¹ Naotolnganga eko natomonainga volem navulnga popue so imai,eio navulnga kire ngata avota.Natamta me naiware seime timai towoi ke Natavolo isou paso tipot popuare page natengainga tea ire lawoia tikeveve page nalai teatea volem avo. ² Pavile me, natengainga eriko pa tikaura ngata? soge natengainga eriko pa tipakaure nasagula me ire napakilalangare pa tipot nalngare page nasagula me lawe tea ire isou paso tilei knge nasagula avo. ³ Me natengainga erko tipapote naremonga ke nasagula ke nalainalai ⁴ Natepo ke bulmakau me sipsip isou paso ipakaure nasagula tiavo. ⁵ Nasau tea Krais imai siko tatano,ie ivul,natengainga iami akime ngata avo,me napoti tea iom kutol mutuke pagau. ⁶ Knge naremonga tea pau,isou paso natengainga ke naringa me natengainga ke nasagula epakosnga iom tinim igelgel page tiavo." ⁷ Me iau navul vileko,"Kuleie, iau namai napot takola,nanngonga songan tikono knge Natavolo lalaulau eio nalnge pagau,ke napotnaie nangonga me nakimnga pagom. + ⁸ Ie ivul matanga,"Page natengainga avo,me page natengainga ke naringa avo pau,avome page natengainga ke nasagula iom kukime, avo me iom tinim igelgel page. Navunga eriko. Eriko eio natengainga taio sevame iwatatae naotolnga.'' ⁹ Me eimul Ie ivul;''Kuleie,iau nagingin eilikoko so nawatae naremonga me nakimnga kiom."Eio ipakaure nagol mugange ke nagingin puanganga me ipapote nagol ke nagingin puanganga pau. ¹⁰ Page naremonga me nakimnga ke Natavolo, iya tapot popuara apua o page natengainga ke Ie anua Jises Kraist ie taua me ipakaurange. ¹¹ Ire Pris timari naetne tiatia ke tikeve nourata ke Natavolo. Me nourata eniko ke nasagula epakauranga ire tikeve eio isou so ipaulo tiavo. ¹² Me Kraist ikeve natengainga tiavolem me ie ipaukaurange nasagula me ie imate knge Natavolo vagia otai. ¹³ Ie tako irokrok me ileire emili so tipot ke ie aia me itole aia eilut kngare. ¹⁴ Page natengainga ie ipaulore narumpua tia seime Natavolo matetoure apuao so kie. ¹⁵ Anunia Nalnge ivul ipot pagita. Page naetne matanga ivul ilao. '' Eniko eio navunga iau pa nakeve kontrak page ire pa nasau eniko,'' Einge ivul. Iau pa natole naotolnga kiau knge remore me pa navore knge kurire. ¹⁷ Iau isopaso remok iwananake me nakisike nasagula kire avo. ¹⁸ Eliakoko pa nagol ke tavul avo page nagol siange kire waiera, eiopa etengainga ke irul make nasagula avo o. ¹⁹ Eiota waiekme ita sevaio tamotou me remora neingur so tala talu knge napano popue page natepo ke Iesos avo. ²⁰ Eko naroropaua ke namamatanga Krais iwoke pagita page ie anua pae naetne elo namalo iale Navovo mate imasasa. ²¹ Pa eisae, ita aravaHet Pris tiavolemnga ileileie nania ke Natavolo. ²² Eta ita tamai remora nalnge me taogua votvot me remora isio popue page naremo siangare eiota nnako nalnge isou pa iwaliuwe anora. ²³ Ita takis puwe nagonga kita me nasae ita remora ikime kie, sevaio tamotou avo,pa nasae,Natavolo ie seie ivul,epa ipapote ie langonga. ²⁴ Ita sevaio atera ke tapeike waera remore ke tikimre waere terenge pau pasoge tikeve nagol nalngare. ²⁵ Ita sevaio takorarange nagol ke naluplupnga avo, iwai ire natamtamaol terenge pau tikeve io avo. Ita sevaio tapaulo songan kire waera terenge pau,pa vileko, Krais lamatenga imai towoi o. ²⁶ So tanal page nangonga onaunange o me takim so takeve ta,eio napaulonga ke nasagula sio avo o. v 27 Soge irone eniko, naringa navinge tanilo irokrok so ipasilange namili.Napaulonga ke nasagula eio anoa avo o. ²⁸ Natamtamaol seime tiwatae Moses langonga avo , ire erio taela timate,me pau page ire lua o tol soge tisasanaie ere sagula. ²⁹ Namaringa ke Einge mate ionge pa iom remom page, ire natamtamaol pa titoke so tivul roune me tipasiange Natavolo Tua me tikeve kontrak iwai navunga sapa me pau natepo soknge ikainre me irulmake ire me navulsianganga page nanun ke naremo sianga. ³⁰ Ita taotae nangonga eko, ''nauosianga me nagol ke napamulenga ke nakepraunga eio kiau.''Me ie ivul pau vileko,''Einge pa itilo nanakire ie latamtamaol.'' ³¹ Eko navunga navinge ke tamotou ke tatavul knge Natavolo vagia ke namamatanga ! ³² Soge remom imule ilamugalo,me so kurim ipot imalamalanga,soge kumari rung me kupairileke nakarkarnga me nakarnga. ³³ Iom pot mange pagire naiwol page seime tirika pagom,ire tivul siange me tikep siangange pagom me iom tilonanake nagol vuno me natamtamaol tigingin knge nakar tingtia. ³⁴ Iom remom siangange pagire seime tigingin knge nania kire nakep raungare,iom tinim igelgel volem so natamtamaol tikep siange me titoko limvunga.Pavileko iom kuleiknge so lemvunga popue me eingare tigingin nae siposipo. ³⁵ Eiota iami sevaio asuruve naoguai votvotnga kiami eniko avo, pa eniko ekolnga abinge. ³⁶ Iom sevaio atem iroun eta kutoke navitnga ke Natavolo so kukep kosuke naremonga ke Natavolo. ³⁷ Nasau towoi imai, seie pa imai kie, eio pa imai towoi me isou so irok molo tiavo. ³⁸ Ire natamtamaol nalngare pa tigingin page naoguainga volem.Eiota so iruamule page naremo votvotnga eio isou pa iau tinik igelgel page ie avo. ³⁹ Me ita tawai ire natamtamaol ke narua mulenga me siangare io avo.Me ita seime takiskisike naoguainga rung me tapinoni pua page atera.