¹ Pita,labilala te Iesu Karisito, ago la vakarakara soio te giteu la mosi ale la Uru ileviti,egiteu oio la maututula e Pontus, Galasea, Capadosia,Esia me Bitania. ² Timulia la vula gabutatala-la me la ilevi te tamagatou la Uru,la kasoso le Iesu Karisito ale pagegeleti,va alaba la valalua, vea egiteu ge tautau lailo te Iesu Karisito. Lagilogo me la tiamalmalu ge volu oilo taume. ³ Abiala la vaisalela me la momogela ale auru sesele soio te tamagatou la Uru, Iesu Karisito lavasalela,tela maulila ale alaba oilo te la pileo mela la iliti rivula te Iesu Karisito ale abia gatou la maulila ale sosoula oata la ilololage. ⁴ La mautu la mauli sosoula ea raragi oata la ilo lalage, la komakokorala ouka ea marasa pepeo la mumugu ouka, la kaluvu la mautu ale ouka. ⁵ La vagagarila auru galiau robo etatou a le tautaulailo te tamagatou,la vagagarila uru suli etatou ge abi la mauli sosoula,vamuli te la pileo tegatou. ⁶ Tatou ge momoge tela maulila ale tatou ge goilo tela itikukumula ausu, alamoli eme ge magiri vagari oilo te la Uru. ⁷ La itikukumu la tovo lalai la tautaulailo tegatou oilo te Iesu.Magari vagari oilo te Iesu,vagotalo la itikukumula tale eme ge abi la momogela vamuli,mae moli egiteu selu la maratatila voo lavuliti te la avi ge abi la seselela.Ale sibitatala mae la tautaulailo taume ge vaisale la marasa me la tilogo tela vailo matagaga te Iesu Karisito. ⁸ Eme kama iloa,ala moli eme masaga gea. Tato kama iloa igoe,Ala moli eme tautaulailo tetala la momogela mela vaisalela aru sesele. ⁹ Igoe,eme abi la mapala tauataulailo taume, la mauli sosoula. ¹⁰ Tela maulila a le,egite la profet tela Uru vei mamuga la vakara la gilogo te la Uru somai tegatou,mamuga tale, egite igo la patomulimulila ausu mamuga me la tilai tela veipalalala. ¹¹ Egiteu tovolalaia ge patomuli la imamala tela gomai teta la kalulu le Karisito taumatagagea oilo te la pileo me la iligiligi te Karisito me la marasa ale ge tilimulia. ¹² La Uru vei matagaga agiteu, vea egite kama igogolu tegiteu to,tegatou la valalua, lavakarakara ale tatou loloa igoe,la Uru baea sotalo tegiteu la bilala vaikapopo me la vagagari la te la kalulu la Uru.Egite la angelo tai masaga ge rovi la papaga ale. ¹³ Va alaba la gabutatala-la taume, raragi ge tilimuli la tilola te la Uru.Raragi la maulila taula gabutalala me la masagala oilo te Iesu karisito sekela. ¹⁴ Mae egiteu latatu ale remulimuli lolo la vaikarala tela uru,umala lou beurivu tavu la vulovulo alepala. ¹⁵ Mae la talo la marokala tola eme,la vulovulomu age maroka. ¹⁶ lailagolago vei mae,''emege maroka mae,eau maroka.' ¹⁷ Mae,eme tolatavu e tamagatou la talo ale ge ilevi laigogolu tegatou me la sesela,tilimuli la gauru taume me la ti logo tela imamala tomi. ¹⁸ Eme rovia ea kama lavo la vuliti ale lauru abi rivuti etatou loio tela vulovulo ale kamakora e tatamagatou tovo ile tatou. ¹⁹ Ala moli lauru abi roviti etatou tela maroka la kasoso le karisito,mae latu la sip ale maroka. ²⁰ E tama gatou la uru vaipou e karisito mamugati,vamuli eia vaipou la maututula igoe etato ilo vuti la seselela vakarakarala te la kaluvula imamala. ²¹ Oilo te karisito tatou tautau lailola te tamagatou lauru,ale vailiti rivu e Iesu tela pileo tetala vaivagari etatou ge tautaulailo moli te tamagatou. ²² Eme va alaba la kalulu te la i roromulimuli la me la tautaulailo te la seselela,eia a biam la gilogo,ge gogo la valalua tomi tela tiamuto tomi. ²³ eme sibitala alabati oilo te la vavua la kalulu ale mauli,lakaluvula ouka oilo te la vakarakarala tela Uru isasa moli. ²⁴ Lamaulila tela valalua mae la garasi la marasala mae la vavua la purpuru.La garasi ge magoru me la purpurula ea ge peo. ²⁵ La vakarakarala tela Uru la kaluvula ouka.La valolo a ale tartigi eau valolo tila soio taume.