¹ Ire Hetpris eio ire seime Natavolo matetoure ke tipaulore natamtamaol ke tikeve nourata ke ipakaure nasagula. ² Ie isou so ikeve nourata mosmos pagire me ire seime remore inal avo me ire seime tipokakare me seie vovotvotia ago. ³ Page pua eko,Ie sevaio ikeve natengainga ke ipakaure nasagula kire neiwoleigne me Ie pau. ⁴ Navola seie ipot hetpris,ie epasis einge me isou page itoke nourata page ie taua remua.Avo.Natavolo sevaio ikave ke itoke nourata iwai muga Natavolo ikave Aron. ⁵ Me Yesos Krestos ie pau vileko.Ie isou so ivira pamule epasis so ipot hetpris.Avo,natamtamaol matetoue so ikeve nourata.Ie ivule vileko,"Iom namelamela natamta kiau.Eliakoko napot iwai iom tamam." ⁶ Me ke nangonga lakononga tiapau,ie ivuso,pa iom kigingin hetpris",nae siposipo tingtia iwai Melkisedek." ⁷ Nae talo Krestos isio navola ke natatano,ie sevaio iraring votvot ilake Natavolo,me ie sevaio ikava votvot me itang songan.Ie iwotai,so Ie isou ke itokomule Ie,me Ie isou so imate avo.Ie ilonge napakilalanga kie,pa eisae me ,ie ivul avo page me irounmule page ie.Onauna ie namelamela natamta,me ⁸ Ie ige nakarkarnga ta eneko ipautae ie ngata page nagol ke ipautae nangonga elo ta ige nakarkarnga. ⁹ Eneko ikeve ipot natamtamaol materua tia ke ipautae nangonga la neiol seime tiwatae Ie, eio isou pa tokomulere. ¹⁰ Eio ta Natavolo matetoe me ikeve nourata namuganga hetpris,iwai Melkisedek. ¹¹ Nangonga songan tako ke Yesos, me iem amelie orange ke empaunakami page nangonga pau eko,pa navaio,remomi inal page tiavo. ¹² Iami apot naoguaingare molongata o.Me so isou so avoko ke apautaire tengerepau pa nangonga.Me tiavo.Iami amoro page naremonalnganga. Eta natamtamaol popuare tipautaiami page nangonga ekononga avo.Tia avo.Iami asu ta. ¹³ Ita tanal so ire eriko seime tisu ,erio ire namelamela kaporporia.Eta ire tinal page nagol nalngetea avo. ¹⁴ Me nanga kakakngare eio kire seime natamtamaol tipot eingare.Ire natamtamaol vileio, ire titova salaun ke tikilale nasae popue me nasae siange,ta eliakoko ire tiuotai me remore inal.