¹ Jutaename palivaitsi, pajjamü vacas Basán, pajjamü pane jinavana paewi petsuto Samaria, pane bijabü ejjanaevi pe be kuene jiabiwi, pa jjamü pane ta jjunanono biwi pena mata wenonoewi, pa jjamü pa jumaitsinü tsabiaba pane amanajiwi: "Aitajibitsi tsane." ² SEÑOR NÜ nakua ejjanaenü ravialia jumaitsi apo pena jumetsinütsinü: "Taema, piabeje mata kabi pa ka ka ponaena yakibiaya tajübelia, be dujuanüanü paka kuibo joro paena. ³ Pa jjamü papitsa paename pena yaebü jawa peya karanatsi jawa tomara, kaejiwi kana kujitsia ponaena bajara jjoya, paka penetsiana Harmón, paliwaisi najume kopata SEÑOR NÜ. ⁴ Pa ponare Betel jawabelia piabeje jawa pa ejjanare Gilgal pia beje jawa paejjanare, paka ponare panija nekoni kae bajaya kona kujitsia, panija diezmo akueyabü mata kabita. ⁵ Parajure panija nekoni pa matamore pejjania kuene pa pekerajutsi jjae panbianüta; patsipaebare panija nekoni matamore nayapüteama, tsipaebare, piaja tajjunae, pajjamü pajiminü Israel ta wi, palivaisi tsipaeba SEÑOR NÜ DIOS nakua ejjanaenü. ⁶ Jjanü pakavana kiatsia panija tamaranü jawa saika panija pan panija tajjunaenüta. Itsiata baitsi jane itsiata baetsi apo naviatsinü jjanü jawaberena, bajara palivaitsi tsipaeba SEÑOR NÜ. ⁷ Jjanü ata apo ema ejjanaenü pakujinae abajjü nakopata akueyabi pa mata kabübeje penstsinejja peubi kuene. Jjanü ikatsia ema ejjanajü tomara mata tsinüta, apo ema ejjanaenü itsa tomara jawa kae nakuaya kanakujitsia ema, baitsi jota itsa apo ama tüpa baja pona. ⁸ Anija tomara akueyabi pa mata morabeje natsijepa beje pe apaenejja mera, itsiata apo jume kajününütsi. Itsiata pa jjamü apo pana viabümü jjamü javaberena, tsipaeba SEÑOR NÜ. ⁹ Jjanü tajuitajü pita tsajawi jawata pulukua penatsi. Ne ubijawanü, nija viñedos (uva) bakabonü, higo naenü, olivo nae bakabonü, tübü werena dajjita. Etsiata apo pane jume rowünütsinü, bajara palivaisi tsipaeba SEÑOR NÜ. ¹⁰ Jjanü itorobajü tübü monae pakuenia Egipto. Jjanü beyejbaje nija pewajuawi espadata nija caballos daji kapona, tujju tsabia rutaje nija tomara boo tujjuneme, Itsiata apo pa jumetaenü jjamü jawaberena, paliwaisi tsipaeba SEÑOR NÜ. ¹¹ Jjanü tabüjianaje tomaranü pajjamü jawata, pa kuenia nakua ejjnaen*u to tajuita be ta Sodoma Gomorra. Najüpataba be itsoto petsiwi jawa isoto. Itsiata apo pana viabimü Jjanü jawaberena, bajara paliwaisi tsipaeba SEÑOR NÜ. ¹² Bajara itsinü tsane Jjanü piayai kuene pataename pa jjamü, Israel; itsinü tsane piayai kuene pa jjamüta, ¡jjania baja pataename pane yapütaenejja nakü ejjanaenü kuene, Israel! ¹³ Baitsi baja, taema, bajara ponü ejjana petsuto unuanü jovibonü ata ejjana, naja matabü kuene itajüta jiwi jawabelia, yamatakabi ejjana merawi kujinae, tajjuna nuka ira ta, wajjabütsaü SEÑOR NÜ DIOS pewünü.