. ¹⁶ Itigisogon hagarogo biluk nen at Harun nen wene iti dapulogo nen kudus tegelek etoma waga it akhuni Israel meke etoma inowa weak meke dekelek werek iti inowa dosa weak meke apik at inowa werekma. Itigisogon at it o Tuhan Allah etaga kogokharekma etomala dogolik nen emenogo it inowa dekelogo bekhe lagakhasikmo. ¹⁷ It akhuni etoma it at Tuhan Allah etaga kogokharekma etomala wisusak dek, at Harun o kudus tegelek welagarekma etomala ukiluk nen wene dapulogo busak meke ji hagarogo buak, at arat hagarogo biluk nen at dukhigisuak, wenen dapulogo iti at dukhisuak, wene wene dapulogo iti at ekagarek hasik hagarogo bakhalok at o itila nen dukhisuak, at ekagarek hasik dapulogo hagarogo bakligik nen at abeeri inowasik dapulogo harogo bisigik nen it akhuni Israel meke sabokhon inowasik hagarogon inowasik hagarogo bigik hagarogo biluk nen hat dukhino. ¹⁸ At Harun dukhilalok nen o mezbah pelragoma at Tuhan Allah elokhoma itila loak, at nen o mezbah pelrogo iti dapulogo buak. At nen wam lembu kulok iti ameep hemulruk at waganiluk nen wam domba kulok iti ameep agikhe waganiluk nen o mezbah pelrogo iti ukuloakma aik etoma waga dawulogo bilik loak aliluke ewelak-ewetlak etomala. ¹⁹ Itigosogon hagarogo biluk nen at nen meep etoma agikhe hemulruk at waganiluk nen o mezbah pelrarogo iti waga hemulruk at ikimo waganiluk nen dawulogo biluk nen kuduskan tgelogo biluk nen it akhuni Israel meke inowa weak meke dekelek werek etoma horogo buak. ²⁰ Dapulogo arat hagarogo bisikkhesik nen o kudus tegelek welagarekma etomala hagarogo bisikhe nen o at Tuhan Allah etaga kogokharekma etomala inom nen o mezbah pelrogoma etomala inom kuduskan tegelogo hagarogo bisikhe, at nen wam kambing kulok agkhe iluk waganikhesik nen mepersembahkan hagarogo bisikhe. ²¹ At Harun iki pereke-pereke wam kambing kulok iluk etnogo ukuloakowa dukhogon bisikhe nen wene hano hagarek meke weagarogo bekhe lagukha emenogo bualogo bisikhe nen wene hano hagarek meke weagarogo bekhe lagukha emenogo, esoma sabokhogon at nen kambing kulok etonogo o limo emenogola laisikhe it akhuni ato japenogo bisasikhe emenogo nen wam kambing kulok etnogo o limo esoma laisukha. ²² It akhuni Israel meke inaeak inadosa emenogo o agat kudus tegelek etnogo owa kambing kulok emenogo owa nen dosa weak meke inowa welagikhe emenogo horogo bisasikhe, nene wam kambing kulok etnogo o limo esomala wganogo laisuka. ²³ At Harun nen itigisogon arat hagarogo bisik khesik nen at Harun etnogo o at Tuhan Allah etaga kogo degarekma emenogola ukisikhe nen su lenan ugu welagikhe etnogo korogo esomala bisikhe, nen iki henagan owa welagikhesik nen apoke ikhogo nen o kudus tegelekma emenogola ukisikhe nen at owelagikhemo emenogola heredisalok dukhiagikhe. ²⁴ At Harun o kudus tegelekma emenogo nen at owa ima mago dawulogo bisikhe nen at ekagarek nen su owaikhogo bakhasikhe, nen at dukhilagikhe o uma etnogola nen wam kambing kulok meke warogo warogo nen mempersembahkan at ekagarek hasik hagarogo bakhik nen iti akhuni Israel meke inowasik warogo hetumo werago hagarogo bigik hagarogo bisikhe; at nen at ekagarek owa dapulogo bakhigik nen it akhuni Israel meke dapulogo bisigik hagakhi ²⁵ At Harun nen wam kambing kulok etnogo warogo nen amok apusu emenogo hetumo werago nen dosa weak meke emenogo horogo nen o mezbah pelragoma upuwaga etomala buak. ²⁶ It akhuni wam kambing kulok iti at Azazel hasik it ini kimo nen heselogo begasikmo it meke su ugu welagakha meke etoma ima sabokhogon sowalogo buak, at at ewe owa ima dawulogo buak nen at owa itigisogon hagarogo biluk nen at o at Tuhan Allah etaga kogode garekma etomala ukuak. ²⁷ Nen Lembu kulok inom nen kambing kulok inom warogo nen dosa weak meke etoma horogo bino, meep etoma wolok uma dapulogo bisesgarekma etoma la wokukiluk nen dapulogo bisano o kudus tegelekma akal etomala nen, o uma etomala nen wolok dukhisuak, nen oado etoma inom, nen ino etoma inom nen at elawutla meke weak meke etoma inom etoma sabokhogon werago bino. ²⁸ Sa nen etoma sabokhogon hetumo werago halok, at iti at meke su ugu werek etoma sabokhogon sowalogo buak, ne at ewe owa ima dawulogo buak nen at etoma sabokhogon hagarogo biluk nen at ewe uma ukuak. ²⁹ Wene hagarogo bogo joma muke make ikhok harek dogoak iluk hagarogo hit hasik bogo, nen bulan ketuju waga, tanffal sepuluh o sutbulan iti waga hit hinetaiken sewekhogon biluk nen hean berpuasa hagatno nen nen jawu agikhe meke - agikhe meke it inom werek etoma inom it nen jijawu ti jawu etoma hagasusak dek. ³⁰ Nen o etawaga hit hasik dapulogo bina gusakma dapulogo binailuk nen weak meke hit hinowa werek etoma horogo binauak nen, hit hinowa hano meke dogo waik nen hit hinowa dosa weak meke etoma hinowa dek hano dogolik nen at Tuhan Allah elokhoma hanorogon dogowaik nen. ³¹ hari minggu etnogo o hari minggu hagarek owat hagarogo bisikhe, o hari jimeke timeke hagasusak dek motok iluk hagarogo bisikkhe, hit hasik iluk haganogo bisikkhe nen hit hinetaiken sewekhogon hean berpuasa hagakhe degono wene iti hagarek motok dogoak iluk hagarogo bisikhe. ³² Nen dapulogo bisekhe dogosak owa it imam nen dapulogo bisakhe lagukha nen inukuloak sewelogo bisikgik nen inowa meke haorogo bisigik iti imam iti inikimo serogo dogoak iluk it Harun aburi it inopase owalikmo imam hagarogo bisukha; at su lenan meke ugu dogoak, su kudus tegelek meke ugu dogoak. ³³ At nen o maha kudus tegelek welagarekma esomala dapulogo buak, o at Tuhan Allah etaga kgokharekma etoma hasik inom nen o mezbah pelrogoma etoma hasik inom, it jemaat inewe sabokhogon inowasik. ³⁴ Etoma it hiwiku jogoku inikimo hago motok-motok dogoak iluk nen it inikimo bisasikhe, it nen it akhuni Israel meke Tahun opakiat hagatlaga halok iti inewe dapulogo bisilik waga dogoak iluk it inewe dosa weak meke apik hagarik wagalagikhe etoma Tuhan Allah nen at Musa jogokherekma harik wagalagikhe talak at Harun itigisogon harik wagalagikhe.