¹ Melkisedek ie, Nasarara ke Salem, me ie laoia ke Natavolo eilut ngata,Nasau tia Abram ipalpun la ipamatematengare Nasarara la tikaura ta ilala mule ila ta isosoke roromania ta ikevire napavorounga page. ² Me Abrem ipotare navulnga ie i tokore ke napalpunga me ipotare tipot sangauol me ikeve sangauol page i la ke Melkisedek.Eta tapapule napasis Melkisedek vileko, Nasarara nagol nalnge .Me ie Nasarara ke Salem pau.Me tapapule pau vileko Nasarara nate tawainge. ³ Melkisedek ie tame me tne tiavo,me ie tivuame tiavo.Me ie lava naetne tia ke tne isinge tiavo,me ie laetne tia pau ke namatanga tiavo.Igingin tingtia iwai namelamela ke Natavolo.Ie igingin iwai Laoia nae vunovuno. ⁴ Iami sevaio matami nanake Melkisedek,ie epasis einge.Matanga ngata ita tivura,Abram,ie itokore navulnga nalnalnge ke napalpunga,me ie ipotare tipot tiwai sangaul me ikeve arigia tia ila ke Melkisedek. ⁵ Ire saime namelamela ke Livai seime titoke nourata Laoia,ire waere sevaio tipotare rivunga,ire sevaio matare nanake seie Abram etuangare. ⁶ Melkisedek ie ipot ke narumpua ke Livai avo,me ie itokore navunga arigia ke Abram me i keve ipot napavorega ke Navitnga. ⁷ Eio onauna vileko,navolatia ikeve napavorega ke einge tia,natamtamaol tia itoke napavorega kie ie igingin vulolo kie. ⁸ Saime titolre rounsio pa titokore navuga sagaul me silaua, me ire telai mulere mepa tisio timamata. ⁹ Ita isouso tavul vileko,Livai seime titoke sangaul me arigia me navunga ita taotaie me takeve sangaul me arigia ke navunga, ilake Melkisedek knge Abram vulolua. ¹⁰ Pa eisae Livai ilulu knge tivua me anore,page nasau tia Melkisedek isosoke Abram. ¹¹ Muga ire awaienge ke Israel titoke Lo, Eliakoko ivul me sevaio tikeve nourata namelame me page nourata tametame kire Livai ire tisouso ikevire ire neiwol tipot popuare, pa eisae me Natavolo ipavul page laurata tame tia pa ipot eimul, eio tingtia iwai taio Melkisedek,eio tingtia iwai Aron avo? ¹² page naetnge tia narumpua ke nourata tamatare timapul,me Lo sevaio imapul pau . ¹³ Me page seime navulnga eriko tingongopagire, eio ire seime tikep urata knge Alta avo. ¹⁴ Ita taotai o, einge kita ipot ke naolo ke Juda, Moses ivule alnge tia pagire so tipot Pris avo. ¹⁵ Navulnga nasae iem emvul malamala soge Pris tia pau ipot tingtia iwai Melkisedek. ¹⁶ Eio eilut page Lo ke natatano avo soknge ie ipot Pris, me ipot eilut ke naselnga igingin mot. ¹⁷ Me ipot iwai navotvotnga kie, ''iom pa kugingin Pris nae vunovuno tingtia iwai Melkisedek.'' ¹⁸ Me Lo ke muga eliakoko titol salke, pa eisae, Lo eniko ule ke ipauloita avo. ¹⁹ [Lo ipapot nagol tia nalnge avo] . pa eisae me ie iwoke naroro tia ipot popue ngata ipairileke me naroro eniko, itapa tala towoi ke Natavolo. ²⁰ Ie isou pa ikepsape Promis sapa, avo. Ire terenge pau tipot ke naetne soknge ire tipromis avo. ²¹ Page Natavolo ivul eilut onauna ngata Yesos ipot Pris, nangonga ke Natavolo ivul vileko, ''Einge ivul onauna eilut apuao, ie pa igingin Pris nae vunovuno, me ie ipulpule langonga avo.''' ²² Page vileko Yesos ikeve Kontrak, eio popue ngata me ipairileke Kontrak mugae. ²³ Muga natamtamaol tipot tiwai Pris, pa eisae, ire timatemate me isou pa tigingin tiwai Pris avo. ²⁴ Me Yesos igingin nae vunovuno, ie ikisike nourata Pris me ie arua tia avo. ²⁵ Paso vilelo ie isou ngata ke itoko mulere natamtamaol timai towoi ke Natavolo page ie epasis, pa eisae,igingin me ipavul ke ipaulore Het Pris eniko isou pa ipauloita ngata. ²⁶ Me Het Pris eniko, ieisouta nga ta. Ie esagula avo me ie nalnge. Ie itol mule Gulvek, aluawai ngata pagire natamtamaol seime tikeve nasagula. ²⁷ Ie sevaio ikeve natengainga ke nae vuno muga page ipakaurange ie esagula. Me eimul ie isou pa ipakaure nasagula kire neiwol iwai Pris tikeve mugalo. Tiavo. Eio ikeve natengainga page naetne tia volemnga volem me itengai mule namamatanga kie. ²⁸ Lo ikeve natamtamaol seime ulare avo, me ipot HetPris. me nangonga onaunange ipot eimul page Lo eio ipaunake namelamela natamta.Ie natamtamaol nalnge ngata me ie ipot namelamela lautave ke ipauloita me ie pa igingin volem.