¹ Marru jjua SEÑOR NÜ jumaitsi: "Akueyawi jjua beje pebisiujawe, Pe ejjanaejawa Moab, cuatro (4) jjua beje ata, apo ajibi ejjanenütsane pena nekanitsi jawa, tsipaji bajara ponü tajuita rey nü Edom pijinü ² Itorobia najjü isoto Moab jawabelia, weria juwiana pejjai naejawa Queriot. Moab tüpaena pena mata tsupatsi jawata, pewawajai jawata pena jumetsi jawata trompeta wunüjawa. ³ Jjanü werebianajjü juez nüünü bajara jota, benajüya jawa pewajüawi, jai SEÑOR NÜ. ⁴ Mara jjua jumaitsi SEÑOR NÜ akueya jjua beje pe janaejawa pebisia jawa Judá, cuatro (4) jjua beje ata, apo ajibi ejjanaenü tabejia bitsi jawa, tsipajji bajara pa monae jume aeba piaja liwaisi SEÑOR NÜ apo janiawaetsi piaja kuene. Pena jumetsünütsi jawa wekua na mujjufeba, pa jamatabü kuene pajja jiwi ata pona. ⁵ Jjanü itorobianajü isoto Judá jawa berena tajjuena dajjita Jerusalén. ⁶ Majjua jumaitsi SEÑOR NÜ akueyabi jjuabeje pejjanae jawa pebisia kuene Israel, cuatro (4) Jjanü beje ata, apo ajibi ejjanaenü tsane pena nekonitsi jawa tsipaji bajara pa monae kanajeta itsa kuene apo pe ejjanaewi pata ta nejja pena mata wenonaewi pena tajju jatatsi jawa. ⁷ Bajara pa monae tajjuna nonoba pemataboko bepejiobiwi pa kuenia jiwi bu tajjünanonaba irajawata; bajara pa monae natsi püjjuaba tajü pe kueranewi. Jiwitonü pajja yajawa barrü majjita kae pejjanawa pajara pe kuenia abeje ejana ta pejjania wünü. ⁸ Bajara pa monae bo benaabiaba alturju mata pena jjatatsi jawa yajawa be pena jutsinejja, piaja buta bajara pa monae piaja dioses wi opa vinoranü pa monae baja nanekonitsi ejjanatsi. ⁹ Bajara pakuenia, were biabianaü amorreos wi peitabünejawa, pia piajawa be pe apia jawa cedros nae; bajara panü asaü beje be robles. Bajara pa kuenia, werebiabajü pe kuai atjübüyo iriyo yajawa. ¹⁰ Pake barürenatsi pa jjamü Egipto ira werena paka barü pona ponatsi cuarenta (40) pa waibeje petsewi ira jawata ta pitsinejja piaja ira amorreoswi. ¹¹ Itorobianajü pia ta nejja panejji nazareos wi nejja pewa jjüawi. ¿Bajara pa kuenia jiwi Israel pijiwi? marra jjua pejumaisi jawa SEÑOR NÜ. ¹² Itsia pajjamü pa jejai ejjaname nazareos wi pe apae nejja vinara itorobutsi profetawi petsi paebi yaniwa. ¹³ Pa taema, Jjanü paka katarrürrütsianatsi pajjamü be pe yanata pe wünü kaejawa pona pa kuenia ba katurrürrüe itsajawa. ¹⁴ Pe kuene bitsajinaejiwi apo namata jjünae tsane pe pane pae jawa; pe asaü beje jawa apo na saü itaüjutsi; pe itorobinü bitso pia jakuata apo naka pane paetsane. ¹⁵ Bitsabi pejjainaenü apo jamatabü saü; pe kujirae jinaenü najatsiaya pane paena, pe kujinae jinaenü jinete jumata apo naka pane pae piaja kuata. ¹⁶ Bajara pakuenia pe aita tsaka wajabi tsaünü pane paena jumasa bajara pa matakabi, marra pejjumaitsi jume SEÑOR NÜ.