¹ Popue, ngata ita sevaio tangongo page nangonga ke Yesus iwai munga ita tatoke. Ita sevaio tatoke napautainga sokngare kire seima eingare. Eta sevaio tapangun aera kngare nangonga page nagol ke napulnga narelmo, me remora rung page Natavolo me tapul rimera page nagol siagare sokngare mamatangare avo. ² Me tipavotvote nangonga soknge, me page alngare terenge ke nawaliunga, me page navage etolnga ke nakuri, me tikeve nangonga pagire seime timate tila ''o''so tivira mule me tingongo ke Natavolo mate. ³ Popue so ita takeve vilelo so iwai Natavolo ivul popue pagita so takeve. ⁴ Eio isou avo pagire naoguaingare, naiware me natamta seime titoke navavanga ke Natavolo me ire titove natengainga ke Anunia nalnge. ⁵ Me titove nangonga ke Natavolo, me namir ke Natavolo paso eimul ipot mange. ⁶ Me ire timol page naoguainga. Naroro tiapau ke namapulnga pau tiavo.Pa eisae, me iwai ire tipatote namelamela natamta ke Natavolo ke nai gasange pau me tipamamaie ke naiwol einge matare. ⁷ Nasava i top ta natatano itoke nako.Natatano eniko ipapote nanga nalnge, paso natamtamaol tikumo. Eio natatano soknge itoke nagol nalnalnge imai ke Natavolo. ⁸ Page naolo itup ke natatano ta ipapote noura siange, eio popue avo pa towoi so siange, me eimul pa ikan la ikaura. ⁹ Me waime,iem emkeve nangonga kakange eniko page iami saime apul rimemi page.Ie emnal, iami ake pua navulnga I paunake so ie itoko mule iami. ¹⁰ Pa eisae,Natavolo ie natamtamaol siange me i pul rimia page nourata popuare ita takeve page ire saime naoguaiga,tametame me tnetne,me paulo tangtang kire ke tikeve alnge enio. ¹¹ Iem emkim ngata so iami tiatia sevaio avoko ulami me akis rungke narelmonga (naremonga)kiami me aronge nasau tia epa imai ipot iunake so i kepua mi. ¹² Sovaio tapot tawai natamtamaol tolatolangare avo,me ita sevaio takeve iwai ire terenge pau naoguaingare saime reoguainga kakange,me tawainga me titoke navitnga ke Natavolo. ¹³ Page nasau talo Natavolo i vul navitnga page Abram,ie ivul onauna ngata eilut page ie epasis.Page nasae, me tiapau einge page tiavo. ¹⁴ Me ie i vul," iau pa napavore me nakeve narumpua me tivum kirekire pa tipot." ¹⁵ Page naroro eniko,Abram itoke navunga soknge ivitike so ikeve,aimul ie ikisike remua me irok. ¹⁶ Ire saime tikeve nangonga eilut ke navola teia seie einge ngata pagire.Me nangonga epanalnga mugula ke ire lua,ire sevaio tikeve nangonga ailut ngata so tipakakaknge nangonga. ¹⁷ Nasau teia Natavolo ipapote narelmo pua kounge ke nangonga soknge ire narumpua so titoke navitnga kie,ie isoupa i mapul avo.Pa vilelo ta ie ivul onauna ngata eiluke ipakakange ie langonga. ¹⁸ Ie ikeve navunga eniko,page ie isou pa imapul avo.Enio navunga ke Natavolo pa ie ivul onauna iepa ikeve.Eta ita natamta me naiware pa tako tala takou,ita pa matara i wananakire navitnga me taronge iepa i keve pagita. ¹⁹ Navitnga eniko pa igingin iwai anga ke namamatanga kita.Anga eniko ila luila ngata ke navovo napatopnga ngata,kirimega ke namalo soknge tiparere ke temple. ²⁰ Yesos imunga pagita tala talu ke navovo,ke ipauloita page nasae ,ie ipot laoia ke iginging mot,aimul page nourata ke melkisedek.