¹ Waekme ngata iami Seime limikavanga gulvek.Matami nana pau Yesos seie Aposel me Hetpris,ita remote isouknge me taliwole. ² Ie iwatapue ngata Natavolo lagonga,page seie matetoue muga tingtia iwai Moses muga ikepue Natavolo lourata luila ke nangonga onaunange. ³ Napasis einge ke Yesos imuga ngata page Moses,pa eisae, natamtamaol igolegole nania imai imule page nania Ie igolegole. ⁴ Me nania vunoinge natamtamaol igolegole,me nagolvunoinge eio Natavolo ikainre. ⁵ Moses iwatapue nagonga onaunage iwai lourata tame luila ke Natavolo lania, eta iliuole nagonga eimul. ⁶ Pa Yesos ipinoni iwai namelamela imuga page nania ke Natavolo. Ita nania kie Natavolo so takis rungke navunga ke natinigelgelnga me tarok. ⁷ Pa anunia nalnge ivul vileko,"eliakoko,soge alonge egol, ⁸ Iami sevaio akis remomi kute,iwai muga tivumime tigingin knge natovaga einge ke navalim gorange. ⁹ Ke nasau elo tivumime tilonge lekgonga avo me titovauau me page nalai tamta lua tileie legaurata. ¹⁰ Vilelo ta tikeviau atek ipapak ta navul ,luila keremore ila aluai pagau.Ire tiwotae naroro iau matak toue pagire avo. ¹¹ Eta osik pagire me navulvotvot kire vileko,onauna ngata iami asou so ala aluknge nania namaianga kiau avo. ¹² Eta waikme,matami tikono mugula pagami , pavileme tia remua siange me ipulrimia page Natavolo mamatange. ¹³ Apavotvot muleami naie vuno, iretivuso" alavoko",pavileme tia mugula kiami,atia rung page napokakanga page nasagula. ¹⁴ Ita tasio tawai Krais waia ngata, soge ita takis votvotuke nauguainga kita luila kie matanga ke naurata ilake ekauranga. Pa nangonga eko tako,"alavoko so aloge ie aua ,imai sevaio akis rungke remomi avo,iwai tivumime tikeve." ¹⁶ Seie i longe Natavolo aua me ilongoil? eio natamtamaol ke Natavolo seime Moses i tokomulere ke Isip. ¹⁷ Se ilonge Natavolo aua me ilongoil page nalai tamtalua? eio ire natamtamaol ke Natavolo tikeve nasagula, ta timatemate me tikono sapa alelenga knge navalim gorange. ¹⁸ Natavolo ivul pau, ire seime isoupa tilunge napano knge namaianga avo,eio ire natamtamaol sei me tilonge nagonga avo. ¹⁹ Ita tanal so ire tisou so tila tilu knge napano ke namaianga avo,pa eisae me ire remore votvotia page Natavolo tiavo.