¹ १) अन जव प्रभुल मालुम पडना का फरीसियो वनान आसत का येशु युइन्ना थी वधार चेला बनाड आस आन तिस बाप्तिस्मा देय आस

² २) येसु सोता नाहा पन तिन चेला बाप्तिस्मा देय आस.

³ ३) अन तव यहूदीयाल सोडीन फिरी गालील जातो रहनो. ⁴ ४) आन तिला सामरीया प लुगी जावाना आतला.

⁵ ५) नी करता तो सुखार नावना सामरीया ना यक नगर ( मोठा गावं) लुगु यनी,जा ती जामीन नी जाग आस. जिला याकुब तिना पोर्यो युसुफ ला देनलो. ⁶ ६) अन याकुब नी हेर बी ताहाज आतली.येशु चाली चालीन दमीलो ता कुवाय परूज बसी गयो अन ई गोट लगभग मध्यान नो समयला होनी.

⁷ ७) अतलाम यक सामरी बाई ( स्त्री) पानी भरवाला यनी, येशु आखनो " मला पानी पिजाड ."

⁸ ८) किसाका तिना चेला ते नगर म भाखर ( भोजन ) लेवाल जायला आतला. ⁹ ९) अन् ती सामरी बाई आखनी " तु यहुदी आसीन माय सामरी बाई प थी पानी किसा मांग आस ?

¹⁰ १०) येशु जवाब देनो " जरकदी तुल (परमेश्वर) देव नो वरदान मालुम रतो अन ई भी मालुम रतो का तो कोन आस जो तुल आख आस, मला पानी पिजाड ", त तु तिपती मांगती, अन तो तुला जिवन ना पानी देतो. " ¹¹ ११) बाई (स्त्री) तिला आखनी " हे देवमनुस (स्वामी) तुपत पानी भरवाला भी कायज नाह मिय अन हेर उंडी आस त फिरी तुप जिवन ( जिव) ना पानी कहाती यना ?

¹² १२) तुका हामनो आबो याकुब ती मोटो आस का ? तो हामला ई हेर देनलो.अन तो तिन पोर्ये अन तिन जनावर समद इमती पिनल . ¹³ १३) येशु जवाब देनो " जो कोई ई पानी पिह तो कवबी तिस्यो ना होवाव .

¹⁴ १४) पन जो कोई त्या पानी मती पिई जा पानी हाय तिला दिस तो फिरी सदाकाल ( कायम ) लगु तिस्यो नाहा रवाव . ¹⁵ १५) बाई तेल आखनी , हे देव (प्रभु) त्या पानी मला दे किसाका हाय कवभी तिस्यी नाहा होव अन नाहा पानी भरवाला आतली दुर यव.

¹⁶ १६) येशु तिल आखनो " जा तुन माटीला यहा वाहरी ली आव." ¹⁷ १७) बाई जवाब देनी हाय वगर माटीनी आस.येशु तिला आखनो " तु बराबर आखनी आस," हाय वगर माटीनी आस.

¹⁸ १८) किसाका तु पांच करी चुकनी आस,अन जिन जाग आमी तु आस तोभी तूनो माटी नाहा मिय ई तु खरा आखनी. ¹⁹ १९) बाई तेल आखनी हे देव ( प्रभु) मला लाग आस का तु भविष्य आखनारो आस.

²⁰ २०) हामन वाडा-वडील योज पहाड प भजन आखनाल, अन तु आख आस का तो जागो जहा भजन करु जोयजे तो यरुशालेम म आस. ( व्य.११:१९ ) ²¹ २१) येशु तील आखनो ओ बाई मनी गोट प विश्वास कर तो समय यय आस तूमु नाहा तर यो पहाड प आबा (परमेश्वर) ना भजन आखसा, नाहा यरुशालेम म .

²² २२) तुमू जेला नाह वयकता तिना भजन आखत आस, अन हामु जेला वयकुत आस तिना भजन करतुत आस , किसाका उद्धार यहुदीयो मति आस ( यशा.२:३ ) ²³ २३) पन तो समय यय आस , नत आमीभी आस,जि म खरा भक्त आबान (परमेश्वर) नी आराधना आत्मा अन खरापनथी करी किसाका आबो ईसळज भक्ती करनारसला हेरतो फिर आस.

²⁴ २४) देव (परमेश्वर) आत्मा आस, अन नक्कीज आस का तिनी आराधना करनार आत्मा अन खराई थी आराधना करी. ²⁵ २५) बाई तेल आखनी माल मालुम आस का मसिंह जो ख्रिस्त आखत आस, यनारोह तो अन जव तो यई त आमला बड्यो गोठ्यो आणखी दीई .

²⁶ २६) येशु तिल आखनो " हाय जो बोली रनो तोज आस. ²⁷ २७) अतलाम तिन चेला यय गया अन नवाई (अचंबित, आश्चर्य) करु बठा तो ति बाई नी हारी बोलु आत्लो तरूबी काईना पुसना " तुल काय जोय ? " का किसा तिनी हारी बोली रनो आस ? ²⁸ २८) अन तव बाई तिना हांडला सोडीन नगर ( गावं ) म जाति रनी अन लोकसला आखु बठी.

²⁹ २९) यवा यक मानुस मला बठाज आखी देनो, मला हाय जा करनील . योत मसिंह नाहा काय ?

³⁰ ३०) तव ते लोक नगर ( गावं ) मती निगीन तिनी जाग यवाल लागी गयां. ³¹ ३१) तव तिना चेला येशु ला रावन्यो करायला लागी गयां काय खाय ले.

³² ३२) पन तो तेसला आखनो " माय खावाला ईसडी आस, जि तुमला मालुम नाहा मिय.

³³ ३३) तव चेला तिसन तिसन आखना काय कोय तिन करता खावाल लावना आस का ? ³⁴ ३४) येशु तेसला आखनो " मना खावाना ई आस का , मना मोकलनार नी ईस्छा अनुसार चालू अन तिना काम पुरा करु.

³⁵ ३५) काय तुमु नाहा आखत का , काटनी करवाल चार महिना बाकी आस? हेरा हाय तुमला आखु आस,तुमना डोळ्या उंच करा अन खेत गुमू नजर टाका का ते काटनी नी करता तैय्यार होय गया आस.

³⁶ ३६) अन कापनारो तिनं मजरीयें लेय आस अन कायम (अनंत) नी जिवन नी करता, कई गयो कर आस किसावारु का लागाडनारो अन काटनारो बेनी मीयन मजा करी. ³⁷ ३७) किसाका ईप ई कहावत बराबर बट आस , लगाडनारो अलग आस न कापनारो अलग आस.मिखा.(६:१५)

³⁸ ३८) हाय तुमला ता खेत कापवाला मोकलनो,जिम तुमू मेहनत नाह करना मिय.बिसर मेहनत करन अन तुमू तिसनी मेहनती भागीदारी लेना. ³⁹ ३९) अन ती बाईना आखवाय सामरी बायो यीशु प विश्वास करन्यो अन जो ई गवाही देनलो का ता बठाज हाय करनी आस ता तो मला आखी देनो आस.

⁴⁰ ४०) तव जव ते सामरी तीनी जाग गया ,अन तिप रावन्यो करवाल लागी गया का तु हामनी जाग रय जा, अन तो ताहा बेन दिही लगु रनो. ⁴¹ ४१) अन तिना वचन नी वजयती मुक्त लोक तेप विश्वास करना.

⁴² ४२) अन ती बाईल आखनो आमी हामु तुन आखवाती ज नाह विश्वास कराव ,किसावारु हामु सोता वनाय लेन आस , अन मालुम आस का तो अमर दुनिया नो उद्धारकर्ता आस. ⁴³ ४३) फिरी तो बेन दिननी बाद तहाती नीगीन गालील गयो.

⁴⁴ ४४) किसाका यीशु सोता साक्षी देनो का भविष्य आखनारो सोतान देशम ईज्जत नाह मियती.

⁴⁵ ४५) जव तो गालील म यनो त गालीलमभी खशीती तेला मीयन, किसाका जितला काम तो यरुशालेमम त्योहार (शन) प करनोल , अन तो तहा होगासला हेरनोल किसाका त्याभी त्योहार (शन) म गयल. ⁴⁶ ४६) अन तो आजु फास गालीलना कानाम यनो , जहा तो पानीला द्राक्षरस बनावनोल.ताहा राजानो यक काम करनारो आतलो जिनो पोर्यो कफरनहुमम बिमार आतलो.

⁴⁷ ४७) ई वनाय न का यीशु यहुदीया मती गालील यनो आस, तिन जाग गयो अन तेला रावन्यो करवाल लागी गयो का चाल अन मन पोर्योल आवल करी दे: किसाका तो मरू मरू आतलो. ⁴⁸ ४८) यीशु तिसला आखनो " जाव लगु तुमू चिन्ह अन चमत्कार नाहा हेरीलेता ताव लुगु

तुमू विश्वास नाह कराव.

⁴⁹ ४९) राजाना काम करनार नौकर तेल आखनो " हे प्रभु मन पोर्यो मरी जाय,तिन पयल तु चाल."

⁵⁰ ५०) यीशु तेला आखनो " जा तुन पोर्यो जिवतो आस. " अन तो मनुस येशु नी आखली गोठ प विश्वास करनो अन जातो रहनो. ⁵¹ ५१) तो वाटम चालू लागो ताव त तिनं नोवकर-चाकर तिनजाग यय गया अन आखु बटा तुन पोर्यो जिवतो आस.

⁵² ५२) तो तेसला पुसनो कोनसो समयला तो सारो होवु लागो ? ते तेला आखनं कालदी सातवो कल्लाकला तिनो तप उतरी गयो. ⁵³ ५३) अन तो आबो (बाप) समजी गयो का,ई तोज समयला होना जो समयला यीशु तिला आखनोल , तुन पोर्यो जिवतो आस. अन तो अन तिना पुरा घरना तेप विश्वास करनं.

⁵⁴ ५४) यो बिसरो चिन्ह आतलो जो यीशु यहुदीया निगीन गालीलम यईन करनोल