¹ १) यो गोटयो आसीन भी यहुदीसनो यक त्योहार ( सन ) अन येशु यरुशलेम गयो ।

² २) यरुशलेम म भेड काटक नी जाग यक कुंडी आस जी इब्रानी भाषा म बतेह सदा आखाय आस अन तीना पाच पाच वसयो आतल्यो ।

³ ३) इसम खुब बीमारी आयय लगड अन सुफायल डील वाले ( पानी हालवानी आशाम पडी रत आस ।

⁴ ४) किसाका तिनो पल म देवना स्वर्ग दुत कीन्डीम उतरीन पानी हालवु लागा पानी हालवता जो बी पयल उतर तो सारो ( आवल ) होय जाय आस तीनी कोयबी बीमारी रवदे । ⁵ ५) ताहा यक मनुस आतला जा आडतीस वरीस थी बीमार आतला ।

⁶ ६) येशु तीला पडीलो देखीन अन ई माहीती करीन का यो खुब दीन थी इ हालतम पडनो आस तीला पुसनो प तुला सारो ( आवल होवाना आस का ? ⁷ ७) ता बीमारी जवाब देनो हे स्वामी मन जाग कोय मनुस नाहा का जव पानी हालवाय त मला कुन्डीम उतार पन हाय यीशु यीशु तावुक कोय बिसरो पोसी जाय आस ।

⁸ ८) येशु तिल आखनो उठ तुम खाटला उखल अन चालतो फीर । ⁹ ९) अन ता मनुस लगेज आवल होय गय अन तीना खाटामा उखलीन चालता फिरता होय गया । ¹⁰ १०) तो आराधना नो दिन आतलो इन करता यहुदी जिनारो तो आवल होनोलो आकु बटा आजत आरनानो दिन आस तुन खाटला उखल वाना सारा ना मिय ।( यिर्म . १७:२१)

¹¹ ११) तो तीसला जवाब देनो जो मला सारो करनो तोज मला आखनो तुना खाटला उखलीन चालतो फिर ? ¹² १२) ते होग तीला पुछन तो कोनसो मुनुस आस जो तुला आखनो खाटला उखल अन चलतो फिर ?

¹³ १३) पन जो सारो होय जायलो आतलो तील कान मालुम आतला तो कोय आस किसाका तो जाग वधार गरदी आतली तीनी वजयती ते ताहारी सरकी गय । ¹⁴ १४) यो गोडयोनी बाद तो येशु ला मन्दिर म मियनो अन तव तो तीसला आकनो हेर तु त सारो होय जायलो आस कास पाप ना करस इसना होय का इन वजयती तुय मोटी विपत्ति यय पड ।

¹⁵ १५) तो मनुस जायन यहुदि सला आखनो का तुला जो सारो करनो तो येशु आस । ¹⁶ १६) इन करता यहुदी येशुला सताजवाल लागी गयला किसाका तो इसज इसज काम सब्त दिनला करु लागो ।

¹⁷ १७) इय येशु आखनो मन आबो आमी लगु काम करी रहनो आस अन हायभी काम करु आस ।

¹⁸ १८) इन करता यहुदी आजु वधार तील मारी टाकवानी कोशीश करु बटा का तो नत सब्त नी दिन नी विधी ल तोडतो पन परमेश्वर ( देव ) ला सोतानी आबो आखीन सोताला देवनी बराबर ठरवी देनलो । ¹⁹ १९) इय येशु तिसला आखनो हाय तुमला खरखर आखी रनो आस पोरयो सोताती कायज नाहा करी सकतो पन तो जा आबाय करता हेर आस किसाका जे जे काम तो कर आस तिसज पोरयो भी तिज रित कर आस ।

²⁰ २०) किसाका आबो पोरयो बी प्रेम ( मया) कर आस अन जे जे काम तो सोता कर आस इ होमा तिला देखाट आस अन तो इनारी भी मोट काम तिला देखाड का तु अचम्भा करा । ²¹ २१) किसाका जिस आबी मरीम बसला उकल अन जिवाडी लेय आस तिसज पोर्य भी जिला पसंद कर आस तिसला जिवण आस।

²² (२२) आबो कोनो न्याय भी नाहा करतो पन न्याय करवाना पुरा काम पोयोल सोपी देयला आस

²³ २३) इन करता का जिस लोक आबानो ( पिता ) नो आदर करत आस तिसज पोरयो नो भी आदर करी जो पोरया ना नाहा आदर करतो तो आबानो जो तिला मोकलनो आदर नाहा करतो । ²⁴ २४) हाय तुमला खर खर आकु आस जो मन वचन वनायन मन मोकलनाराप विधास कर आस अनन्त ( कायमनो जिवन ) तिना आस पन तिय दन्ड नी आज्ञाना होती पन तो मरण ला पार करीन जिवन म प्रवेश करी चुकनो आस । ²⁵ २५) हगय तुमला खर खर आखु आस तो समय यय आस अन आमी स जिम मृतक ( मरीलो ) देव परमेश्वर ना पोरया ना शब्द वनाई अन जे वनाइ ते जिवी । ²⁶ २६) किसाका जी रीत ती आबो सोतानो इम जीवन यव आस तिज रित तो पोयोल भी या अधिकार देनो आस का तो सोतान इम जीवन राख ।

²⁷ २७) अन तिला न्याय करवानो भी अधिकार देदेन्यो आस इन करता का तो मनुसनो पोरयो आस । ²⁸ २८) इय अचम्भा चोकना ना करसा किसाका तो समय यय आस का जतल कब्रस म आस तिना सब्द वनायन निगी ।

²⁹ २९) जे भलाई करन आसत ते जीवन ना पुनरुत्थान नी करता जीवत होय उठीत अन जे बुराई करन आसत ते दण्ड ना पुनरुत्थान नी करता जीवता होय उठी ।( दानि १२:२) ³⁰ ३०) हाय सोताली कायज कायना करी सकतो जिस वनाव आस तिस न्याय करु आस अन मनो न्याय खरो आस किसाका हाय सोतानी इच्छा नाहा पन मल मोकल नारानी इच्छा पुरी होय ता हेरु आस ।

³¹ ३१) नत हाय सोता मनी गवाही देव त मन गवाही खरी नाहा ।

³² ३२) यक आजु स जो मन गवही देय आस अन मल मालुम आस का मनी गवाही जो तो देय आस ती खरी आस । ³³ ३३) तुमु युहन्नाल पुसुलगाडन अन तो सच्चाई नी गवाही देनो आस ।

³⁴ ३४) पन हाय मन विषय म मुष्यनी गवही नाहा जोय तरुजी हाय यो गोडयो इन करता आखु आस का तुमला उध्दार मिय ।

³⁵ ३५) तोत सीलगतो अन चमकतो दीवो आतलो अन तुमला जराक वार लुगु तिनी ज्योतिम मगन होवाना सारा लागु लागा । ³⁶ ३६) पन माप जी गवाही सन ती युहन्ना नी गवाही ती मोटी आस किसाका जा काम आबो मला पुरा करवाना सोचनो आस मजे ई काम जा हाय करु आस ते मन गवाह आस का आबो मल मोकलनो आस।

³⁷ ३७) अन आबो जो मल मोकलनो आस तोज मनी गवाही देनो आस तुमु ना कव तिना शब्द वनान अन नाहा तिनो रुप हरेन ।

³⁸ ३८) अन तिन वचनला मनम स्थीर ना थवत किसा जीला तो मोकलनो तुमु तीय विधास नाहा करत । ³⁹ ३९) तुमु पवित्र शास्त्र म हरेत आस किसाका तुमु समजत आस का तिम अनन्त जीवन मिय आस अन यो तोज आस जो मनी गवाही देय आस ।

⁴⁰ ४०) तरुषी तुमु जीवन लेवानी करता मनी जाग नाहा पवाल करता । ⁴¹ ४१) हाय मनस पती आदर ना मागतो ।

⁴² ४२) पन हाय तुमला वयकु आस का तुमसम परमेश्वर नो प्रेम ना मीय । ⁴³ ४३) हाय मन आबानी नावती ययलो आस अन तुमु मला गहाज ना करत कदाच कोई बिसरा तिन नाव थी चह त तिला ग्रहण करी लेसा ।

⁴⁴ ४४) तुमु जा यक बिसरापती आदर नी इच्छा करत अन जा यकमात्र परमेश्वर नी गुमती आस ना जोय किस काय विधास करसा ? ⁴⁵ ४५)इना समझसा का हाय आबानी सुमुर तुम प दोस लगाडीस तुमु सय त दोष लगाड नारो त आस मजे मुसो स जिय तुमु भरोसो थवन ।

⁴⁶ ४६) किसाका तुमु मुसाप विधास करत त माप भी विधास करा इन करता का तो मन विषयम लिखनो आस ।( लुका २४:२७)

⁴⁷ ४७) पन जरकदी तुमु तिनी लिखील्यो गोडयो प विधास नाहा करत त मन गोडयो प किसा विधास करसा