¹ Sovilelo,neiwol i valiuta iwai nagagau naveinge,ita sevaio takorarange nagol siange itova so ipamolta taroun me tatilake nasagula, ikep ikis mule namamatanga kita.Eta sevaio mosmos me tawavel ke nawavelnga eko. ² Matara ila tagerapue Yesos, ie pua page nagol vuno me narelmonga pua kita.Natinigelgelnga einge iroge talo eio ta Yesos ige naigasange ie i pali ke ige neivo patange me namamanga avo.Eliakoko ie imate ke lavovo napatopnga ke tame vagia wotai eilut. ³ Sevaio relmora votvotia page, ire natamtamaol siangare tikep siange page,ie imari votvot me ige naivo patange ise eilut page,eta sevaio tanauleta ke tawatae kute. ⁴ Iami amari votvot me aelke natovnga ke nasagula la ala aseknge nakonoutnga ke natepo ilele. ⁵ Matami sop kire nangonga eriko avo,ire tivuliami page,''lemelamela,sevaio aleie patange me aruamule kute, so einge ipanal iami.'' ⁶ Ainge sevaio ipanalnalre naiwol seime ie ikimkimre me ikanakire namelamela me itoko mulemulere. ⁷ Iami amari votvot me atimi iroun, soge Natavolo ipanal iami awai namelamela.Natavolo ipanalnalta iwai tamara me siko tatano tikeveve. ⁸ Soge teia itoke nangonga ke napanalnga avo,eio iwaita eio namelamela taio tame isoke avo io, ⁹ Tamaem siko tatano eio tipanalnal iem me iem emtoliem ke ire vulolore volem.Sevaio emtoliem emroun,emwatae tamaem Natavolo langonga eta isou so emamata igingin? ¹⁰ Narelmonga tiapau,Natavolo ipanalta pae popue kita me tapot nalngara iwai ie nalnge mot. ¹¹ Soge Natavolo ipanalta io,epa ikevita takarkar.Lapua io ipapote nate tawainga me nagol nalnge ila kire seime titoke napautainga io. ¹² Panalre vagem tivira tinal me aem ereluvua ulare avo. ¹³ Kaine rorom ke kulae,meta aem ta siange io ipot popue me ila. ¹⁴ Relmom popue pagire weam neiwol me kupot nalngam me Natavolo mate soge nasagula ikono eio I so kuleie einge avo. ¹⁵ Kulei iom pa kep me kulararange Natavolo lakewainga me nate sainge sevaio ikono me irikarika page namatenga eio avo . ¹⁶ Kuleie iom pa kep me nagol neigau ilulu kiom me waem seime tinal page Natavolo avo iwai iso page nanga livua tiavolem eio ilau kole lautave kie. ¹⁸ Iom kumoi ke nalolo kisike me kilale tiavo, Natavolo naringa i vava,natoroma, nakarkarnga navinge, namule me nava. ¹⁹ Iom kumoi ke napano teia napanalnganga ke nataule knge tiavo avo teia egol imai me imai la tikarilenga page elongonga avo. ²⁰ Ire isou so tilonge nangonga votvotia imai ke Natavolo tiavo:"so narago tia imai towoi ke nalolo, eko eio tilamatenge page napotnge. ²¹ Namotounga navige me nakarkarnga einge ipot ta vilelo ta Moses ivul,"tinik i motau ngata me nasamimi." ²² Pa iom kumoi ke nalolo Saion me Natavolo ie mamatange, Jerusalem ke Gulvo, ire Ensel eingur la eingur tinre igelgel. Iom kumoi kluk kire Natavolo lamelamela lautavare erepasis talo Gulvo.Kumoi ke Natavolo pa ie pa ilau pote neiwol me kire ire seime anunre tipot nalngare. ²⁴ Iom kumoi ke Yesos, ie imari mugula ipangongo page Navuknga pauwa,me natepo ilele me ipangongo panga alngare popuare me gegegia page Abel tepua. ²⁵ Sevaio matami ikono pua me kuielke me pul rimem page ie ipangongoami io.Ire isouso tiko avo pa tigingin tatano tilongopue nangonga votvotialo tiavo.Matam polo,Patako page saie ikeve nangonga votvotia me nangonga napalvipnga elo Heven lo? ²⁶ Pa nasau teia ie egol inike natatano.Me eliakoko ivitike engonga me ivul,esau tiapau elo pa nanike me natatano volem avo, me Gulvo pau. ²⁷ Nangonga eriko,"Nasau tiapau," relmua kounge me navulnga eio so tiko io taela,pa eniknga,panga navulnga eio ikainre io,eiota navulnga sokngare inikrarangare eiopa tisio tigingin. ²⁸ So vileko ita sevaio tatoke Kingdom soknge imuniki me itavul avo,ita sevaio tinra i gelgel page me tapakilala pae Natavolo me tamotaue ie volem. ²⁹ Aratavolo ie iwai naringa kange ta i kane nagol ta vunoinge.