¹ At Tuhan nen at Musa inom at Harun inom jogisasikhe; ² "Kit nen it akhuni Israel meke jogisano nen hit nen jigisogo jogisano: it apinakul moke nen inapusuakke dukhiaga halok, at ap iti aku moke nen apusu ake dukhiaga halok, at ap iti akul moke nen apusu ake dukhiaga halok at ap iti weak meke owa dekelaga. ³ Ewe jigisogon weak meke inowa dekelari ogo iti inom aguak huni lano elro inakulmo nen iopusu ake dukhiri ago iti waga nen; inakul iti awolrodek here disamo inap usu ake iti owatne werek motok lagadogogin, itigisogon halok inakul iti awolrok degerogo busak, inakul iti awolrok degerogo bumo nen inapusu ake iti awoklrok dek atluk nen usagi dek hagasuak ak nen iti weak meke inowa dekelaga. ⁴ It hiwiku jogoku noge egarekma etomala, at ap akulmo nen apusu ake dukhiri ogo meke etnogo at it akhuni ato noge iliogi ma etomala at noge usak dek, at etomala noge akhe halok o etomala weak meke etoma owade kalasigin. ⁵ It akhuni ato it inapusu ake usari meke inowalik noge iluk halokit akhuni iti it su ugu meke etoma sowa lgo buak nen it inewe inowa ima dawulogo nen inowa o mulikin dukhisuak. ⁶ Sa nen at ap owa weak meke dekelek werek iti at hurek welagarek ma hurek laga halok at iti at meke su etoma sowalogo buak, at ewe owa etoma ima dawulogo buak, nen at owa weak meke iti owa dekelek werekma-werekma o mulikin iti dukhisuak. ⁷ Sa nen u ap iti owa werek iti meke owa hagat laga halok, at ap iti at meke su ugu werek etoma sabokhogon sowa logo buak, nen at ewe owa ima dawulogo buak nen at ewe owa weak meke iti dekelek werekma-werekma o mulikin iti dukhisuak. ⁸ At ap owa weak meke dekelek werek itigisogon meke at owa dekelek werek halok it akhuni ato nen wasi owa laega halok, at ap iti at su ugu werek meke etoma sabokhogon sowalogo buak, nen at ewe owaima dawulogo buak nen at owa weak meke iti owa dekelek werekma-werekma o mulikin dukhisuak. ⁹ Nen hilwiku jogku hurek welagakharekma wam sapi owa dagiluk welakharekma halok etomala weak meke iti inowa dekelagorek. ¹⁰ It akhuni u weak inowa welaga emenogo it akhuni u iti inowa dek meke inowa hagat latluk nen u iti it inomwa werekma-werekma o mulikin iti dukhisuak. Nen at akhuni u iti owa werek meke at akhuni agikhe nen hapokhekhe halok atakhuni owa u werek meke apokhekhe meke iti at meke su ugu meke etoma sabokhogon sowalogo buak nen nen at owa i dawulogo buak nen at u iti owa dekelek werekma-werekma o mulikikindukisuak. ¹¹ It akhuni ato u iti meke inowa dekma it u iti meke inowa hagat laga halok, at akhuni u iti owa aga iti at nen alep hogon iki ima sowalhidek hagakhidek hagakhikhesikmo at su ugu werek etoma sabokhogon sowalogo buak, at ewe owa ima dawulogo buak nen at akhuni iti u iti owa dekelek werekma-werekma o mulikin iti dukhisuak. ¹² At akhuni iti u belanga tagat meke hagarek iti at owa hagat laga halok, o belanga agat meke hagarek iti selrelogo buak, nen jimeke timeke etoma inom nen o kayu etoma inom sabokhogon ima owa sowalogo buak. ¹³ It akhuni itigisogon meke inapusu it inowa hano harek halok, at nen o tujuh hari menogo biluk nen u weak meke etnogo arat dek agama iluk selekma bualogo buak, nen at su ugu meke sabokhogon sowalogo buak, at ewe owa i alrelro liliogo etoma waga horogo buak nen at u weak meke at owa dekelek werek etoma dek etoma waga horogo buak, nen at u weak meke at owa dekelek werek etomadek asuak nen. ¹⁴ O hari ke delapan hagat lagak halok at nen sue terkukur pere inom nen sue merpati eakagikhe inom waganhike hagasuak, nen at nen walok at Tuhan Allah elokhoma wolok wisuak, holaga pema at Tuhan Allah etaga kogokharekma etomala wolok lano, nen sue etoma wolok lalok nen it imam lak wogisano. ¹⁵ It imam nen mepersembahkan hagarogo buak, opakiat agikhe warogo nen dosa weak meke etoma horogo bino nen opakia warogo nen hetumo werago bino. Itigisogon hagarogo biluk nen it imam nen at akhuni u weak meke owa dekelek werek iti atowa degerogo dapulogo buak at Tuhan Allah elokhoma at apusuake. apik werekma. ¹⁶ It ap inapusu ake tisalogo usa aga halok, at ewe owa sabokhon at iti salogo buak nen at owa weak meke iti owa dekelek motok werekma-werekma o mulikin iti dukhi suak. ¹⁷ Su wemawaga ugu meke owa inom nen oado waga inom, apusu ake etoma owa tisalogo owa usa aga halok etoma ima usalok nen owa harogo sowalogo nen buak nen at at owa weak meke etoma owa deklek werekma-werekma o mulikin iti dukhisuak. ¹⁸ It humi halok, it ap inom noge ilukmo nen it ap inopusu ake emenogo usaga halok, it humi dok ap dok iti inowa ima mago nen it inowa harogo sowalogo buak nen it inowa weak meke iti it inowa dekelek motok werekma-werekma o mulikin iti dukhisuak. ¹⁹ It humi ap inapusu ake emenogo inakla nen dukhi aga halok, nen apina pusu ake iti it humi inameep inom kemaluan owake usagarek, nen at he at o tujuh hari su kain owa dakulik dogoak, nen it akhuni ato apina pusu ake etoma inom nen it huni inameep etoma inom it akhuni ato inowa dawulogo halok it inowa weak meke iti it inowa dekelek motok-motok o mulikin dukhisigin. ²⁰ At he iti jimeke timeke etoma inom noge isi nen at meep bemaluan owake usaga kolrek at su kain dakulogo inom nege ekhe laga iti owa weak meke iti owa dekelaga. Nen inom hurek welaga meke etoma sabokhogon weak meke iti owa deke laga. ²¹ It akhuni ato it he omeep kemaluan owake usariogo iti at noge itilogoma etomala inom noge ega halok it akhuni etoma it su ugu warek meke etoma sabokhogon sowalogo buak, at owa ima horogo sowalogo buak nen at owa weak meke iti owa dekelek werekma-werekma mulikin iti dukhisuak. ²² It akhuni oto he ameep kemasuan ke wirogo hurek welaga etomala welagakhome meke etoma it su ugu etoma ima sowalogo buak, nen inewe inowa dawulogo nen horogo buak nen at het iti at owa weak meke at owa dekelek werek iti awa owa dekelek werekma-werekma o mulikin iti dukhisuak. ²³ Nen agikhe it akhuni agikhe he iti noge iliogoma etomala noge iluk nen he iti at owa weak weak meke etoma it inowa hagat laga halok nen at he iti o jimeke timeke waga hurek welarekma etoma hurek laga halok, it akhuni iti inowa weak meke iti dekelek werekma-werekma o mulikin iti dukhisigin. ²⁴ At ap etoma at he etnogo inom noge ega halok, at he iti su kain iti dakulogo dogogin meke ap etnogo apusu ake at he etnogo owa meke su kain etnogo owa dawulasigin, nen at he etnogo weak meke emenogo at owa dekelek motok dogogin tujuh hari, nen it noge egarek ma o pelrogo owa etomala weak meke iti owa dekelasigin. ²⁵ It humi hiwiku jogoku it inameep dukhiriogo halok, it ap iapusu ake emenogo meep inom-inom dukhitluk nen su kain owa meep weak meke emeowa dekelek huaga halok, at meep iti dukhisusak owa awan at halok alep hak su kain owa meep dekelek huagikhe esawaga nen, alep hak meep weak meke dekelek welagikhe eranogo waga at he atnogo owa meep hak hiwiku jogoku usaga lagikhe eranogo tak-tak su kain owa meep emenogo owa dekelek welagikhe. ²⁶ It noge egarek ma emenogo noge isinenm, at he etnogo ameep emenogo dukhiago motok welagikhe, at iti at owa alep hak noge ekherekma su kain owa dekelek weak meke etoma owa dekelek welagikhe nen jimeke timeke etoma wemawaga etoma werek at owa dukhagon hurek laga-lagikhemo etomala weak meke emenogo owa dekelek welagikhe talak. ²⁷ It akhuni sabokhogon at etoma o jimeke timeke etoma it inowa hagat laga halok o weak meke it it inowa dekelek dogogin, at nen it su ugu welaga meke etoma sowalogo buak, nen it inewe inowa ima mogo nen buak, nen it inowa weak meke siti it inowa dekelek werekma werekma o mulikin iti dukhisuak. ²⁸ Meke at he iti at owa meep iti dek aga halok, at he iti at nee tuju hari wenago buak, iti gisogon wenaga bilik lagunem at he iti at owa weak meke dekelek werek etoma dek asuak. ²⁹ O hari kedelapan owa at nen sue terkukur pere meke waganhik nen sue merpati eak pere meke wagan hik hagatluk luk nen at nen wolok iti imam inowa wolok loak o Tuhan Allah etaga kogokhorekma holaga pema esomala. ³⁰ It imam nen sue opakiat meke warogo nen dosa weak meke etoma horogo nen mempersembahkan hagarogo buak nen sue agikhe opaki at meke agikhe warogo nen hetumo werago buak. It imam nen it akhuni iti dapulogo at Tuhan Allah elokhoma dapulogo bisoak, meep weak meke etoma owa dekelek werekma. ³¹ At Tuhan Allah nen at Musa jogokhike it akhuni Israel meke it inewe alhiokhogo hagatlagasuak nen it inowa weak meke iti inowa deke lasunogo, weak meke iti it inowa dekelasumo it watlasunogo weak meke iti akla nen, an naik halekma itila weak meke iti owa dekelasunogo hit hinakla tulrumo werek iti!" ³² Wene ji hukum it ap inapusuake tisalogo dukhiarek meke inom nen tisalogo usatluk nen weak meke etoma it inowa deke laga lagikhe meke hagarogo at Tuhan Allah hagarogo bisikhe. ³³ It huni inameep su kain owa dekelaga lagikhe meke inom nen it akhu ato inowa deke laga lagikhe meke inom, it ap dok nen it humi dok, it ap inapusu ake it humi inakla kolaerek meke ato usaga lagikhe etoma inom, nen it ap it humi inom noge ega halok it inowa weak meke iti it inowa dekelaga lagikhe.