¹ Mae moli tatou ge tau vale tomi la vulovulo ale kama taritigi,mae la vulovulo la vasigolola,la gabutala barabarala mela vakarala ale kama sesele. ² Mae guliki ale egite pigo alaba egiteu,masaga pepeo ge ausu,emege Vitolo ile la vakarakarala tela Uru,Tela gauru alele emege vaivagari la tautaulailo taume soio tela Uru. ³ Mae eme gabu umitia mae laUru eia tartigi soio taume. ⁴ Gomai te Iesu laUru ere eia la voo la maulila ale la valalua kama masagea,eiala moli,laUru eia rovitia mae la vo ale la mapala auru sesele soio tetala. ⁵ Amutou tai mae la vo la maulila,laUru eia tau vaikapopo tia ge vaimagiri la luma la kalulu,mae eia ge sibitala mae pris ale maroka,ge vaisibitala la vabila tela valalua soio telaUru oilo te Iesu Karisito. ⁶ La vakarala tela Uru ea vei mae:ilo Saion eau vaimagiri la vo la matoho ale eau ilevi,ere ge tautaulailo tetala,kamage maela. ⁷ Mae moli la ilovutila tela Uru ea pou taume ale tautaulailo tetala,eala moli,te giteu ale kama tautaulailo,la vo ale egite la valua la vuloku la luma kama masagea,sibitala mae la muluga la vo ale tartigi sesele. ⁸ Ma ea sibitala mae la vo ale la valalua tupoipoki me boruboru oio vola.Egiteu boru ala vula egiteu kama rere muli la vakakarala- lauru ilevi egiteu ge tilimulia. ⁹ Amutou lauru ea ileviti amutou,ge mae egiteu e pris,lavalalua ale maroka, lavalalua tela Uru,ge valolo la papaga ale tartigi tela Uru ea tola ti eme loio tela marasala la matagaga. ¹⁰ Mamuga sesele,amutou kama rovi la Uru,ealamoli Igoe amutou roviti la uru,Pala amutou kama rovi la gilogo,alamoli igoe amutou rovi ti la gilogo. ¹¹ Tabarabaragu,eau ilo amutou mae la valua ale loio la ba isa polo,eala mae amutou ge piligi la vulovulo la vovo ale vaikokue vaikapopo mela kalulu amutou. ¹² Eme ge veipala la vulovulo ale tartigi kabili te giteu la valua ale kama rovi la lauru,e gite ge igo bara eme mae la talo la iruru,eala moli e giteu ge ilo la igogolu taume ale tartigi ma e giteu ge vaisale la Uru tela imamala Iesu ge beu rivula. ¹³ Bole vauru la isa le Iesu la uru,tili muli lavakarala tegiteu la valua me tavivile ale mata mamuga,ma tilimuli tai la vakararala te Suara tale eia taola la vagagari ale auru. ¹⁴ mae tai la mulugaluga tela maututula egite bataroti egiteu somai,ge sautola egiteu ale vaisibitala la vulovulo ale kama taritigi,me vaisale egiteu ale igo la vulovulo ale taritigi. ¹⁵ Tale ea la masagala tela uru,mae oilo tela vulovulo ale tartigi,eme ge magiri robo la vakarala ale kamakora tela valua ale pauaua. ¹⁶ Mae la valua ale maramara,umala igo igo la vulovulo ale makora, eala moli amutou ge mae la valua la igogolu tela Uru. ¹⁷ Togo la valalua tomi,masaga la valalua mae tabarabaramu,Taga la Uru Togo e suara. ¹⁸ La Bilala,vaibaisi amutou lotalo tegiteu la uru tamutou mela tilogo.Kama lotalo moli tegiteu lauru moli ale makoukovu me tartigi,soio tai te giteu ale kama tartigi. ¹⁹ Ea tartigi taume ge momoge,me ge gabu la iligi vaikapopo mela tovo laila mela iti kumula tale eme rovi la Uru taume. ²⁰ La mapa ale mave eme ge abia mae eme igo lairuru ma vamuli eme ge aga taroa ?Eala moli ere ale gabu la iligi tela vulovulo ale tartigi,ea ge momoge tale la Uru ea ge abiala la isaisa. ²¹ Me la vula la Uru ea tola eme,lavula e Karisito ea gabuti la iligi ile me.Ea mae la tilovo somai taume vea eme tai ge tilimulia. ²² Iesu kama igo isa la iruru,ea kama vasigolo tai la valalua. ²³ La imamala la valua igo barea,ea kama kolia.La imamala egite masaga ge bilia,ea kama kolia,ea tau la maulila tetala soio tela Uru. ²⁴ Iesu ea bole la vulovulo gatou ale kamakora tela vovola oata tela tauvalautu,lavula tatou ge sibitala alaba tela maulila tegatou, tela la iligiligi ale ea bole ti tatou maulila. ²⁵ Amutou mae la sipsip ale kokovuti,ea la moli igoe amutou beu rivutia somai te Iesu la talo la vaibomuli la sipsip ale tartigi ma tela maulila tamutou.