¹ Pa jumetaema SEÑOR NÜ jjua kuikuijai pa jjamü yabara, Israel tomara, dajjita monae jjanü pa jiwiyo beje Egipto ira jawa werrena karrenanü. ² Jjanü paka itapetatsi, pajjama pa ira jawata pane jina wanapaewi. Ajarra jjuijitsia, Jjanü paka castiga bianatsi panija nekoni yabara. ³ Najua pana jitsi pabeje itsa apo naja matabü jüpaebeje? ⁴ ¿Jjürrü jjürrü jai tsipae león unuta pakujinae apo jjainae? ¿León nakueta jjurrü jaitsipae itsa apo kanukae pe mujjurrai? ⁵ ¿Japae jitsipa pe punaenü pe nakakubü panata ira ta petsi jju rutsine watji? ⁶ ¿Najumetsipa trompeta tomarata pejina wanapaewi apa tjünü tjünü jai tsipae? ⁷ SEÑOR NÜ DIOSO itsa kuene apo itsi tsipae mata pania pija siervo tsipaeba profeta monae. ⁸ León nü apo fiabi, ¿Ipatsa junawi jitsipa? SEÑOR NÜ DIOSO kui kui jai, ¿Ipatsa apo profetizabi tsane? ⁹ Pa jumai itsimurre pa jumenü Asdod pija boota Egipto ira nakuaya, pa jumaitsi murre: Pana kae tuarre pajjamü Samaria unuta piyai kuenia apo na jume yaputae pijinia nakünü pe liwaisita. ¹⁰ Apo yapütae pa kuenia pejjania kuene pe ejjanae nejja, pakuenia jumaritsi SEÑOR, pa monae pe bisia kuene natsi mata tsinü itsi pija ba kuata pa nabe liwaisi jjaina. ¹¹ SEÑOR DIOSO jumaitsi pane kueyanü mata toyarrotsiana panija iri. Paka ta pa panetsia nika pane mata toyorotsia karranatsi jawa paka wekua natsiana pane jjainae jawanü. ¹² SEÑOR NÜ jjua jumaitsi: pakuenia pastor wekua pita leön pe kuibo wekua anija tajjuyabeje, pe mujjuya epato oveja, ajarra pa kuenia Israel tomara Samaria jawata pe jina wanapaewi, pakuenia sofá epatoyo, eama epatayo paka itsi tsane. ¹³ Jumetaema yajawa taniji jamurre jamurre Jacob, pija boo jawabelia, SEÑOR NÜ DIOS pakuenia jumaitsi, ejército pija Dioso. ¹⁴ Pa matakabi jjanü castiga bianajü Israel penekoni, Jjanü ata castiga bianajü Betel pija altar. Jjuanü altar jawata rubena ajarra jjuanü ukubiabianajü otjo paena ira belia. ¹⁵ Jjanü kayabiabianajü pa boonü pa itsimü emarra paeta pijinia waita. Marfil pe itsi boeta apo boonü ajibi tsane. Pakuenia jumaitsi SEÑOR NÜ.