¹ Jjanua pa monae jina wanapa Sión ta, pamonae jamatabü jumaitsi pona ponajü Samaria pe jamata tsutonü, pe yaiyataeya pebianü pana kua jawata pe jinawa paewi, pamonae Israel boota pe yawenonaewi. ² Piaja líderes monae jumaitsi: "Pa ponarre Calne, pa taema; ajarra jota kuijinae pa ponarre Hamat, Gat filisteos monae jawabelia ¿Pa monae pejjania jamata kuene wi anija reina beje? ¿Pija frontera pinijawa pajjamü wekua? ³ ¡Jaina pa monae pa jumaitsi itsa matakabi tsane pebisia kuene pana kua jawa tsi imojjoyota tatsi pepo pebisia kuene atjübu werrena najetarruka! ⁴ Ajarra pa monae marfil camanüta bobena yajawa nakuerro kabobena. Ajarra pa monae jjane Cordero nü yajawa becerros. ⁵ Najjuana jema wajianü arpa jumeta; ajarra pa monae David kujiruu jüpaeya najjuana. ⁶ Ajarra pamonae vino piniji bünüta yajawa namata kairriba pejjania aceite ta, itsiata apo najamatabü jjainae José pe mütjü jawabelia. ⁷ Nejjata ajarra pamonae ponena exilio jawabelia pakuenia kopiya monae. ⁸ Jjanü, SEÑOR NÜ DIOSO, ne jumaitsi jjaniwaetsia, Jjanü apo jitsipaenü Jacob pija orgullo, jjanü apo jitsipaenü pija boonü, ajarra juijitsia, jjanü rajutsianajü dajjita tomarra jjua yajawa jjaina. ⁹ Itsa nakopata diez (10) ponübeje kae boota dajjita tipaena. ¹⁰ Pakujinae pija monae jiviyo pita jopaena pija monae jiviyo, nejjata wayafuabelia kapitsa palia, jumaitsi tsane ¿Itsa jiviyo nakopata jjamuta? Itsa jumaitsi ajibi, nejjata jumaitsi tsane pa moyamürre, apo pa jumaitsimurre SEÑOR NÜ apo be pa wünü jumaitsimü. ¹¹ Pa taema, SEÑOR NÜ najume rajutsiana, nejjata piniji boo epa otjopae ejjanena, pijinia tsikirii booya tsikirri pürrütojjito. ¹² ¿Caballo bitso ba kujinaejena ibo juma? ¿Ipatsa be oraba ibo jamata bueyes nüta? ¹³ Pajjamü pejjania kuene justicia pa itsimü veneo virtud kuene piatsaja pa itsimü, Pajjamü pa ne barruyawi pa jumaitsimü Lo-debar, jawabelia: ¿Apo pa patsinü pata kobeta pane sauta? ¹⁴ Pataema, Jjanü mata kotsianajü pajjamü jawabelia kae nación, Israel boo, ma pajume jumaitsi SEÑOR NÜ DIOSO, ejército pija DIOSO. Ajarra pa monae paka itorobiana pajjamu Lebo-hamat Arabá nakua jawabelia.