Pasal 17

O Wam Domba Warogo Nen Palogo Mempesembahkan Begarekma

1 At Tuhan Allah nen at Musa jogokhikhe: 2 "Hat nen at Harun jogotno nen at Harun aburi inom jogsano nen it akhuni Israel meke sabokhogon inom jogisano, nen it jogisan: Wene ji at Tuhan Allah nen jogisan ekhemo nen hit jogkhisigi: 3 Ji akhuni sabokhogon at it Israel meke it nen wam lembu domba inom kambing inom it nen palohe dogoak uma it werekma etomala nen palhik nen sikman haga nen palhik hagakhe dogoak. 4 Make wam lembu domba kambing palek etoma it nen wolok o at Tuhan Allah etaga kogodegarekma holagap ama elokhomake etomalake wolok lasak dek, it nen dipersembahkan hagarogo biluk nen mepesembahkan at Tuhan Allah hasik hagarogo biluk nen at Tuhan Allah ai halekma susci kudus tegelekma etomala wolok lano, etomala wolok lalok nen it akhuni inameep oko paledek meran iluk nen wenago buak, at akhuni inameep usawogo bisikhesikmo, nen at akhuni at ewe warogo degerogo busak it akhuni Israel meke werekma inakla etoma nen. 5 Wene ji it nen inakla ewekhama it akhuni Israel meke nen wam lembu domba joma it nen warogo nen palogo walok loak, it nen diprsembakan hagarogo o limo esomala nen bugun weakma, at Tuhan Allah hasik at Tuhan Allah etaga kogokhorekma etomala wolok lalok nen it imam lak wogisano, it imam nen dipersembahkan at Tuhan Allah wogosuak nen warogo nen nawulrak hawulral hasik. 6 It imam nen wam meep etoma at Tuhan Allah meke o mezbah pelrago iti wagatisalogo buak o at Tuhan Allah etaga kogokharekma holagapema elokhomake etomala nen amok apusu etoma hetumo werago nen owasi hano meke at Tuhan Allah etaiken walrok asuak iluk hagarogo buak. 7 It nen wam warogo nen mempersembahkan walro etoma hasik hagarogo busak dek, it nen walro etoma hogorakhe dogogu halok etoma dosa weak meke, etoma at Tuhan Allah nen hagarogo bisikhe it akhuni Israel meke it aklago helalago it inikimo seerogo motok-motok dogoak iluk.

Meep Inom Inewe Inom Nasak Dek Iluk Wenemuk Palogo Bisikhe

8 Hat nen it jogisan: 'It akhuni kaunm Israel meke inom it akhuni sikman haga meke it Israel meke werekma inakelrela weam etoma inom, it nen wam lembu domba kambing warogo palogo nen mempersembahkan hagarogo bekhedogoak. 9 It nen etoma wolok o at Tuhan Allah etaga kogokharekma holaga pema etomala wolok lasak athe hanohak dipersembahkan hagarogo biluk nen at Tuhan Allah wogokhe dogono, it akhi iti nen itigisogon gagakhidek halok it inowe at Tuhan Allah nen degerogo bisekhe dogogin it akhuni sikman haga meke it akhuni kaum Israel meke werekma inakelrekla werek etoma."

10 It akhuni bahnsa Israel meke wrwkma it akhuni werekma sikman haga meke jugun at nibik hagakle dogogun halok it inewe an ninom jakhe dogogun nen it inewe an nen degerogo bisekhe dogogin iti inewe it akhuni kaum Israel meke werekma inakla tulromo inom werek etoma. 11 Meke meep jiwalro tiwalro akla werek etoma meep etoma an nen wokhi sekhe dogogin an nen hit wakhisa om nen hit nen meep etoma o mezbah pelrogoma upuwaga etomala biluk nen it akhuni etoma inewe nejawa etoma dapulogo bisekhe dogono, ewe meep etoma waga nen it akhuni etoma inewe dapulogo biskhe dogoak inewe nyawa etoma alilu kegelrek. 12 Wene ewe etoma waga nen an nen hit akhuni Israel meke ji jokhisekhe lagi, 'It akhuni sikman haga meke hit hinaklakhe kelrok-kelrok werek etoma it nen meep etoma nasak dek o. 13 It jiakhuni ti akhuni it Israel meke sabokhogon at nen it akhuni sikman kaga meke it akhuni Israel meke inakla tulrumo inom werek etoma, it nen walro inom sue inom it nen iluk keke inikimo talukhogon waga ha halok etoma it nasak elrok, meke etoma hak tisaklogo wulaisasak, nen agatma sewelogo busak. 14 It jiwalro tiwalro etoma sabokhogon it inewe inakla meep sabokhogon welagarek, iti halok an nen hit akhuni Israel meke jokhisekhelagi: 'Jiwalro tiwalro etoma sabokhogon it inameep hit nen nasadek, meep rtoma jiwalro tiwalro etoma at ewe akla welagarek meke.It akhuni etoma sabokhogon it nen meep etoma neka halok it inewe sabokhogpn dek asugun. 15 Nen it akhuni sabokhogon at it nen sue inom iwalro tiwalro etoma sabokhogon ameep werek meke etoma it akhuni Israel meke inakla inawuna inom werek etoma inom, it su ugu werek etoma sabokhogon walogo bino, it inewe inowa etoma ima buka nen it inowa weak meke etoma dekelek werekma-werekma o mulikin iti dukhisuak, nen at owa weak meke owa dekelek werek etoma hotlasuak. 16 At nen su ugu werek etoma sowalogo bigidek halok at owa ima dawulogo bigi dek halok, at ekarek nen aweak etoma karelogo bakhoak.