¹ Palivaisi yapütaya ejjanatsi Amós Israel pijivi yabara, oveja peevetsinü Tecoa javata, rajutsi majitsinaebota, bajara ponü rajutatsi majjuaje Uzias peevetsi matakabi, Judá piji rey nü, pijinia peevetsi matakabi Jeroboam pejjünato Joás, Israel piji rey nü, pakujinae abajjü sajina anija vaibeje terremoto pejuabinejja. ² Bajara ponü jumaitsi: SEÑOR NÜ jjuru jjurujai tsane piaja tsuto java berena, bajara ponü navajai tsane Jerusalén java belia kujinae. Oveja petoo ubijava too nionaenatsi oveja peevetsivi; Carmelo unu jjaneto matatu nionaena. ³ Ma jumaitsi SEÑOR NÜ: Tres (3) pane konibeje yabara Damasco, cuatro (4) panekonibeje ata, jjanü kajena nanekonitsia ejjana nejavanü apo kopatsinü tsane; tsipaji bajara pamonae ira katitika Galaad hierro pekatitikae javanüta ira. ⁴ Jjanü tsitorobianajü isoto Hazael piaja boo javabelia, nejjata yatajuenatsi bajabitsau pena matayobi boonü Ben Adad piji bajabitsaü. ⁵ Jjanü yabaüpa tojjobia jjuabianajü Damasco pijinia beya jjua bianajü ponü pona pona Bigat-aven, pijinia ponü yanakua evetanuka bet Edén. Aram tomara pijivi napekonitsia kaponaenatsi Kir javabelia, jai SEÑOR NÜ. ⁶ Ma ra jumaitsi SEÑOR NÜ: Tres (3) panekonibeje yabara Gaza, cuatro (4) panekonibeje ata, jjanü apo wekua ajibi ejjanaenü tsane piaja nekoni, tsipaji bajara pamonae kopena nanekonitsiaya dajjita tomara pia jiviyobeje, perajutsinejja Edom javabelia. ⁷ Jjanü itorobianajü isoto penaya karanatsijava Gaza pijivi, bajabitsaü pena matayabibenü totajuenatsi. ⁸ Jjanü ra beyajjuabianajü ponü pona pona Asdod javata ponü pijinia yanakua eveta pona pona Ascalón pijinü. Jjanü Ecrón pijivi ata tsimajjü ponaenajü, filisteo yajavünü nakopabivi ata werewerekaena, jai SEÑOR NÜ ⁹ Ma ra jumaitsi SEÑOR NÜ: Tres (3) panekonibeje yabara Tiro, cuatro (4) panekonibeje yabara jjanü apo kopatsinü tsane nanekonitsia ejjanae nejavanü tsipaji bajara pamonae dajjita tomara piji jiviyo beje rajuta Edom java belia, bajara pa monae apo yapütae peto najume kopatsi livaisitsi benakae monae penataenejja. ¹⁰ Jjanü itorobianajü isoto Tiro pijivi pena yakarantasi java javabelia, too tajuenatsi pena matayabi boonü. ¹¹ Ma ra jumaitsi SEÑOR NÜ: Tres (3) panekonibeje yabara Edom, itsajume cuatro (4) ata, jjanü apo kopatsinü takananekonitsia ejjanae nejja, tsipaji bajara ponü bajara naruta espadata piaja monae pebe nejja verebaba itajuto tsania ta enejava. Pia naepaude kobejjae kajena jjürü jjürü jai dajjita matakabi kanakujitsia pebara anae pana ejava tsiteka dajjita matakabi javabelia nejja. ¹² Jjanü itorobianajü isoto Temán java belia totajuenatsi piaja palacio Bosra. ¹⁴ Jjanü itorobianaju pitarunitsi isoto penaya karatsi javabelia Rabá, veriaja viana palacio nü, kae vavajai tsajjuabi penabe javata jovibo tokioto jjanetonü piayai matakobi. ¹⁵ Peyanokua evetsi nutsi nanekonitsiana bajara ponü peyajava evetekaevi ata, jai SEÑOR NÜ.