¹ Eniko Kontrak matangae laialanga me lagol ke napavulnga.Me nania ke napakilalanga talo knge. ² nania tia ke napakilalanga ire tikelke.Knga navovo matanga natoto ke noul, me nanga ke namamatanga ke einge knga napano mania tia tipate navovo napatopnga. ³ Me kirimenga knge namalo taio navovo tia pau luila knge tipate"Navovo nalnge ngata." ⁴ Nasomolong tikaine page gol ke narounga navene kunia puk, elo knge navovo, nakorol motnge tiruke page gol.Matanga talo ilulu knge, me natoto ke Aron,muga isalul me napotngare lua tigeigei ke nangonga sangaul knge. ⁵ Eilut knge nakorol awa, Ensal lua annunre tarilo me voere tiruk alale nakorol awa. Ensal lua tarilo knge napano mania lo,ealikoko iau isou pa so nakeve nangonga tiea paga navulnga eriko avo. ⁶ Eimul ke titol puare navulnga, ke naesiposipo ire Pris tila tilu knge navovo matanga go mange so tikeve reurata. ⁷ Knge nalai teatea Hetpris ie tawaange ngata ila ilulu knge Navovo lua page lo.Me ila sapaavo.Ie itoke natepo me ila ilu ke ikeve nategainga so irulmake nasagula kie me kire awainge matare ikonopua avome tikevire io. ⁸ Anunia nalnge iunakita vileko,nasau elo nania ke napakilalanga talo,ita rorora ke tala talu ke nania napatonga ipot mange avota. ⁹ Eko iwai nounaknga so iunakita panga navulnga sotipot ke nasau iko.Navalulnga me natengainga, ire tikeveve ila ke Natavolo,isou so ipenpenre ire natamtamaol irelo tikeve napavulnga lo relmore evo,eta ire tiwotai vileko so ire tikeprau avo. ¹⁰ Naialanga tarikok tingongo page nanga me na ko me paunga nangol gegegia ke ikevire awainge tipot nalgare.Ire tipavul panga navulnga ke potira golem.Ie ikeve naialanga pagire awaienge sot tiwatae ila ise knge naetne ieitol puare navulnga vunoienge. ¹¹ Jisas Kris imai paua o me iwai Hetpris panga navulnga vunoienge tipot apua o.Ie ila knge nania nalnge ngata me ila ngata page nania mugange. Nania talo ire natamtamaol tikaine page vagere avo pa easae,me nania talo eio nania ke natatano avo. ¹² Natepo eko ke meme mebulmaku avo,page ie tepua volem ie ila ilu ke nania ke napavulnga pa tiavolem.Me ie ikol muleita page nakolnga emoronga avo. ¹³ Soge ire awaintge erimuro panga nagol siangare ke Natvolo mate,eta ire pris titoke natepo ke meme me bulmakau me nalua ke bulmakau onaunange metitok tare page.Ire tikeve vilelo so tipot nalngare. ¹⁴ Me Jisas Kris tepua eio ila ngata panga navulnga eriko.Ie ikep rau avo me page napavotvonga ke Anunia Nalnge ie itengai mule iwai natengainga mamatange ila ke Natavolo.Me ie tepua ikaine potira ipot nalnge avo.Ie irulmakire ragol siangare ta vunoinge ko metasio nalgara knge Natavolo mate. ¹⁵ Me page pua enilo Jisas Kris iso naloulou knge Kontrak paua.Page ie lamatenga, irulmakire nasagula kire natamtamaol tigingin vulolo knge Kontrak paua.Me ie ikavare neiol einge so titoke navulnga ke namamatanga igingin. ¹⁶ Kontrak iwai natamtamaol teia ikim so itole knge nalaulau so iunak vileko so ie imate,pa lamelamela pa titokore navulnga ta kie lo.Matanga ke ire namelamela titokore navulnga,sovaio ire tinal popue so tamare imate o,eta itolre ¹⁷ navulnga vunoienge ke lamelamela vagia.Pa eisae,natamtamaol relmua ikeve Kontrak ipot onaunange page naetne ke ie imate.Meso natamtamaol ikeve Kontrak imamata ta,ieo Kontrak enio ule avo. ¹⁸ Me Kontrak matanga eio votvot pae naetne ke tikeve natengainga panga narago tepore. ¹⁹ Page naetne enilo Moses ikeve naialanga pagire awainge ,eio ir itoke bulmakau unaunange tepua,me meme,me nako me naolo kilkilwange me Hisop.Me ei itilaklake natepo polpolia knge buk me kire awaienge. ²⁰ Me ie ipavul,''so eko natepo ke kontrak Natavolo ikeve pagami so awatae.'' ²¹ Me page nagol tingeia,ie itilaklake natepo polpollia eilut knge navara me natika me navulnga ke napavulnga. ²² Me page nagol eniko,natepo volem ikevire navulnga vunoienge tipot nalngare.Meso narago tepore timotok page naetne ke nateainga,eio Natavolo iso so irulmakire awainge eresagula avo. ²³ Navulnga eio knge navaraio,eio iwai nounaknga volem panga navulnga elo Gulvek.Me ire titoke narago tepore so tikevire navulnga tarilolo tipot nalngare pau knge Natavolo mate.Me ke ikevire navulnga erilo tigingin Gulvek lo tipot nalgare,me sevaio natengainge nalnge tea ilangata page natengainge mugange ke narago. ²⁴ Jisas ila ilu knge Navovo nalnge ngata soknge natemtemaol tikaine page vagere avo.Eko nanun ke nania onaunange ngata ke Gulvek tiavo,Kris ila ilu Gulvek me imari knge Natavolo mate. Ie ipot iwai naloulou pagita. ²⁵ Knge nalai tiatia Het Pris itoke natepo ke nategaiga me ila ilu knge Navovo Nalnge ngata.Me natepo elo itoke lo kie ngata avo.Me Jisas ikeve vileko avo.Ie ila Heven so ikep mule iwai natengainga ila ke Natavolo.Me ie ikep toitoikeavo. ²⁶ Soge ie ikep toitoike,popue so ige nakarkarnga toitoi pau,talo matanga Natavolo ikaine natatano la imai ise eliakoko. ²⁷ Awainge timatepa tiavolem, me eimul ire sevaio timare knge Natavolo mate. ²⁸ Iwai taio kris itengai mule iwai natengainga page Natavolo ke irulmakire nasagula kire awainge.Palua pae epa imai pau eimul eio imai ke irulmake nasagula tiavo.Me ie pa imai me itoko mulere natamtamaol seime tiroge.