¹ Nangonga matanga takeve ilao,eo vileko, engonga remua so ita arava Hetpris tia popue ngata tanilo imate gulvek knge Narenren ke Nasarara lautave vagia otai. ² Me ikeveve lourata pris ke Natavolo lania mot,soknge Ie ikain ngata me natamtamaol tikaine avo. ³ Ire hetpris ta neigurainge ko ire reurata ke tikeveve natengainga me ofa matematere pa Natavolo.Eta Iesos pau Ie sevaio lavunga tia ke ikeve natengainga page pau. ⁴ So Iesos igingin tatano ,eio ie iwai Pris avo,pa eisae,Pris tako mot seie ikeveve natangainga iwai naotolnga ivul. ⁵ Ire tikisike nourata Pris ke napakilalanga enia siko tatano,eneko iwai nounaknga elo gulvek.Eta iwai Natavolo ipangongoe Moses,lawetia ie ikimso igolegoleke navara,eio sevaio kuleilei pue me kuatapopue page elomolomo eio iau nounake iom page knge nalolo. ⁶ Me eliakoko Iesos itoke nourata pris i pairilekire pris terenge pau, pa eisae, Ie iwai naloulou ke i pavotvote kontrak paua ie imari eilut knge nangonga navuknga. ⁷ Kontrak mugae so popue kngata, eio pa kontrak paua tiavo. ⁸ Pa eisae Natavolo ileire nasagula kire awainge Eiota ivul, Einge ivul,alongo, Iau mataktoue naetne tiao so pa nakeve kontrak pawa ilupire Israel me Juda. ⁹ Kontrak eko tingtia pange nakeve pagire tivumime pae laue mugalo avo iwai nakevire tipot elo Isip.Ire tiwatae nangoga navuknga tiavo,eta iau Eingak napul rimek pagire. ¹⁰ Kontrak paua iau nakim so nakeve pagire Israe eio vileko.Iau navul vileko pa natole langonga knge kurire me knge remore. Me pa napot Natavolo kire me ire tiwai iau lektamtamaol. ¹¹ Eta ire natamtamaol tisou so tipautaire reniapua me waere me tivulso,"iami sevaio aotai Einge," awainge pa tinal pagau ,ire sapasapa me ire erepasis. ¹² Eta Iao remok popue pa gire me naguloman la matak sopkire eresagula. ¹³ Page nagonga"Kontrak paua ,"ie ikeve kontrak matanga e ipot mugangeo. Me navunga ipot mugange eio so ikaura me isolia ngata.