¹ Nakimnga ke waim natamta savaio ikono ila. ² Sevaio gulotilgnanga me kepopue ila kire neiwol seime eio iom kunal pagire avo io, Natamtamaol terenge tikev vileko pagire natamtamaol me ire tileiknge so ire Ensel tiavo. ³ Matam nanakire natamtamaol ke navovo siange, wai so iom pau talo kire.Me matam nanakire pau waem seime titoke siange ke natamtamaol seime vagere.Wai iom pau talo kugingin kire . ⁴ Sevaio neiwoleinge tileiknge iom lem wolanga. Naolanga kounge sevaio ipot mange me popue.Eta Natavolo pa, ipasiangare ire seime tekeve nagol neigau pagire naulaulanga natamta,me neiware. ⁵ Me sevaio limilanga ipot popue me kimsongan ke navaiau me tinim igelgel page navaiau kiom mot avo,Natavolo ie ivul, epa ikorarangaom avo,me ie pa igingin kiom. ⁶ Eta tinra igelgel, me tavul vileko ,Natavolo ie akpaulonga, me pa namotou panasae,natamtamaol tia isou so ipa siangawau avo. ⁷ Kuleikngare iom amuganga, se iliwole Natavolo langonga pagom, me kulei popue page nourata ire tikeve. Me kutoke naoguainga iwai ire reva. ⁸ Jisas Krais,ie igingin iwai nola, alavoko,me nae vunovuno. ⁹ Sevako nagonga napokakanga ipavovonge iom relmom avo, me popue so iom atem rung me igelgel.Isou ke nangonga tia ke ipaulore natamtamaol ke relanga tiavo. ¹⁰ Ita rania ke napavulnga soknge, narutame ke nania sevaio tileileipue nania ke tiliwolole nangonga me pau isou pa itoke nangonga tia avo. ¹¹ Me hetpris ipamategare narago,me itokore tepore tila ke Navovo Napatopnga ke ipenpenre nasagula, me iroukire anore ke nagel mange. ¹² Eta, Jisas itoke siange elo ke nagel mange ke taun, paso, ie ikevire natamtamaol tipot nalgare page ie tepua. ¹³ Paso vilelo, ita pau tala tapot mange ke tatoke namamanga iwai ie itoke. ¹⁴ Pa iem lemba taun votvotia tea ngata siko avo, eta iem emtol mataem so lemba tea pa imai. ¹⁵ Page ie, eta, ita neiwol sevaio takev toitoi ke napasis einge ke Natavolo me tatoke natengainga ila ke Natavolo. Eta ¹⁶ iom me iau, sevaio matara sop ke takev puare neiwol einge seime tigingin kita avo, pa eisae, Natavolo ie tinia igelgel page nagol vilelo. ¹⁷ Kulongo pue nangonga me kutol muleiom kuroun pagire namariringa, paseime tileileire iami anunimi, eta ire pa tilaue nangonga, ke ire reurata. Kulonge nangonga, eta ire namariringa pa tikeve reurata ke natinigelgelnga me ire isou so osire avo, pa eio nagol popue avo. ¹⁸ Kuraring pagem, Eta iem pa relmuem popue me iem sevaio matem page namatenga popue ke nagolvunoinge ko. ¹⁹ Iau navuliami, iami isou ke akeve vileko toitoi, pa eisae, iau pa namule namai kiame towoi o. ²⁰ Eliakoko, Natavolo ke naremo sianganga, iese ipango mulere ire namatengatenga, eio ie seie einge ileileire (sipsip),ie seie aravainge yesos me page ie tepua, ie ikeve Navuknga (Kontrak) me isio igingin. ²¹ Isouriami me ikepue se iwatatae ie relmua.Ie isou pa ikeve navungatea pagita popue ngata me gegia kie. Eko ie Jisas Krais seie itoke napasis einge me nagiro igingin mot, Onauna. ²² Eiliakoko ,Napei mule narelmo kiami waek me, ke matami nanakire nagonga, iau navuliami me nounake nalaulau iwot kiami. ²³ Aotai pua vileko, iem waem, Timoty ie isio igingin sapa me page ie, iau towoi ke namai nalei iami. ²⁴ Eigule imai kire namariringa me naoguainga tameme me tneme.Me Eigule pau imai kire Itali. ²⁵ Eta natetawainga isou ke igingin kiami awainge.