¹ Alavoko naoguainga kita ipautaita ngata pagire navunga ita tarok ke tatokore me pau, navunga erora i leire avota. ² Ita tivurame tioguai, eio ta popue page naoguainga kire. ³ Onauna, page naoguainga ita taotai so Natavolo ivul me navunga neingur ti pot ,eio ta navunga neingur isou ke ti leie. Eio ikeve page nasae taleie avo. ⁴ Abel remua rung page Natavolo ta Natavolo i toke Abel latengainga me Ken avo. Page nasau elo ie ipot popue ke Natavolo mate me Natavolo igongo pua page natengainga kie me Abel imate o, me ie naoguainga kie ingongo ta. ⁵ Enok iwoguaie Natavolo ta Natavolo itoke ie, ta ilaie namatenga avo. "Me ire tikau kilkilke me tiseke avo." Page na sae, Natavolo i toko mule ie o.Nasau Natavolo i toke Enok avota, Enok ie nalnge ke Natavolo mate. ⁶ Natamtamaol iwoguai avo, isoupa i keve Natavolo tinia i gelgel avo.Elo popue ngata soge teia i kim soge ila towoi ke Natavolo ie popue ngata. So natamtamaol i la towoi ke Natavolo me remua rung page Natavolo igingin me Natavolo ikep popue pagire ire natamtamaol Seime tikau kilkilke. ⁷ Pa nangonga volem Noah itoke napanalga page navuga kie ilaie avota, Ie lagol nalgare me ikaine Naoga ke iliwole narumpua kie. I kevilelo lapua ipamatenge namir ke Natavolo eko me ipot nasasa ke nagol nalgare me nagol ke naoguinga. ⁸ Abraham iwoguai, matanga talo ilonge nakavanga me i watae ila ke napano so ie itoke iwai ie lapano mot. Ta ie ila ipot, me ie i watae avo pa ila siang.Ie iwoguai me igingin ke natatano eko ⁹ iwai natamtamaol ke ire terenge. Ie me Aisak me Jekop tigingin ke navara,me ire narumpua Natavolo ivulre so ikeve pagire. ¹⁰ Nae vunoinge ie irokrok so i leie nania votvotia,me nania ke Natavolo i papote nanalnga ke nangonga me nourata. ¹¹ Page naoguainga volem, Sera i korarange nagol ke nasikmelamelanga,Abram iwoguai votvot so ipot iwai namelamela tamare.Tagule ie ipot iwai nakolman ngata, me ie laoguainga vilelo Natavolo i keve nangonga votvotia so ie pa isik melamela. ¹² Pa vileio, navola tiavolemnga ipot nakolman ngata towoi ke imate, ie pa ipot namelamela tamare.Ire tipot songa ngata iwai naputom ke nagulvo me namaga paele i souso navolatia inine tiavo. ¹³ Ire natamta me neware eriko tiwogaie Natavolo la timate. Ire titoke navuga popuare Natavolo i vul votvot kire so ikeve pagire.Tiavo ire timari me tilaire navuga erilo alwai pagire ngata tinre igelgel pagire. Me ire mamare ke tivule.So iem emgingin ke natatano iwai natamtamaol ke napano rolwe. ¹⁴ Soge ita talongore natamtamaol tikeve nangonga tiavolem ko,eio ita tanal, ire tikim so, tipaunake natatano mot kire. ¹⁵ So ire matare nanake napano manialo tiko rarange timai io, eio pa timule tila knge. ¹⁶ Ire tikim ngata so titoke natatano paua tiapau gegia page mugange.Eio Gulvek volem. Paso vilelo Natavolo i souso mamae page ire rengonga avo. Pa eisae,ie mate towe napanotia kire paua so tila knge. ¹⁷ Page naoguaiga volem, Natavolo itove Abram, page tua Aisak so iwai natengaiga. Ie lamelamela tiavolem ngata ke natengaiga.Page ie namelamela tipot. ¹⁸ Nasau talo Natavolo i vule Abram, "page Aisak vole nativu pa erepasis tipot." ¹⁹ Abram remua vileko,soge Aisak i mate, Natavolo isou pa ipamule. Soge onauna ngata, ita tangogo nakounga pa navunga eniko imai ipot.Abram itoko mule tualia ke namatenga. ²⁰ Ke naogainga tipot, navunga tipot ke Aisak me ie ipapote napavorenga ke Jekop me Eso. ²¹ Jekop iwoguai so i mate,ta ipavorowe namelamela lua ke Joseph. Jekop i kataia me ivirapage Natavolo. ²² Joseph iwoguae lawe elo towoi ke imate me ie ivul.Pa eimul pa ire Israel pa tiko rarange Isip me tila .Ta ie ivulre pa navunga terenge ire pa tikeve page ie volvolia. ²³ Page naoguainga volem, Moses i pot, ire titol tonganke natop tol,tame me tne tileie namelamela popue ngata. Ire timotoure Nangonga ke Nasarara einge [King] tiavo. ²⁴ Page naoguainga, Moses, eimul ie ila ipot navinge lo, ie imotou so i vul ipot so ie namelamela ke namelamela neiwe ke Faro tiavo. ²⁵ Eta, ie i kimso ige nakarkarnga i tolangare natamta me neware ke natavolo me ie tinia so i pagelgele nagol ke natatano ke nasau polia ko avo. ²⁶ Ie ileinge vileko so, nagol ke nawatanga Natavolo eio einge page nagol ke Isip. Pa eisae me,ie ilalae ekolnga. ²⁷ Page naoguainga volem, Moses i korarange Esip.Ie imotoue naosinga ke Nasarara einge [King] avo, pa eisae ie ileie einge talo ikou luila kie. ²⁸ Page naoguainga volem,ie iwotai so Natavolo i warmule elo Esip page natepo eilut ke naramo, eio ta natamtamaol ke ilaumatematenga namelamela loutavetave isou pa ipamatemategare namelamela natamta Israel. ²⁹ Page naoguainga volem,tivut kisike natai kilkilwange me tila tipot ke natatano pitia.Nasau talo ire Isip titove so tiwatare natai imai iruk alare. ³⁰ Page naoguainga volem, Jeriko egel ivilil iroun talo ire tilala valiu page naetne masa me lua. ³¹ Page naoguinga volem, Rehap, neiwe neigau tne ie imate itolakngare ire neiwol ke nalongoililnga pa iesae ie itokore natamtamaol ke nalei nananga ke natetawainga. ³² Nasae tengerepau pa nangongo page pau? Iau pa nalavurusuke ke naetne enio so iau napanale Gidion, Barak,Samson,Jeptai,David,Samuel ³³ me ire narutame [Prophet] .Page naoguainga volem, ire tila titokore namuli avoko page naremonalnganga ke atoke nangonga me ire tialare Lion aore. ³⁴ Me naselnga ke naringa isamore tiavo me ire tapavurusuke napul mate me ire tinrepopue me tipot votvotire page napalpunga me timuga page namar nania rolware . ³⁵ Ire neiware timateo pa tivira mule. Ire terenge pau pa tirikapagire ire tinre me isou pa tinreser avo page ire reviramule nganga pau. ³⁶ Ire tengere pau, titoke natovanga luila ke nangonga siangare, me ire tikanakire, tikaukaukire vagere me aere page naolo me titolre ke navovosiange. ³⁷ Me ire tipamatengare page napotnge, me ire tivore tiwai luwa, me tipamatengare page napul. Ire tiruk alare page Sipsip me Meme kulkulre. Me ire regoltiatiavo, ire tirikapagire ngata, ire tivulraukire me tikepsiange pagire. ³⁸ Ire tinre pae natatano avo, ire tivaliu sapa ke napano navalim gorange,ke nalolo me napot livlivua me natatano livlivore. ³⁹ Onauna ngata natamta me neiware ire ko Natavolo tinia igelgel page naoguainga kire,me ire titoke nangonga avota, soknge Natavolo ivule. ⁴⁰ Natavolo lamatatounga popue pagem, page nasae. So, iem emgigin avo, navunga songan isow pa tipotpua avo.