¹ Oilo tela gauru alele,amotou tavile ale vaipuli amutou ge pou lotalalo te ararua mutou.Igo la vulovulo ale lavula lavalalua isari kama tilimuli la vakarakara tela uru.Egiteu ge beurivua soio tela uru tela vulovulo ile rurturu geteu. ² Egiteu ge ilo latavulovulo ale tartigi mai la tiagiteu ge momoge. ³ Amutou umalage veipala lavulovulo ale tartigi ogala mae la silaki laivu,lavo la vuliti. ⁴ Ouka,lavai tokoromola ale sese ea oilo la tiamu,la vaitokoromola ale ge pou taba ea lapou lamakovula oilo te kalulu la marokala,Ea tartigi tela uru. ⁵ Egiteu tavile ale matata palati egiteu tautaulailo tela uru egiteu sugutaro lamaulila tegeteu soio te ararua egiteu. ⁶ La gauru moli alele,e Sera ea lolo la vakarala te Abram ma eia tei e Abram mae lauru.Eme tai ge mae latule Sara,mae eme kamage matau ala lamoli eme ge igo la vulovulo ale tartigi. ⁷ Tela gauru moli alele,amutou la valalua ge pou vaikapopo me ruturutu mutou vaikapopo mela gabutala ale tartigi mela gabutatal,lavula egiteu tavivile la vagari giteu ouka.Amutou ge igo la vulovulo ale tartigi soio te ruturutu mutou,lavula egiteu tavivile tai ge abi la mauli sosou.Amutou ge igo la vulovulo ale,ea kamage magiri robo la kilaka tamutou. ⁸ Ge vaikaluvu la vakarala,amutou tomi ge taola la gabutalala isasa mela masagala mae taume tabarabara tela tia mutou ma vaibaisi amutou. ⁹ Umala kolikoli la vulovulo ale kamakora.Ala moli vaibalava, egiteu lagima tamutou,lavula eme ge abi la vaibalavala. ¹⁰ Emere isa masaga lamaulila ale tartigi me ilo la imamala ale tartigi umala em ge tei la vakarakara ale kama tartigi.Egiteu ¹¹ ge poke taro lavulovulo ale kama tartigi me egiteu ge igo la vulovulo ale tartigi.Eia ge pamuli la gauru la veipalala vulovulo ale tartigi me la tia malmalu. ¹² La Uru mamata egiteu lavalalua ale matata,mae eia alolo la kila ka tegiteu. Eila moli la Uru kama masaga egite lavalalua ale igoigo la vuluvula ale komakora. ¹³ Ere ge igobara eme ,mae eme masaga ge igo la vulovulo ale tartigi? ¹⁴ Ala moli,mae eme ge abi laitikumula tela vulovulomu ale tartigi,eme ge abi lavaibalavala.Umala tataga tela rova lavalalua tata gea.Umala ili burukoruko tela paga isasa. ¹⁵ Ala moli abi Iesu la Uru taume mae eia la paga ale tartigi sesele.Eme ge raragi tela imamala tomi ge koli latilailai tela valalua ale masaga ge rovi latautaulailola taume.Eme ge vakara makovu soio tegiteu vaikapopo me lavulovulo la baisila. ¹⁶ Eme ge taola lagabutala ale tartigi loio tela Uru mae ere masaga ge igo bara la maulila taume ale tartigi oilo te Iesu egiteu ge maela,lavula eme kama la talo ale igoigo la vulovulo ale komakora. ¹⁷ Eia tartigi mae,la Uru ea masaga eme ge gabu laitikukumia,tela imamala ale eme igo la vulovulo ale tartigi kama lavulovulo ale komakora. ¹⁸ Karisito eia latalo ale matata, eia moli eia bole laitikumula temiteu la valalua me tavivile ale kamakokora. Karisito peo tela vovo ala moli ea mauli tela kalulula. ¹⁹ Tela kalulu,Karisito eia goio valolo soio tegiteu lakalulu ale pou tela kilisi. ²⁰ Egiteu ale putu gale lava karala tela imamala la makovula tela Uru a poutali egiteu tela imamala te Noa,tela imamala alele e Noah pui e velo.La Uru suli- ivalu moli loio tela lalalu. ²¹ Lalalu ea mae la lulu la vului.Lavulai ea kama tela abi lele lavulovulo la valua ale kamakora.Ala moli e mae la gabutatala la vatetelila soio tela uru-tela ilitirivu le Iesu Karisito. ²² Karisito eia pouti tela lima la Uru.Egiteu la angelo vaikapopo me egiteu la valalua ale taula la isaisa vaikapopo me egiteu la talo lamapala tela maututula ge pou lotalo tetala.