¹ Me ita sevaio matara ikono,pavileme ita tapavurusuke navitnga ke Natavolo so tatoke lamaianga. ² Ita talongo naol popue tingtia wai ire neiwol tilonge muga,me nagonga eko isoupa i paulore natamtamaol avo,seime isou so remore tiavolem avo luila ke naoguaiga me tilonge nagonga avo. ³ Ita natamtamaol seime ita taoguai,pa ita isouke tatoke napano ke namaianga,waita ei ivul ,iau pa nounake naosinga kiau,me lagonga onaunange vileko,ire pa isou so tilatilu luila ke napano iau navitke so nakeve namaianga pagire avo,naetne iau napakaurange nourata neigureinge kiau matanga ke natatano. ⁴ Ie igongo knge napano maniatia ke naetne masamelua, lapuata Natavolo imaia pae naetne masamelua aimul pae ie lourata neigurainge ei ikevire. ⁵ Me ie ivul pau vileko, me ire iso pa tila tilu luila knge napano souknge iau aok itole avo. ⁶ Me isou pa, natamtamaol tegere tila tilu lui knge napano namaianga kie. Me ire naiol tegere ke Israel tilonge naol popue,ire tila tilu knge napano ke namaianga avo pa aisae, ire tilonge lagonga avo. ⁷ Me Natavolo matetoue nasau tia pau ke ita tala taluknge napano ke namaianga.Nasau eniko eio,"eliakoko,"eimul ke naetne sogan tila, iwai ie ikeve nagonga page King Davit iwai nagonga igingin muga, "eliakoko so iami alonge Natavolo egol,sevaio akis rungke remomi avo." ⁸ Me so Josua ikeve napano ke namaianga pagire, eiopa Natavolo isopa igongo pa naetne tiapau avo. ⁹ Me naetne tia Sabat ke namaianga kire naiol ainge ke Natavolo takota. ¹⁰ Ire neiol seime timai ke namaianga ke Natavolo,eiopa imaia page nakarkarnga kie,iwai ta Natavolo ikeve kie io. ¹¹ Me ita sevaio ulaulara ke tala talu luila ke napano knge namaianga,me ta isou pa so talongoilil me tapalele Nagonga avo,wai ire tikeve. ¹² Nagonga ke Natavolo mamatange me votvotia, ila ngata page bainat mate lua.Ie isou ke irevo ila ilu mugula knge remora, nanun me navolvol kita.Nagonga tako iwai Jas imari mugula inal pange naremonga kire naiol atere. ¹³ Navunga tia isou pa ikou ke ie erua avo. Navunga neigur tikono mange me ie ileire navunga neigur ita takevire. Ita pa tamari ke Natavolo erua me taliolre navunga vunoinge ita takevire. ¹⁴ Me ita arava Hetpris tako me ie ila ilu luila ngata elo heven,ie Yesos, Namelamela Natamta ke Natavolo. ¹⁵ Eta ita sevaio takis rungke naremonga soknge ita taliliole. Hetpris kita isoupa remua siange me ikewaita, pa eisae,ita votvotira ke taruatae nasagula tiavo.Natovanga songaneinge sevame tipotot kita,eriko songan tako tipot kieo,so titove ie pau.Me ie ikeve nasagula avo. ¹⁶ Eta ita sevaio tamotou avo,me tala towoike Nasarara Larenren me naremosiangaga kie. Ita talakie,paeisae, ie natamtamaol ke naremo sianganga me iepa ikewai ta. Meso ita rava nakarkarnga,epa naremosiangaga kie pa ipauloita.