¹ Ma jjuaje SEÑORNÜ DIOSO netsitajuta jjanü. Pa taima, bajarra ponü najuma jeba tübü bitsaütonü . ² Pakujinai mamata foba majetarrubena peejano ubi jawa. pa taima, bajarra jjua najemata pena koitsi kujinai reinü pe ubi jawa. Pakujina bajarra pamonai na jani werrena irra piji makabo, mejjata baja jjunu juma tsinü: "petujjanenü DIOSO, itsiata baja pane itajjuto tsonia taima; ¿depakuenia asaü tsane jacob? tsipajibajarra ponü saya tsikirrinüyo." ³ Petujjanenü baja nejjata nejume tane bajarra jjua yabarra. "Bajarra jjua raja apo itsi tsare bajarra pakueneta" bajarra ponü jumaitsi. ⁴ Majjuaje SEÑORNÜ DIOSO netsitajuta: Pa taima, SEÑORNÜ DIOSO junata isoto peyanijobi nejja. Bajarra jjua juta ayai merra irra büjjupana jawetsina tsipaji bajarra ata werrena. ⁵ Baitsi jane jjanü: "petujjanenü DIOSOÑÜ, itsiata baja nakujirra koparne; ¿depakuenia jacob asaü tsane? tsipaji bajarra ponü say tsikirrinüyo." ⁶ bajarra ponü petujjanenü nejjata ne jume tane bajarra jjua jabarra. "bajarra jjua raja apoitsitsane bajarra pakumeta". jumaitsi SEÑORNÜ DIOSO. ⁷ Majjuaje bajarra ponü netsitajuta, pa taima, SEÑORNÜ nuka peya karranatsi mata tsünüta, kobena nuka piarrewe jawa plomada jawa. ⁸ SEÑORNÜ jumaitsi: "¿Amos, dejjua taneme? jjanü jumaitsinü: "tanijü plomada jawa." Nejjata SEÑORNÜ ne jumaitsi: "Taima yjanü raja buatsianajü plomada jawa Israel tomarra tutujuta. jjanü baja tsane. ⁹ Isaac piaja piapia tajjunanü werrebiabiana, Israel piaja santuario jawanü bijiobi tsane, nejjata baja jjanü tsinamakotsianajü jeroboan piajabo epadata beya jjuabijitsianü. ¹⁰ Nejjato amasia Betel piji sacerobtenü, najume itorroba jeroboan jawobelia, Israel piji reinü: "Amos raja kabarra natsipaiba Israel piajabo unuta. Irra baja kajena apo jjania rukai pejumetai jawata bajarra pajume. ¹¹ Ma kajena pakuenia kajumaitsi Amos jumaitsije: "Jeroboan baja tüpaina epadata, Israel baja baja pijinia nawekua yorrotsianatsi piaja irra wekua tajübelia." ¹² Amasia jumaitsi Amos jawabelia jumaitsi: "neyapütainü ponarre bajo Juda irrabelia nawiarre bajarra jutalia jjainame pejjania pejjai jawa paibianame pejjania liwaisi. ¹³ Baitsi jane baja pütsa paibame mapa irrataje kaito ata Betel juwata, tripaji ma jjuaje neinü piaja Santuario pepo piajabo. ¹⁴ Nejjata Amos jumaitsi amasia jawabelia: jjanü raja apo profetanünü apo pejjunato atanü profetanü. Llanü rajapastornünü, ewetabiabajü hijo naijawanü sicoro nainü ata. ¹⁵ Baitsi jane petujjanenü ne, torroba ta ewetsi nejja ilujubi bitsoütonü ne jumaitsi nuabaja taima tsipaibarne taja Israel tomarra. ¹⁶ Nejjata juya jumetaima SEÑORNÜ pejume. Jjamü jumatsimü, pütsa baja paibame Isaac piaja bo yabarra. ¹⁷ Ma jjuaje SEÑORNÜ pejameje: raja pena perraba kafetsiwa tsane tomarrota; nejji tüpaina epadanüta pebijiwi bajarra pakuenia ata petirriawiata. nija irra tsatsiana pekajutsi kuenia; jjamü tüpainame pabisia irrata Israel baja pijinia Itsa jawabelia itawetsianatsi piaja irra wekua.